طريقه التشيكين بافالو الي بافرايديز يوجد صور

سُبْحَان الْلَّه وَبِحَمْدِه سُبْحَان الْلَّه الْعَظِيْم.

مو واضحه وشهي بس ان شاء الله البنات يفيدونك

انا اموت في هالاكله بس ما احب السوس الابيض (الجبنه الزرقاء وأنا أسميها جبنة العفن لان هي عباره عن جبنه معفنه) الي فيه فأنا أطلبها بدون... خليني أقولك على طريقة السوس الي على الدجاج لاني متأكده منه ميه في الميه ومجربتها والخبز عباره عن خبز التورتيلا المكسيكي الجاهز وينباع.

أولا السوس عباره عن زبده مذوبه في قدر صغير على النار وتضيفين عليها فلفل شطه ماركة كريستال لحد مايصير لونها برتقالي على أحمر وشويييي سميكه ولا تستخدمين ألا ماركة كرستال لان بنفس الطعم الاصلي.
ثانيا السوس او سوس الجبن الازرق ينباع جاهز في السوبر ماركت بجنب السوسات حقت السلطات.

ملاحضه: ممكن تضيفين هذا السوس على دجاج الناقت المجمد الجاهز بأنك تقلين الدجاج عادي وبعدين تحطينه في صحن وتكبين عليه سوس بحيث يغطي كل القطع عدل بكرم وتخلطين الدجاج عدل عشان السوس يغطيه عدل وبعدين تحطينه في الفرن أشوي أذا حابه أنت وذوقك.. بس أنت جربي الطريقتين في الفرن أو بدون وشوفي الي يعجبك أنا عن نفسي أحبها في الفرن.

وفيه طريقه وااجد سهله وحلوه ولا يبيلها عفش وااجد.......... خذي جوانح دجاج مجمده وقليها عااادي وبعدين لما تخلصين القلي حطيها في صحن عميق وكبي عليها صلصة البافلو الي عطيتك طريقتها فوق وخلطيه زييين وبعدين صفيهم في صينية ودخليهم الفرن لحد مايسخن والصلصه تنشف أشوي على الجوانح... بس الجوانح ضروري تدخلينها الفرن لانها راح تكون أطيب.

وأن شاء الله أكون ساعدتك ودعيلي أتوضف وأن أختي تتزوج والله ودي أفرح فيها ويدخل في بيتنا فرحه.

رفع

رفع