ليش يصير لون الرز كذا ساعدووني

حبيبتي انا طريقتي في الرز الاحمر معجون طماطم كامل تقريبا نصف فنجال صويا صوص ونصف ملغقه ليمون اسود مطحون
وتحمسيهم مع الكشنه والدجاج والبهارات الباقيه لان لمن تحمسيهم مع الكشنه تصير المعجون غامق

ملعقة من كل من القرفة والليمون الاسود والقرنفل طبعا كلها مطحونة

حطي علبة مجون طماطم كامله مع كركم مع حمسة البصل وخليه يتسبك وبعدين حطي المويه

احمسي البصل لحد ما يغمق لونه لاكن لايسود وحطى عليه طماط وبعدين حطيه في الخلاط ورجعيه للقدر
وحطى عليه ماء الدجاج او اللحم وكبي الرز عليه وحطى حبوب فلفل اسود ودارسين وليمون اسود

اللون هذا يجي اما من صلصلة طماطم جاهزة (معجون طماطم) او من طماط انتي خالطته في الخلاط مع شوي مويه
وتقدرين تجمعين الاثنين في طبخه
حطي الكمية اللي تناسبك وتعجبك على حسب كمية رزك
يعني اذا انتم شويين ترى علبة كامله كثيرة وطعمها بيكون طاغي جداً ومااتوقع بيكون لذيذ
يكفي ملعقة ملعقتين كبار اذا انتم شويين .. واذا تحبين ابشري مع الرز شوي جزر يعطي نكهه فتاكه
ولاتنسين الهيل والقرفة والدارسين والفلفل الاسود كلهم عدلين واذا تحبين ضيفي كزبرة ناشفه عدله وورق غار
واذا مرررره تبين طعم لا يعلى عليه سوي كشنه فوق الرز اي كشنه تعرفينها او تحبينها
بالنسبة للبصل تقدرين تكشنينه اول بعدين تحطين المويه والطماط ... الخ لين تغلي المويه ثم تكبين الرز
وتقدرين بعد تحطين شرايح بصل مع الرز بدون تكشين حطيها مع المويه والطماط وتوابعه هذي طريقتي فالغالب وتراها لذيذة.

وصحتين وهنا