التعنيف دمر مستقبلي ،، فضفضه ورفقا بقلبي

السلام عليكم
حبيت اسأل المجربات ،،اذا فعلا تحسون مثلي ،او انه يتهيئ لي او حساسه مرا ،كانقاش وفضفضه
الطفوله القاسيه م الاهل) الام والاب (بالذات ،،
تأثر ع المستقبل الطفل?
آنا يابنات ،، تعنفت ونا صغيره جسديا ونفسيا واتحبست ف البيت
ومازالت عالقه براسي ومؤثره علي ليومكم هاد ونا معلمه
نفسيا واضح جدا ، رغم اخفائي له يبيني م عيوني
الحبسه مؤثره بعلاقاتي الاجتماعيه ،،اكثر
اي احد يزورنا مايعجبني واكره الجماعات احسها ثقيله مرا ، اشوف العالم غير الاهل ينامون عند بعض يسهرون وكذا اشوفه ماله داعي كله م الحبسه ذي ، كل شي غريب ومغث اشوفه بالاجتماعات
لا اله الا الله
القصه
تعنفت م الوالده ربي يصلحها ،، والله كلما اطالع فيها يمر علي شريط حياتي باللي سوته فيني ، وليومكم هاد مانسيت اللي صار حتى لمن اضحك معها ما اضحك م قلبي شي جواتي يأنبني ويبعدني ، تعنيفها مسبب لي حساسيه ماقدرت اتجاهلها وليت توقف ع كذا صارت تعذبني بالتصرفات والكلام بطلت التعذيب الجسدي ومسكتني بالنفسي رغم اني افضل الجسدي اهون بكثيرررر م النفسي اللي يشيب الراس ،قدرت اجتمع م الناس بعد جهد صعب والحمدلله غصب عنها اروح لارحامنا وازورهم، ولارحت كأني بروح لناس بيعتدون علي ، توسوس
تمارس التجسس وتفتن وتموت لتعرف ايش اسويه ، وايش اسراري تفتري علي شغلها الشاغل انا ، عشان بس تدور مين يضربني او مين اللي يرجع يحبسني ،، فاهمين هالاشيا قدرت اتجاوزها حاليا بعدما كبرت ،، بكتمان والحمدلله
، حتى الدعوه وربي ماتدعيلي ،، عمرها ماقالت ربي يحفظك ،،
ليش!! ماااا ادري
انا م النوع اللي يدون ذكرياتها، شي جميل بنظركم
فتحت صندوقي الذكريات حقي ونا باول متوسط يابنات الدفتر كل ابوه حزن بالتواريخه وبكل موقف صار
وبرضو مراحل المتوسطه كلن بدفتر والثانوي والجامعه انا اتفجعت اقسم بالله اتفجعت، ف اشيا غابت عني يوم قريتها قلت شلون متحمله ،
مافي شي مفرح كله امي سوت فيني كذا امي سوت كذا
ماضي سيئ بمعنى الكلمه لا تعليق كيف لطفله تكتب كللل هاد وهي طفله اول متوسط ،، رحمتك يارب
اللي ذابحني اني مأخذه موقف منها بشكل فظيع ،، اتلافها م جد ، عجزت انسى اللي سوته برغم اني حاطه براسي البر وبس ،، تصورو ،!!
رغم اني احبها ولا انكر تعبها
والله لا غابت ادور عليها افقدها ، ،بس لا شفتها اهرب ادور راحتي لانها تغبني ،، تغبني ، فيه عتب وربي مو بسيط ، وكنان في شي جواتي يكرهني فيها احيانا اقول يمكن م العين اللي بيا واحيانا اقول طفولتي السبب
اشوف البنات يموتون ع امهاتهن انا غير ، افرق عنهم ، مااتجاوز كلمه حب داخلي بس ،اما برا اتهرب اتهرب ،
ليليا ابكي وادعي ربي ينسي ويحنن قلبي وقلبها واتفاجئ بتصرف جديد تكسرني فيه وحاليا واقفه بنصيبي ، اخر مرا برمضان ذا قالت كلمه ضايقتني فيها ، طلعت هالكلمه م قلبها احسها تكرهني ذاك اليوم سودت الدنيا ، بوجهي ، معد تسحرت
،، والله يابنات يوميا قدامها ادعي يارب فكني م ذا البيت عشان تحس اني معد طايقه عيشتي وتخرب علي وتخرب علي لاشافت عرسان
، ما ادري وش تحس فيه? ما ادري ليش تسوي كذا ? تبيني اجلس عشان انجن م التصرفات ، طيب خليني اتجوز دامك تكرهيني وانقلع
.واحسها تغار م معاملة الوالد ربي يحفظه معاي ، رحمتك يارب، والله اني حتى الهدايا تجحدني فيها انا ابي اتقرب منها تبعدني ابي احسسها انها امي واحبها تكرهني فيها بأي شكل ،
كلما تعذبني اسكتها بكلمه ( اشكيكم لربي ، اشكيكم لربي ) واروح اشكي لربي اللي تسويه عشان اسكتها ولا املك غير الشكوى لله اللي مايعلم بظلمها الا هو
قديش صعب انك تعيشين ماضي مدمرك ومدمر شخصيتك وحياتك م اعز الناس ، يعني تكونين ف صراع بين الحب والكره وماتدرين تحبين او تكرهين ، تبرين او تنتقنمين ،


يا امهات انتبهو ربي يسعدكم
التعنيف يعلق ويخرب مستقبل الاولاد ، هاداني قدامكم كبرت وقلبي مجروح ليتني بس اقدر ابينه، احسسها باللي سووته ، مؤثر علي ف كل شي ، والله ثم والله ان الاكتئاب يسير علي.،، كل سنه لوما الله ثم الدعاء لكانت علوم ،،
ربي يكفينا شره ، رغم اني اضحك واسلي نفسي بأي شي ماتكون امي فيه ،(امي ماتكون فيه, تتخيلون!!)، لاني اعرف انها اهم واكبر سبب ف تعاستي ف هالحياه ، ربي يصلحك يا امي ، ليتك بس تحسين اللي قاعده امر فيه بسببك ،
الله يعوضني ويصبرني
للي يقولي امك استحمليها واللي تقول البر ما بر وللي تجرح واللي...
اعرف كللل ششششي وفاهمته ، وعامله به ،، لا يتجاوز كلامك بالتجريح و اللي تحس بتزودها علي بالله اخرجي
،، رفقا بقلبي ،رجاءً
ابي افضفض واناقشكم ،،