اللهم صلي وسلم على سيدنا محمد
لا اله الا الله وحده لا شريك له له الملك وله الحمد وهو كل كل شيء قدير
بسم الله ماشاءالله ولا حول ولا قوه الا بالله العلي العظيم
اتمنى من كل وحده تقرا موضوعي اولا تذكر الله وتقول ماشاءالله لان قصدي المنفعه للجميع باذن الله
ثانيا تتدعيلي ان الله يجعليني انا وامي وابي واهلي من عباده الصالحين ويرحمنا ويرضا عنا ويرزقنا الشهاده
عندالموت ونكون من المغفور لهم باذن الله وان الله يوفقني في حياتي الدينيه والاجتماعيه والعلميه والعمليه
ويوفقني في مشروووعي ويسر زواجي بالزوج الذي يسعدني باذن الله :27:
اشحالكن ان شاءالله بخير :)
ابكتب بشكل سلس بسيط عشان الكل يستفيد باذن الله
بكتب تجربتي البسيطه واتمنى تنتفعون بها صحيح مازلت اجاهد نفسي بس انا متاكده
ان في النهايئه باذن الواحد الاحد بحقق هدفي لاني اشوف بعض الثمار وعيني على كل الثمار باذن الله
صحيح اني في اول المشوار بس حبيت تكونون معايه ونكون مع بعض وكل مشروك مبروك باذن الله
ببتدي اول شي من المدخول الشهري
كل وحده فينا الها مدخول من
الاهل
الزوج
الوظيفه
تجاره
طرق اخر
مهما كان هالمبلغ الي تستلمينه 100 او 500 او 1000 او 10000 او اكثر
كيف كل وحده تتصرف فيه ؟؟؟!؟!!!
متى يخلص ؟!؟!؟!؟!؟!؟
هل يكفيج لاخر الشهر ؟!؟!؟!؟!؟
اكثرنا يخلص اول اسبوع من الشهر !!! وتقضين باقي الشهر تترين المعاش بمبلغ بسييييط
يعني تقدرين تعيشين بمبلغ بسيييييييط ليش ليش اسرفتي ثلاث ارباع المبلغ من اول اسبوع بتقوليلي التزامات
حبيباتي
الشهر فيه 30 يوم يزيد او ينقص
اربع اسابيع !!
انتي اكيدوحده من الثنتين
يا بنت
يا مزوجه
يا حاله خاصه لديها اطفال تعولهم او اهل
يعني ما بتطلعين من هالنطااااااق نهائيا
الاشيء الي نصرف فيهن فلوسنا هيه
ضروريات وهذي تنقسم الى قسمين قسم يجب القيام به وجزء تقدرين الاستغناء عنه
كماليات وهي !!تنقسم الى اقسام كثييييييييييييييييييييييييره وكلهن تقدرين تترين عليهن
اول خطوه للنجاااااح هيه كيف تديرين المبلغ الي تستلمينه شهرين بشكل جيدا
1_تتصدقين بجزء بسيط جدا وانتي تختارين شو تسوين فيه (الصدقه لها مفعول سحري في البركه سبحان الله )
2_توفرين 10% من القيمه الاجماليه في مصرف اومكان خاص بالتوفير (بعدين بنتكلم في التفاصيل )
3_ اذا عليج دين قسط التزامات يجب حسمه فورا بشكل شهري ,,مسؤله عن شخص خادمه اي التزام تخصمين المبلغ
4_هاتف نت .........
5_يبقا المبلغ الصااااافي انتي حره كيف تقدرين تتصرفين فيه
6_انصح بتوفير 10% منه للطواري لاخر الشهر
7_تقسمين المبلغ على اربع اسابيع لوش و مايكون ماتتعدين مبلغ الاسبوع لين اي الاسبوع الياي
بتقولولي صعبه بقولكم في البدايه بس بتتعودين بعدين
بعد ما نقسم المال
اني للحاجات والرغبااااااات
هاتي دفتر
وكتبي كل شي تتمنين تشترينه كل شي
اول شي كتبي كل الضرورياااااااااااااات والي تبين تشترينهن خلال الاشهر الاربعه اليايه
وبعدين كتبي كل الكمالياااات الي تتمنين تشترينهن خلال الاربع الاشهر اليايه
بعدين راجعي الضروريات وشوفي شو الضروريات الي لاااااااااازم فووووووووورا شرائها الحين
والضروريات الثانيه خليها درجه ثانيه
بتكون عندج 3 لستات
1_مشتريات ضروريه جدا جدا جدا
2_مشتريات ضروريه ولكن اقدر اصبر
3_كماليات
طبعا كتبتي في الكماليات كل الي نفسج فيه
قولي ما بشوف ورقة الكماليات لين اشتري الضروريات في السته الاولى والثانيه
بين فتره والثانيه القي نظره على لستت 1و2 هل صدق هيه ضروريات ولا من الكماليات
يعني سوي عليها جرد كل اسبوع مره او كل شهر مره ...
اذا ماكنتي حازمه مع نفسج بيكون كل شهر يشبه الشهر الثاني !!! صدقيني وما في اي تقدم
الي تاخذينه منيه تضيفينه هناك!!!!
بعد مافكرتي بعمق ويلستي مع نفسج وعرفتي انتي شو تبين بالضبببببببببببببط
وشو الاشيء الي ناقصتنج تعالي معايه في الخطوه الثانيه الي بتخليج تعيدين النظر في السته مره ثانيه !!!
انتظروني في الجزء الثاني لاني اكتبه الحين ....
واصبح تفكيرج مثل رجال وسيدات الاعمال الي يمتلكون الحين الملاااااااااااااااااااااااااااااااين
ثاني خطوه !!!! واهم خطوووووووووه تدعم الخطوه الاولى وهيه
ادمان الشراااااااااااااااااااااااااااااااااااااااااااء نحن نعاني منها وبقووووووووووه الجميع صدقوني !!!
تبين تكتشفين نفسج اذا مدمنه ولالا تعالي معايه للكبت !!!!
اذا فتحتي الكبت
وقدرتي تعرفين شو تملكين وشو الالوان والنظر ينتقل بشكل مريح وبرضى تام جيه !!
انتي نجوتي من الادمان ..
ولكن اذاكان الكبت العكس !!!
تاكدي انج
1_غير انيقه لانج تحتفظين بملابس قديمه وقياساتها متغيره والوانه مب على الموضه ورائحتها تخزين
2_تشويش في الذهن وعدم معرفة ما ذا ستلبسين
3_تلبسين من الخزانه فقط 10% والباقي مركوووون بالسنين !!!
4_وفلوسج ثلاث ارباعها هنيــــــــــه في النهايه بيكون مصيرها التبرع او سلة المهملات
5_وبتكتشفين ان عندج اشيء جديده مب مستخدمه وعندج من الاشيء اكثر من شي او انتي شي محتاجتنه الحيين وبشده واشتريتيه ونسيتي انه عندج !!!!!!!!!
فثاني خطوه هيه لازم تعرفين انتي شو تملكين شو عندج....
يعني بشكل مختصر
سوي حمللللللللللله قووووووووووووووووووووووووووويه للتنظيف وجردكل شي عندج موجوووووووووووووود
بتعرفين انج مدمنه وتمتلكين اشيء وااااااااااااااااااااااااااااااااااااااااااااااااااااااااااااااااااايد من كل شي :angry:ومازلتي كل ما تسيرين السوق تشترينها !!!!!!!!!!!!!!
تجربتي كانت كالتالـــــــــــي
1_لقيت معجون اسنان بكميات غريبه !!! كنت كل مااسير اخذلي واحد!!! ونفس الشي خيط الاسنان
فقررت مااشتري لين اخلص الموجود وفعلن مازلت استخدم ولا خلص !!! وصرت مااشتري يوم اسير
2_لقيت كمية شموع بشكل مررررعب فقررت ما اشتري لين اخلص الي عندي
3_لقيت كريمات بشكل هاااااائل ونفس الشي قررت مااشتري لين يخلصن
4_لقيت ملابس جديده لم تستخدم ابدا لدرجةان المقاسات تغيرت !!!
5_لقيت عطور كثيره قررت مااشتري لين يخلصن ومازلت استخدم
صرت اتريا متى تخلص الاغراض الي عندي
والغريييييييييييييييييييييب اول مره في حياتي صار عندي اخر الشهر فائض مااذكر كم كان الفائض كان قليل جدا ولكن هذا بحد ذاته انجااااااااااااااااز صرت اكتب لسته بالي مب موجود وصدق صدق اباه ماصرت اخذ اي شي يعجبني !! اذكر ان البيت ماصار فيه مكان اصلن من الي عندي لازم اخلصهن !!! صرت افكر اكثر في شو الي ابااشتريه وهل صدق اريده !!!
لو كل وحده تسوي هالخطوه بتعرف انها ظلمت نفسها سنين طووووووووووووووووووويله
فتعلمت من اخطائي واااايد واهم شي
1_مااصدق الدعايا بسرعه اول اسال الناس اذا مجربه اسمع ارائهم احاول اطقس اكثر مااشتري بشكل عشوائي
2_صرت اي شي اشتريه صدق استفيد منه مب مثل قبل اركنه ماعرف لي متى !!!!
في اشيء وايد بتفيدج
1_ وضع لسته لجدام اسبوع شو بتطبخين وتشترين على قدر الوصفه فقط
2_شراء ما تحتاجه العائله فقط هذا الاسبوع
3_الاشيء الي تستهلك بشكل يومي ومن الضروريات شرائها بالجمله افضل واوفررر
تكلمت بشكل مختصر عن الموضوع واهم موضوع صدقني في هالجزء
بتكلم في الجزء الثالث كيف نحول ادمان الشراء لادمان اخر مفيد انتظروووووني