كل عام وانتو الى الله اقرب ويارب يعتقنا من النيران ويجعلنا من الفائزين بالجنان
الموضوع باين من عنوانه
انا اانسااانه دووووبااا وابي انحف وان شاء الله راح انحف
وتعرفون رمضان يكون فيه لخبطه كثيييييييييييييير عشان كذا قلت استمتع باكلات رمضان لكن بالبدائل
طبعااا امس ماصمت عشان البيبورد لكن ماكلت شي عشان اوهم نفسي اني صايمه
وقمت سويت لي فطوري فطور الدايت وكان عباره (سمبوسه التونه بالخضار,شوربه عدس,سلطه زبادي,عصير فيمتو)وصورت لكم الخطوات عشان اي وحده منكم تسوي دايت وماودها تخبص تفيدها طبخاتي
بسم الله نبدا
المقادير لسمبوسه
- ملعقه اكل زيت زيتون
- بصله متوسطه مقطعه شرايح صغار+ فص ثوم مبشور
- حبه تونه حجم صغير مصفاه من الزيت بالخل
- نصف كوب خضار مسلوق(اللي يجي بالاكياس مجمد)
- شويه ملح وبهارات
الطريقه
نحمس البصل والثوم لين يذبل ثم نحط الخضار ونقلبه 4 دقايق
نحط التونه فوقها والبهارات والملح وشويه صبغه صفرا عشان اللون يطلع حلوو ونقلب
نطفي النار ونجيب 2 توست اسمر ونقص حوافه بالسكين ثمن نفردها بالفراده حقت العجين
ونمسح كل توست بنص ملعقه زبادي قليل الدسم او مايونيز لايت اللي تبون بس لحسه ونحط الحشوه
ثم نسكرها من الجوانب ونضغط عليها ثم نحطها بخبازه التوست
ونخليها شويه حتى تتقرمش ثم نطلعها
وهذا شكلها النهائي
خلصنا السمبوووسه
نجي لسلطه الجزر
- 2 حبه جزر متوسط مبشور
- فص صغير ثوم مبشور
- علبه زبادي قليل الدسم
الطريقه
نخلطهم مع بعض ونملحهم
خلصنا سلطه الزبادي
نجي للشوربه طبعا انا حريصه على السعرات الحراريه
فاستخدمت شوربه كنور بالعدس فيها 62 سعره حراريه للصحن لواحد
اخذت الضرف حق الشربه وفكيته في 4 اكواب مويه حاره وقعدت احرك عشر دقايق ثم حطيتها بصحن ونثرت عليها بقدونس
وسويت عصير فيمتووو
وهذا الشكل النهائي للفطورالدايت
طبعا ماننسى التمر والقهوه بس انا بعذري
وان شاء الله يعجبكم ويفك ازمه مثلكم يعرف حنا الدبياااات نعاني مو كل شي يناسبنا
لاتنسوني من دعواتكم في هذا الشهر الفضيل :ق1:
اللهم اقض حاجتي,,والن قلب من لي حاجه عندهـ
وان شاء الله تنحفي يارب