وش تسوين إذا طبخت ونفخت ، ولا أحد أكل آآآآآآآآآه

السلام عليكم


أولا أنا ما ني نادمة على إكرام الضيف واجب ، وله حق بس ودي أعرف السبب :42:

القصة زوجي من قبل أمس معطيني خبر إن فلان وفلان وفلان يبون يجون يسهرون عنده وهم زملائة في الدورة يعني جدد عمرهم ما طبوا بيتنا لكن كان يعرفهم قبل

ومن تلك الساعة وأنا أدهر ، واتقضى ، وأجرجر الكنبات ، وأغير شكل المجلس ...

ما يهم


اللي حزني إني من الظهر أطبخ ، وطبعًا هو مو عزيمة عشا يعني يبي أشكال منوعة مو مفطح فاهمين

وغايبة عن الدوام ، وفرفر ، واملي السفرة لين ما بقي مكان للخبز ، والمشكلة إني أول مرة أغير في طريقة تقديم الجح ، والخبز ، والحلى



والمفاجأة







قبل نصف ساعة من الآن








فتحت المقلط









ولقيت العشا بشكلة يا دودب أكلين شوي رز وسلطة ومتبل ، وشاربين شوي ببسي :icon33:



أبعرف ليه ؟؟؟


أنا عشاي وش زينه متأكدة ، واللي مضيق صدري :44: إني متعودة إن ما يبقى لي شيء

بس اللحين حسافة بس أطقم السفرة اللي طلعتها ، وحسافة مواعين العزايم


ليتني غرفت لهم في البلاستك أصرف لي من:angry:


المطبخ مرعب ، والنفسية زفت


يالله انتظرهم يروحون عشان أستفسر من :arb: