بالنسبه لي
الفطور قهوه_تمر_لقيمات_شوربه_وعصير لاني ماأحب القهوه
وبعد صلاة التراويح أحط المعجنات والسمبوسه وصينيه خضار أو مكرونه والعصيرات
السحور سندويشات خفيفه:26: :26:

ينقل لاطباق عالم حواء

ماجي

سحر الشرق ..

نفطر على قهوه = تمر = حلى = عصير ..

وبعد صلاة المغرب شوربه = فطاير = معجنات ..

قبل صلاة العشاء شاهي = نعناع ..

..

السحور ..على الساعه 2 يكون سفره دسمه ..

..


وااااااااو اشتقت لرمضاااااااااان :42:

الله يبلغناه ..

..

والله شوقتينا لرمضان ولياليه المباركه

تقرأين ما كتبوه الاخوات وتعيشين في جو اللحظات الجميله التي يترقبها الصغار ( مع ان هم مو صايمين )

قبل الكبار 0

اختي ( سحر الشوق )

نظامنا بالكويت نفس الطريقه :

بعد مدفع الافطار والاذان : لابد اولا من الدعاء ( اعلمه للصغار يقولونه بشكل علني عشان يذكرون العيال الكبار )

ثم التمر او الرطب وهو متوفر ولله الحمد بهذا الوقت 0

اما اعيالي اللي ما يحبو ن التمر يفطرون على الماء0

ثم اللبن او العصير او الشربت كل واحد حسب ذوقه ( ماشاء الله الاذواق عندي متنوعه )

واحنا نحط الفطور كله على السفره او الطاوله 0

لان ابو العيال يحب الشوربه بعد التمر على طول مع معجنات او سمبوسه او كبب متنوعه 0

اما العيال مواي شوربه يحبونها فاضطر احط لهم الخفايف المتوفره يفطرون عليها قبل ما يروحون المسجد0

بعد الصلاه : التشريبه ( الثريد ) او الهريس او اي طبق متوفر مع الحلو0

ولا تنسين الاطباق اللي تجيك من الجيران ما شاالله ما تدرين من وين 0

تدرين اني كل يوم اعمل حسابنا على الفطور ومسويه جدول لارسال الاطباق للجيران 0

وكنت بالاول ادز للمسجد بس الحين وزاره الاوقاف استلمت عمل موائد الافطار فيه 0


بعد الفطور لابد من الشاي والقهوه

بعد صلاه التراويح : تبدا الدراسه مع العيال 0


الساعه 11 عشا خفيف من بقايا الفطور للعيال لانهم ما ياكلون بالسحور 0

السحور : خفيف جدا من الاجبان و البيض والروب وللعيال الكورن فليكس او الحليب والعصير

ويكون قبل صلاه الفجر اتباعا للسنه0

والله يبلغنا رمضان هالعام ويرزقنا القيام بالطاعات ويعيننا على صيامه وقيامه-

اهلين بالمشرفه ماجي 00الموضوع حينقل طيب وبعدين ما يصير فيه مشاركات تكفين قولي لي 000

بقايا جراح الله محييك 00انا زيك ما احب القهوه اقصد اني احبها لكني اخاف اشربها عشان الحراره بالمعده 00
مفعوصه 00ياهلا ورحب 00بس تدرين احنا ما نتسحر ايام الدراسه حسافه النوم من الساعه الواحده00
زهرة النوير 00الله محييك 00تدرين نظامكم جديد علينا 00واكلاتكم بعد 00حلو الواحد يكتشف اكلات العالم اختي شنو الشربت والثريد والهريس ياليت فكره بس 00
وعساكم من عواده يارب والامه الاسلاميه 00
واستنا كمان اخوات من كل الاقطار العربيه اشلون فطوركمممممممممممم
:27: