الكلوميد والدفيستون وتأخر الدورة الله يخليكم ممكن تفيدوني ..

السلام عليكم




رجعت لكم يابنااات مره ثانية مع موضوع خويتي وأنا كتبت عن موضوعها من فترة .. المشكلة هي تسألني عن هالأمور وأنا أجهلها بلمره فالجأت لكم تساعدوني في موضوعها ومعليش باخذ من وقتكم شوي..

البنت الشهر ألي طاف اخذت كولميد بخامس يوم للدورة وبماانها أخذت الكولوميد متأخر قالت لها الدكتورة بليوم ال13 تجيها تشوف لها وضع التبويض وبليوم ال13 صاار عندها 3 بويضات 2 بحجم 14 وحدة بحجم 15 وتقريبآ فيه وحدة بحجم 16 قالت لها الدكتورة التبويض مش كويس للحمل وعطتها ابرتين تنشيط عشان تكبر حجم البويضة وأخذتها على يومين يعني بليوم 16 أخذت أبره التفجيربس بدون ماتشوف لها الدكتوره وضع التبويض كيف بعد ماعطتها الأبرتين وصرفت لها الدكتوره دفستون أستخدمته 10 أيام ..

المهم صديقتي الأن متأخره عليها الدورة يومين المفروض تجيها بتاريخ 16 مثل الشهر الي طاف وولا جتها حللت بتاريخ 16 وطالع التحليل سالب والأن هي بتدخل بليوم الثالث والحلوه ماشرفت وهي على أعصابها أنواع التوتر خايفه أنها تتعلق بأنها حامل وتجيها وخايفه أنها تتأخر أكثر وتبقى على أعصابها يعني بلعربي محتاررة الله لايحط أحد فيكم بوضعها


فا الي حابه تعرفه هل لأنها أخذت الكلوميد متأخر وأخذت الأبر متأخر ممكن يكون سبب لتأخير الدورة؟؟ هل منكم جرب هالوضع وبليوم ال16 من الأباضه اخذت أبرة تفجير وتأخرت عليها الدورة ولا حصل حمل


معليش أعذروني كلامي ملخبط وبنسبة لوضع خويتي أنا سبق وذكرت لكم أنها تبهدلت بعد أجهاض لها


وفيه شغله أن بطانة رحمها سمكها 8 والدكتوره صرفت لها الدفستون على أساس أنها تزيد سمكاتها هل مستوى سماكة رحمها ممكن يمنع الحمل ؟؟

وبعد فيه شغله الدكتوره قالت لها لو ماحملتي راح تسوي لها اشعة صبغه هل أحد فيكم سوا أشعة الصبغه بعدأجهاض لها وطلعت عندها مشكلة لا سمح لها؟؟ ياليت تتكلمولي عن تجاربكم:09:

أدري طولت عليكم بلأسئلة بس هاذي الأسئلة كلها تدور براس خويتي وقبل ماألجاء لكم وأشغلكم معاي بحثت في النت ولا لقيت أجابات وافيه عشان اهدي بالها..



الله يعطيكم الف عافية مقدمآ والي ماعندها فكره عن الموضوع الله يجزاها خير لو ترفعه..