يارب خير
حلوة فكرتك والورقين حلوين ما شاء الله اختاري الي يعجبك أكتر
وبخصوص الشباك مقدر أحدد ادا ينفع يكون خلف السرير أو اليمين أو اليسار يعتمد ع موقعه وجهته من الغرفة
ولو حتخلي الشباك موقعه خلف السرير لا تلصقي السرير بالجدار حطي تقريبا 50 سم أو أقل بشوي
وبخصوص السقف ايوا ينفع بس أهم شي لون فاتح
أو شوفي ينفع تسوي جدارين قبال بعض مع السقف بنفس اللون أهم شي يكون دا اللون فاتح والجدار التاني ورق والي قباله لون زهري أغمق نفس درجة الورق أو تحطي الجدارين ورق واهم شي الي يسوي لك الورق يعرف يضبط الأركان عشان ماتبان واذا خفتي ماتضبط الاركان ممكن تخلي الجدران كلها ورق جدار مزخرف او مورد والباقي ورق ساده
ممكن السقف أبيض وتحدديه بلون الغرفة يصير كأنه مأطر وممكن تخليه جبس وجدار ورق و 3 جدران ملونة
ممكن جدارين لون وجدارين لون تاني وتجيبي زخارف الي تلصق من ايكيا مثلا ع شكل ورود وتحطيها ع جدار واحد ف الركن قريب من السقف مثلا وجنبه رف وممكن تحطي السرير ع دا الجدار
وجهة الشباك تحطي لها ستارة وحده مرتبة أو مثلا لونين وخفيفه وتحتها بلاك أوت
أهم شي ماتغمقي بوية الغرفة خليها فواتح
وفي لمبات من ايكيا موجودة ف قسم اللمبات لو رحت بصورها لك هي ب 39 ريال ملونة لما تطفي النور وتشغليها تصير الغرفة بلونها وعليها رسومات في منها زهري وعودي وألوان تانية تجنن جيبي منها مثلا وحدة أو 2 واعملي رف وحطيها عليه" >> كلامها كتييير
الله يعينك يارب تطلع زي ماتتمني
بالتوفيق
الشباك في الجدار الي 4 والباب كمان ف الجدار الي 4
بالنسبه للتصوير ححاول لان الغرفه حاليا مكركبه عشان بفضيها
وانا حستغني عن المكتب والدولاب التطبيق حبقي السرير نفر ونص وكمدينتين وتسريحه ودولاب
وافكر احط صوفا او كرسي هزاز
هل حلو اخلي ظهر السرير خلفه الشباك؟
انا حعمل جدار ورق جدران مورد او مخطط لازلت محتاره حخليه خلف السرير والباقي ساده ..
وعادي ردي هنا ياعسل لعل وحده تستفيد ونلاقي دعوات حلوه :)