حملت ولكن أجهضت للمره الثالثه .. ساعدوني

السلام عليكم ورحمة الله وبركاته
أبقولكم سالفتي وأتمنى أي وحده عندها حل أو جربت شيئ مضمون تعلمني وتحتسب الله يجزاكم خير لأني أكتب لكم ونفسيتي جدا سيئة والحمد لله على كل حال ..
أنا متأخرة سبع سنوات عن الحمل وسبق حملت مع العلاج والتنشيط كم مره وأجهضت في الاسابيع الأولى وبدون سبب ..
وسبق سويت عمليه حق فشلت الحمد لله على كل حال والله يعوضني .. سمعت بالدكتور بندر العبدالكريم ورحت له والله يجزاه خير ويوفقه ويزيد علمه كان مثل ماانمدح وأكثر ماشاء الله .. كنت متحمسه كثيرر وبديت معه العلاج والتحفيز وسويت الحقن المجهري وبفضل الله وتوفيقه شفت الخطين في التحليل المنزلي رحت المستوصف وكل يومين تحليل هرموني اتاكد إذا تضاعف الحمل ولا لا .. كان يتضاعف وكل شيئ روعه وعشت أيام رووووعه اخترت اسم لبنتي ولا ولدي وجلست أفكر وين أحطه لو توظفت وربي كنت أفكر بغرفتي بالمستشفى كيف بسوي الاستقبال افكاااااار واحلام وخيالات جميلة جد جدا مدتها بس أسبوع واحد لمن كملت أسبوع بالضبط من التحليل يعني تقريبا بالاسبوع الخامس فجأة مسكني ظهري حسيت بألم خفيف وحسيت نزل شيئ لاشعوريا من الخووف دخلت يدي الا تطلع كلها دم خخخخخفت وكلمت الدكتور قال ارتاحي احيانا ينزل دم طبيعي مامداني انسدحت عالسرير قريت سوره البقره بعدها يس رحت للحمام وانتو بكرامه الا قطعع دمم كثيرررر وبعدها نزلت قطعه لحمه عرفت انه هذا الجنين نزل :( طبعا كان باقي عندي أمل أنه باقي ولا انهم يكونون توائم وواحد باقي بس صار واحد ونزل ..
كنت ثابته وتصبرت جلست ثلاث أيام وأنا متماسكه مررره وأقول بنفسي زين تجاوزت هالمرحله بعدها انفجعت كن أحد قاطع قلبي صرت أصيح وأشاهق طول الوقت رحمت نفسي حييييل حيييييل خصوصا أن فلوس العمليه ماجات بالساهل أبدا ..
أنا كنت أسمع بالقرينه ومستبعده تماما أنها فيني بس بعد هالمره خلاص شبه متاكدة أنها فيني لأن هذا ثالث حمل ينزل بعد أسبوع من الحمل .. علما أني لمن أقراء على نفسي أو أدهن بزيت مقري فيه واسمع رقيه تألمني رجلي اليمين ألم بسيط وزي الشد يصير فيها ..
بالله عليكم من تعرف طريقه أتخلص من القرينه وأبعدها تعبت والله تعبت .. اتمنى تفيدوني وتدعون لي ..