تصدقون الي شفته ؟؟

مرحبا عزيزاتي

امس كنت بالسوق بمجمع المهم دخلت انا واختي محل لبيع الاحذيه (اعزكم العزيز( كان بالمحل موجود رجال سعودي وزوجته الرجال كان شكله محترم مررررررره ومؤدب مررررره وكان مطأطأ راسه لان المحل كان فيه حريم

ما علينا زوجته اطلبت جزمه وجابها لها العامل طبعا اعطاها للزوج

ما راح تصدقون وش صار



والله غريبه




الرجال نزل والحرمه واقفه وجلس على ركبه وجرب المقاس لزوجته يعني لبسها الجزمه والمحل مليان نسوان وبزران ورجال

بصراحه انا استغربت مرررررررررره واختي كمان لكن قلت بداخلي الله يهنيكم
ولما ردينا قلت لاختي شكله الرجال يعز زوجته مره وشايلها على راسه وطلباتها اوامر


المهم قلت لاختي الثانيه بالسالفه قالت لا والله انا ما ارضى زوجي يذل نفسه لي قدام خلق الله وهذا احراج له وعيب هو او انا نسوي سواتهم


انتوا كيف تشوفون هالشئ وفي وحده زوجها يعاملها كذا ؟؟