:تسلمي دندوش دائما متميزة بالنسبة للسفر الحمدلله دائما نحجز بدري والسيارة زوجي كل فترة ياخدها الوكالة يشيكوا عليها وبكدا ارتحنا ولفتي نظري للانترنت لاني ادفع شهريا جزاك الله خير ياعسل وننتظر منك المزيد. ماشاء الله ياجالكسي حرمه شاطرة انا دائما اخد معاي ترمس موية حارة وقهوة ومؤنة الحلوين بس والباقي من بره. ويارب تسعد سندريلا الله لايوصلنا لهدا الدرجة صار بخل مو توفير ..:angry2:

ههههههههههههه حلوة النكتة خصوصا التانية:) هيك العقلية التوفيرية ولا بلاش :)


جالكسي مالح صح كلامك 100%... انا بحس المتعة في السفر انه الواحد يتعب و يجرب مواصلات واكل وعيشة اهل البلد .. لانه لو بدي اتنقل بسيارة واكل من مطعم راقي ما فرقت كتير الامور معي بين بلدي والسفر .. بس دفعت فلوس اكتر

- استخدام المواصلات العامة ، وهاي يا جماعة مو متل بلادنا للفقرا وبس .. كل الناس بيركبو القطارات والمترو في اوروبا الغني والفقير والكل .. والباصات كمان نفس الشي يعني مو تفكروا انها سمعة سيئة :) والحلو انكم بتعلموا اولادكم على شغلات نادرا ما يشوفوها او ممكن ما يشوفوها ابدا في بلدهم .. بيتعلموا دقة المواعيد لانها كلها ماشية عالساعة .. وبيتعلموا طريقة التعامل مع الناس في مجتمع غريب عنهم وممكن تفيدهم وتفيدكم من ناحية اللغة

- استخدمي بطاقات التذاكر لاكتر من يوم ان كنت رح تستخدمي المواصلات العامة باستمرار. بعض تذاكر القطارات بيرافقها مثلا تذاكرمجانية لمتحف أو لموقع ترفيهي .. انتبهي عليها لانها كتير مهمة

- الحجز عن طريق الانترنت ممتاز و ارخص من الحجز عن طريق مكتب .. والأهم من هيك انكم ماااا تحجزوا ابدا مباشرة من الفندق يعني لما نوصل البلد ندخل على الفندق و نحجز .. هادي اغلى اسعار رح تكون ..
عن طريق الانترنت ممكن نلاقي عروض رائعة وممكن كل تلات ليالي مثلا معها ليلة مجانا .. في كتير مواقع ممتازة للحجز عن طريق الانترنت و كلها مضمونة ومجربة ..
وعشان نعرف الفندق فعلا كويس او لا ، في مواقع متخصصة لـ reviews ممكن نلاقي فيها نصائح وتجارب ناس سكنوا هالفندق واعطوا رأيهم فيه ..

- مواعيد السفر: حاولو قدر الإمكان تتجنبوا موسم الذروة high season .. الاسعار اغلى بكتيير و الزحمة كبيرة جدا
طبعا في ناس بيحبوا الزحمة .. يتحملوا ما جاهم هههه .. عشان نعرف موسم الذروة و غيره ندور على اسعار low season او off peak rates .. في الاردن مثلا موسم ذروة السياحة اشهر 3 و4 و9 و 10 و11 .. و راس السنة والكريسماس هدول كمان ذروة ، وطبعا اعياد المسلمين .. فكل بلد بيختلف فيه موسم الذروة عن غيره لازم الواحد يدرس الحال مزبوط

- الطيران .. هلا موجود الطيران الاقتصادي بكثرة وصحيح تجربة مش ممتعة ابدا .. لكن اذا كان عدد االأشخاص كبير فالتوفير بيكون ممتاز.. و النقص في الخدمات ما رح يأثر كتير لانه رح يكون السعر مش شامل الترفيه ولا الاكل ... للرحلات القصيرة ما في مشكلة ابدا يعني مثلا واحد مسافر من الرياض لدبي ما في داعي ياخد طيران الامارات لانه اغلى شي .. ممكن يستخدم طيران اقتصادي مثل العربية او سما او غيره

- الأكل في السفر متل ما قالت جالاكسي .. مو كل ما شفنا مطعم فخم دخلناه .. ما بتذكر عمري دخلت مطعم راقي لما اسافر .. بحب اجرب الاكل الشعبي . في لبنان ازكى مناقيش وسندويشات اكلتهم في حياتي كانوا عند واحد بيبيع على عرباية .. لهلا بتزكر طعمهم و كانو رخاااص ..

- استفيدي من خصومات الاطفال وين ما تروحي وما تستحي تسألي عن خصم الطفل ..


- بطاقات دخول الملاهي مثلا .. بطاقة وحدة ليومين أرخص من بطاقتين ليومين.. ونفس الشي بطاقة القطار ليومين ارخص من يوم .. والبطاقات العائلية او الجماعية دايما ارخص من مجموعة بطاقات فردية ..

- استخدمي نقاط برامج الولاء والمسافر الدائم في خطوط الطيران والفنادق ... ممكن توفري فيها كتير كل ما تكتر السفرات

- مش عيب ابدا تشتري المية والعصير والشوكلاتة من خارج الفندق .. لانه اسعارها في الفندق شي خيالي مو مضطرين ندفعه ..

- أكتر شي مكلف استخدام التاكسي في اوروبا . من المطار للفندق مثلا، مع انه في كل مطار محطة قطارات بتوصلك لمنطقة الفندق لانه اكيد في وسط المدينة او حواليها .. ممكن يوصل أجرة التكسي 400 ريال وفوق للمشوار الواحد

- وقت استئجار السيارات في اوروبا بالذات ما في داعي لسيارة كبيرة لانها اولا رح تصرف بنزين اكتر ، وتانيا اجرتها اكبر بكتير.. مش رايحين نتفشخر :) السيارة الصغيرة العادية بتأدي الغرض


هاد اللي حضرني حاليا واذا في كمان مش حاعتقكم :D

الله يسعدك :)

ذكرتيني على غلا الموية والعصير في الفنادق

كنا أذ عطشنا او حبينا ناكل شي من الثلاجة بالفندق اذا طلعنا نتمشى وررجعنا للفندق أشترينا زية ورجعناه الثلاثة

ياحلوات اعرف وحدة عندها عادة سنوية تحط اعيالها عند اهلها وتسافر هي وزوجها لجدة او الشرقية وتسكن ارقى الفنادق

وفي سنة من السنوات انزنقت فما قدروا يسافرون راح زوجها واستاجر فندق بنفس البلد وقالت لاهلها ابسافر وخلت اعيالها عندهم ..

طبعا انا ما ايدتها انها تكذب لكن هذا اللي صار

اكتشفت ان الوضع مايفرق معاهم داخل البلد او خارجه لان اغلب وقتهم بالفندق .. فبكذا وفرت مصاريف السفر وحجوزات الطيارة

واستئجار سيارة وغيره وبنفس الوقت ماحرموا انفسهم من المتعة نفسها ... وتغيير الجو