اتعصبين ..تدعين على عيالك ...ابشري بالندم والحسره

السلام عليكم
يا أمهات ايش اللي صاير في اعقولكم (اسمحولي دخلت بقوه) بس والله شي يبكي
تلقين الأم تدعي على بنتها ام 10اسنين علشان ما غسلت صحن ولا ما شالت ملابس ولا غيره
ولا الولد المسكين اذا تبي شي وقال تعبان دعت عليه بدعوه تهد القلب لييييييييه
تجي واتقولك والله كنت امعصبه ...لحظة غضب ... فقدت اعصابي .. مو من قلبي ...
ّّّّّّّّّّّّّّ الرسول عليه الصلاة والسلام نهى عن الغضب وأتهى في صيغة النهي الصريحه ((لا تغضب)) في احاديثه ووصفه انه من الشيطان ..لأنه يجمع الشر كله (في معنى الحديث) وايش يبغى الشيطان من المسلم عندما يغضبه منها انك تدعين على احبائك زوجك اولادك اخوانك كل العزيزين عليك ...
وش بتدعين عليهم ...... الله ياخذك ... جعلك العمى ... أصغرها الله لا يوفقك!!! بعض الأمهات يدعون على عيالهم حتى بالسرطان؟؟!!! اتقي الله فيما أعطاك ورزقك.. مو حرام عليك ؟؟!!
والله لو دعيتي في لحظه مستجابه ..ثم هدأت أعصابك بيتقطع قلبك وبياكلك الندم على هالدعوه قبل لا تستجاب ... فكيف حيكون حالك لو الله استجابها لك وحرمتي من فلذات كبدك .. ولا من سندك زوجك حتى لو هو أخطأولا غلط بحقك ... في النهايه بشر وله رب يحاسبه ...بس لاتدعين عليه اذا انتي كرهتيه وما تبينه (بلحظة غضب )عياله المساكين يبونه !!
والله اسمع دعاوي من بعض الأمهات اتقطع القلب الله اعلم كيف بيكون حالهم لو الله استجاب لهم
تعلمي تطفئين جمرة الغضب اللي القاها عليك الشيطان بذكر الله ولا بدعوة هدايه وصلاح عودي لسانك عليها سبحان الله راح تلقينها تطلع منك تلقائيا اذا عصبتي ...
والله ما أزكي نفسي ..انا كنت من هالنوع ..وزيي زيكم ضغوط بيت وعيال ومسؤليه ..بس خلاص من زمان تغيرت الحمد لله تعودت وشفت كثير عوايل كذا ومع ذلك ما يعصبون ولا ينفعلون مثلي ..عرفت انهم داحرين الشيطان .. اذا دايم بتحرقين دمك وبتدعين عليهم كأن حرتك بتبرد لا دعيتي لا والله هذا من ابليس (اعوذ بالله منه)
انا ليش كتبت هالموضوع ؟؟!!
لأني بصراحه اعرف وحده معرفه جيده ماتوا أولادها الأربعه كيف؟؟
حرمه كبيره امصليه راعية خير وواجب لكن ياويله من عيالها اللي يزعلها حتى بدون قصد ...
والله على الصغيره والكبيره ترفع يدها للسما وتدعي عليهم دعاوي اتخلي بناتها يبكون وهم يقولون لها يمه لا تدعين ....
لحد ما الله استجاب لها واخذهم واحد ورا الثاني ..كل سنه يموت واحد ...
والحين أكلها الندم وذابحتها الحسره صارت جلد على عظم من الهم ...الله يرأف بحالها ويصبرها ..
يشهد الله اني نقصت وما زدت شي..

أرجوكم يا بشر ترى الغضب ما يورث الا الندم .... استغلي وقت الغضب بالدعاء لهم
انا بصراحه امأثر فيني موضوعها كثير ما عرفت كيف اعبر لكم
لكن متأكده انه الفكره وصلتكم واضحه
الله يخلي لنا من نحب ويصلحهم ويهديهم لما فيه خير لدينهم ودنياهم
قولوا اااااااااااااااااااااااااااااااااااااااااامين