mam_175
•
قلايد
تسلمين والله يا الغالية.... في ناس تقدر تعبج فعلاً...
بس في ناس بالرغم من انج توديلهن البضاعة لين باب بيتهم... ما ايعرفون الا يفاصلونج في السعر وبس... بالرغم من انه الاسعار مدروسة...
الف شكر لج..
وتحياتي
تسلمين والله يا الغالية.... في ناس تقدر تعبج فعلاً...
بس في ناس بالرغم من انج توديلهن البضاعة لين باب بيتهم... ما ايعرفون الا يفاصلونج في السعر وبس... بالرغم من انه الاسعار مدروسة...
الف شكر لج..
وتحياتي
UM_MAHRA
مشكورة والله يا الغالية على ها الرمسة الحلوة :)
والله يشهد انه لولاكن انتي والبنات اللي الواحد يتشرف بالتعامل معاهن جان نحن ما اشتغلنا ولا سوينا شي...
وبتشجيعكن نحن مستمرين..
والله يوفقكم جميعاً ان شاء الله..
تحياتي
مشكورة والله يا الغالية على ها الرمسة الحلوة :)
والله يشهد انه لولاكن انتي والبنات اللي الواحد يتشرف بالتعامل معاهن جان نحن ما اشتغلنا ولا سوينا شي...
وبتشجيعكن نحن مستمرين..
والله يوفقكم جميعاً ان شاء الله..
تحياتي
Romanove
•
وعليكم السلام ورحمة الله وبركاته
ختيه سود الأعيان
بحكم أنيه أصمم وأنفذ اكسسوارات الشعر
فحابة أكتب رد في الموضوع
بالنسبة لي ما قد وحدة فاصلت في السعر ويايه
ممكن وحدة بتطلب طلبية كبيرة تقول راعينيه في السعر
لكن أرد وأفهمها
أنه الشي اللي أبيعه مش شي أشتريه وأرد أبيعه
هذا شغل ايدي وأنا أتعب فيه وأنا اللي أعرف كم يسوى
وصدقتي حبوبة
يعني مش معقولة نبيع الاكسسوار بسعر خاماته وننسى تعبنا
أنا مثلاً
أتعنى وأسير السوق وألف وااايد محلات لين ألاقي الخامات اللي بغيتها
وبعض الخامات ما ألاقيهن هنيه فأوصي عليهن من إمارات ثانية
وبعدين الشغلة نفسها متعبة
تنسيق الورود وتركيب الخرز والكريستالات وغيره
وبعد ممكن الوحدة وهي تشتغل تحرق صبوعها بالشمع الحار (تصير ويايه أغلب الأحيان)
يعني هل معقولة الأخت الزبونة تتناسى كل هالأمور
لا وبعد تقول لج من 50 درهم بشله على 30؟؟؟؟
بالنسبة لي الحمدلله رب العالمين كل اللي تعاملن ويايه يتفهمن هالشي
نصيحتيه لج غناتي
لازم تفهمين كل وحدة ليش الاكسسوار المعين بهالسعر (نوعية الورود والكريستالات وغيره)
يعني أنا لاحظت في اكسسواراتج أنه الخرز المستخدم هو الخرز الياباني
وهو أغلى أنواع الخرز مقارنة بغيره في السوق
وبعد تصاميمج متجددة بين الفترة والثانية
فلازم يراعن هالشي
ولو أي وحدة تبا السعر رخيص
قولي لها شو رايج عيل أستخدم لج خامات أرخص؟؟؟ <<<< أمزح
حبوبة طولي بالج وإن شاء الله خلاص عقب هالموضوع إن شاء الله الخوات بيتفهمن
ربي يوفقج دنيا وآخرة
ختيه سود الأعيان
بحكم أنيه أصمم وأنفذ اكسسوارات الشعر
فحابة أكتب رد في الموضوع
بالنسبة لي ما قد وحدة فاصلت في السعر ويايه
ممكن وحدة بتطلب طلبية كبيرة تقول راعينيه في السعر
لكن أرد وأفهمها
أنه الشي اللي أبيعه مش شي أشتريه وأرد أبيعه
هذا شغل ايدي وأنا أتعب فيه وأنا اللي أعرف كم يسوى
وصدقتي حبوبة
يعني مش معقولة نبيع الاكسسوار بسعر خاماته وننسى تعبنا
أنا مثلاً
أتعنى وأسير السوق وألف وااايد محلات لين ألاقي الخامات اللي بغيتها
وبعض الخامات ما ألاقيهن هنيه فأوصي عليهن من إمارات ثانية
وبعدين الشغلة نفسها متعبة
تنسيق الورود وتركيب الخرز والكريستالات وغيره
وبعد ممكن الوحدة وهي تشتغل تحرق صبوعها بالشمع الحار (تصير ويايه أغلب الأحيان)
يعني هل معقولة الأخت الزبونة تتناسى كل هالأمور
لا وبعد تقول لج من 50 درهم بشله على 30؟؟؟؟
بالنسبة لي الحمدلله رب العالمين كل اللي تعاملن ويايه يتفهمن هالشي
نصيحتيه لج غناتي
لازم تفهمين كل وحدة ليش الاكسسوار المعين بهالسعر (نوعية الورود والكريستالات وغيره)
يعني أنا لاحظت في اكسسواراتج أنه الخرز المستخدم هو الخرز الياباني
وهو أغلى أنواع الخرز مقارنة بغيره في السوق
وبعد تصاميمج متجددة بين الفترة والثانية
فلازم يراعن هالشي
ولو أي وحدة تبا السعر رخيص
قولي لها شو رايج عيل أستخدم لج خامات أرخص؟؟؟ <<<< أمزح
حبوبة طولي بالج وإن شاء الله خلاص عقب هالموضوع إن شاء الله الخوات بيتفهمن
ربي يوفقج دنيا وآخرة
الصفحة الأخيرة