ابغى اسامي كاتلوجات ملابس

مرحبا ..
بالنسبه للكاتلوجات .. انا جربت كويلا الألمانى ...
بس انه غويلى شوى ودايما المقاسات تجى لك عليها والألوان أحيانا غير اللى ف الصوره ..
وأعرف بنات كانو يطلبون من كتلوج من لندن .. بس نسيت اسمه
((لو ذكرت بأرجع واكتبه)) اسعاره معقوله وحليو .. بس عيبه كل الناس تطلب منه
يعنى اذا كنتى تحبين تكونى مميزه ما ينفع ..
وفيه شواب .. برضوه المانى اذكر وحده من البنات الله يذكرها بالخير كانت تطلب منه ..
بس ناسيه والله مدحته أو لا ..
وراح أسأل لك ..
الله يوفقك

مشكورة اختي على الرد بس ياليت تشوفين من وين اقدر اجيبها واشتريها

مرحبا عزيزتى ..
العفو ف الخدمه .. ويوم حطيت راسى بانام الظهر ..
تذكرت لك اسم الكاتلوج :27:
فريمانز أوف لندن..
اممممممم بالنسبه للكاتلوجات ..
نصيحتى .. لا تشترينها .. لانها بتضيق عليك كل واحد 400 صفحه او زياده ..
والنصيحه الثانيه لا تطلبين عن طريق شخصى أفضل تطلبين من وكيل الكاتلوج ..
يعنى تروحين للمكتب .. وتدفعين مبلغ تأمين على الكاتلوج (100 ريال تقريبا )
وتاخذينه للبيت بعدين تتنقين على راحتك .. وبعدها ترجعين للمكتب وتردين الكاتلوج وتاخذين التأمين ويسوون لك فاتوره بالأغراض اللى تبين وهم يجيبونها على مسؤليتهم ..
ملاحظه : انتبهى تطلبين شى فيه صور أو كلام لأنهم ف التفتيش أحيانا يصادرونه أو يشقونه
أنا كنت أروح لمحل ف الكويت ف السالميه ف عماره والله ما اذكر وين بالضبط ..
وف الشرقيه ممكن تلاقينه عند بعض الصالونات .. استنى اذكر وحده عندها ارقام تليفونات ..
وكلها الخط المجانى 800
بأدق عليها ..
سلام

تسلمين والله اختي ام محمد الله يخليلم محمد قولي اميين
واذا حبيتي ممكن ترسيليلي على الخاص الارقام وانت متاكدة ان في امكانية عن طريق الوكيل ومنهو
اسفة على الاطالة لكني محتاجة لها الشي في الفترة الجاية لان عندي طفل بو سنه و4شهور والثاني قريب ان شاء الله اولد الله يسهل وما اقدر اروح السوق اولا اهلي مو عندي في نفس المنطقة وزوجي ما يحب الاسواق ويتملل اذا رحت وما اقدر ادخل لبعض المحلات الخاصة فعشان كذا تسوين فيني خير وبدعي لك على طول كلما فتحت الكاتلوج
ما كني طولتها :24:

اهلين فجر....
اعرف محل عنده كاتلوج الماني ...وفيه فرنسي كمان...
موجود المحل في عمارة الخليج..في الدور الثاني اللي في الخبر...
اذا ماتدلينها اجين لك الوصف...