السلام عليكم ورحمة الله وبركاته
اليوم حابه اعرض عليكم مجموعه من أفكار وان شاء الله تستفيدون ... افكار طبعاً لـ محبات الاشغال اليدويه ^^
الفكره الأولى :-
هي عباره عن مشروع حلوو ومربح وكل الاعمار ممكن يستخدمونه وهوو عباره عن شالات تصمم على طريقه مختلفه يعني شالات على حسب الطلب تكتبين عليها العبارات إلي يطلبونها الزباين وممكن تضيفين بعض الكريستالات عليهم او الاكسسوارات بس الفكره فعلا عليها اقبال خصوصا للهدايا والعبارات إلي تنكتب على الشالات تكون بالخيوط مب بالطبع لان الطبع احيانا يروح مع الغسيل .
الفكره الثانيه :-
عباره عن مشرووووووع مربح جداً وهوو اطقم الشنط والاحذيه على التاجره توفر كل الانواع والالوان من الاقشمه وعلى الزبونه تختار القطعه و مقاس الحذاء وطول الكعب ( ممكن يكون فلات ) وتختار حجم وديزاين الشنطه والبوك يعني البنت تقدر تحصل طقم على ذوقها وتضمن ان محد بيقلدها طبعا ممكن الزبونه تطلب ان الديزاين يكون حصري لها ^^
الفكره الثالثه :-
عباره عن تيشيرتات يعني على التاجره توفر تيشيرتات كل المقاسات والوان مختلفه ( تيشيرتات ساده ) وتستخدم قطع ثانيه للتشكيل على القمصان خصوصا لو تشكل فيسات المسن على القمصان او الاشكال الدارجه هالفتره وإلي يطلبونها الاطفال والمراهقات وممكن تسوي اطقم للمتزوجين ( يعني الحرمه وريلها يلبسون نفس الشي ) بالمختصر الفكره هي تركيب اقمشه على التيشيرتات بس بشكل حلوو ومرتب وملفت ^^
الفكره الرابعه :-
طبعا هالفكره للبنات إلي يحبون الابداع ويبون الناس يشوفون ابداعاتهم يعني البنات المهتمات في الشعر او الطبخ او الاشغال اليدويه او الرسم او التصوير تجمع كل شغلها مع الشرح والصور وتسويهم في كتاب وتنشره فايده هالمشروع ان ابداعاتها بتنتشر ومنها مكسب مادي والاهم انها بتفيد الناس
افكر اللحين في مشروع الرسم والطباعه على التي شيرت.. دعواتكم خواتي .. الله يوفقني في حياتي العلميه
shamasi @shamasi
عضوة جديدة
انتي مبدعه ؟؟ حابه يكون لج بزنس مميز ومربح ؟؟؟ حياج شوفي أفكار واستفيدي
22
2K
يلزم عليك تسجيل الدخول أولًا لكتابة تعليق.
أفكار جدا روعه
بالنسبه لي أحب الترقيع على التيشيرتات وبتطلع معاي واو
الله يعطيك العافيه
بالنسبه لي أحب الترقيع على التيشيرتات وبتطلع معاي واو
الله يعطيك العافيه
يعطيك العافيه على هيك افكااار
حلوه يمكن مش جديده لكن فيها تتغير عن المالوف
موفقه يارب
حلوه يمكن مش جديده لكن فيها تتغير عن المالوف
موفقه يارب
الصفحة الأخيرة
يعطيك العافيه