السلام عليكم ..
كيفكم ياعالم حواء
امس نظفت فرني قلت احمسكم معاي شوي..
عاد كل ما سويت شيء قمت افكر اصوره وانزله لكم ..
صار التصوير مثل الوسواس وانا في قمة الحوسة اصور ..
قبل الاكل اصور السفرة .. قبل ننام اصور السرر ..
في الصباح اصور الشمس ههههههههه بس كله لعيونكم
المهم باختصر لكم اللي صار وابدا بالحديث عن الابطال:
البطل الاول"سوبر كلينر": من مدة شريت جهاز سوبر كلينر اللي ينظف بقوة البخار "اكيد سمعتوا عنه وبتشوفونه في الصور" وقلت اجربه على الفرن .. صراحة حلو بس ما ينظف من اول مرة خصوصا الاشياء القديمة والزيوت الناشفة بس صراحة حلو .. وينفع بعض الاحيان بس مو ذاك الزود
البطل الثاني : اسفنجة يورو ...حلوة صراحة وعمليه وباصورها لكم - ميزتها انها اسفنجة عادية بس مركب عليها طبقة معدنية مثل السلك .. بس ماتخدش وفعالة في التنظيف ومريحة اكثر من السلك
البطل الثالث : وهو من جد قليلة عليه كلمة بطل لانه منجد عجيب .. وهو "بخاخ المذيب العجيب" من فيري -والله يابنات انه شال دهون ماتوقعت تروح الا بعد فرك ومعاناة بس بفضل الله ثم هافيري راحت بدون عناء ..هو طريقته تبخيه عالدهون وتتركيم من 10 الى 30 دقيقة ثم تمسحي-ومو غالي ب12 ريال بس .. واخذته من كمل بيتك واتوقع انه موجود باي مكان ..
وسهل نلاقيه بس ماعرفنا قيمته
والله يابنات ان الدولاب "اللي في الصور " كان مقرف لاننا مستاجرين وخبركم بالاجار تجين تلاقي انواع الاهمال والوساخة من اللي سكنوا قبلك واغلب الناس مايهتم لانه موبيته - بس ابشركم قدرت اتغلب على هالاوساخ المتراكمة واللي كانت خانقتني...بفضل الله ثم هالمذيب العجيب
هذولي كانوا الابطال والان اليكم الصور"والله يعين على رفع الصور"
بس قبل ابدا باعطيكم نصيحة "ياحبك للنصايح" : بنات توكلوا على الله في كل اموركم ولاتنسوا الاذكار لانها تعطي نشاط للجسم ولاتنسوا تقولوا قبل النوم سبحان الله 33 مرة والحمد لله 33مرة والله اكبر 34 مرة فهي خير من الخادمة وخلوا التسبيح والاستغفار على لسانكم طول فترة الشغل ..
بداية منظر عام للفرن اثناء الدعك بخلطة مكونة من :خل + فيري+موية دافية"يفضل حارة بس سخاني كان مفصول">>>خلصنا من خلطات الجسم وبدينا بخلطات الفرن..
طبعا حطيت توقيعي على الفرن علشان اثبت لكم اني ست بيت هههههه
منظر عام لدعك الفرن من كل الاتجاهات >> مو واضح الصابون
وهنا الفرن يلمع يلق لق وهذا بعد ما نظفته من الصابون ومسحته بفوطة ثم استعملت سوبر كلينر وصراحة اعطى نتايج حلوة بس المذيب العجيب هو راعي الفضل بعد الله
منظر عام
هذي صورة القرف اللي كان على جنب الدولاب "شكلة زيوت متجمعة وناشفة بس من جد مقرفة"
وهذا بعد الفرك بالمذيب العجيب اللي حبيته من قلبي
لمعااااااان ونظافة وريحة حلللللوة.. طبعا الجهة الثانية اللي على اليمين باقي مانظفتها فلا تنقدون
يتبـــــــــــــــــــــــــــــــــــــــــــــــــــــــــــــــــــــــــــع
...
يالبى قلبك يالفيري.....
البطلة الخارقة اسفنجة يورو
ختاما اتمنى انكم استفدتوا من هالتقرير المصور -
والى تقارير قادمة والسلام عليكم ورحمة الله وبركاته
من مطبخ شقتي
مراسلة عالم حواء ...ميمو >>>>وش تحس فيه؟؟؟:26: