الف مبروك حبيبتي اهم شي في المطبخ الطباخ والثلاجة والفرن وبعدين الادوات الاساسية للاكل يعني طقم قدور كامل وطقم سفرة كامل وطقم شاي وقهوة وخلاط لان كثير بيساعد في المطبخ وطبعا الملاعق والشوك والسكاكين بمختلف الاحجام

اب

انا احس الاساسيات البوتجاز .. التلاجة .. قدور وصواني للفرن .. طقم صيني وطقم ميلامين للبيت
الشوك والملاعق والمغارف والادوات الثانية الاساسية للدرج ماتخفى عليك .. كمان لابد من طقم السفرة الستانلس ستيل ذهبي على فضي ( معروف الي فيه ملاعق غرف .. وملاعق اكل وشوك ... الخ )
مدري انت فين
بس انا ماشاء الله اهلي واهله اهدولي طقمين ( كراتين كبيرة ) كاسات على فناجين على جكوك موية من سوق الصواريخ بجدة .. رخيص .. وماشاء الله ترسلي دولابين وللأن باقي نافعني اتجملبه عند الضيوف

اما المايكروييف والخلاط حق الكيك ومدري ايش شكله .. تريها خساير على الفاضي
بنات هاليومين مايطبخون
اذا هي طبيخة .. حتاخذ بعدين الي تحتاجه مع زوجها وعلى ذوقها كمان أحسن >> مو هي راعية المطبخ خلوها تكمل الاشياء الثانية على راحتها
من الاجهزة .. اكتفو بالخلاط ..حق العصير .. فرامة السلطة اليدوية ( لاتاخذو فرامة بصل خلو دليل المتزوجات يعتق فيها ... خخخ)
لاتاخذو لاغلاية ولا فرن كهربا .. يسرو الامور على اخوكم .. وفي نفس الوقت لاتقصرو بالمطلوب وجوده بكل مطبخ عادي

الا ان كنتم من الناس الي تهتم بالوجاهة والكماليات .. وهذا شي طبيعي .. فممكن تكملو المطبخ من الى

لو عليا .. كنت اتمنى احط لمساتي بنفسي على مطبخي .. مو اني افصله لا طبعا .. بس المفارش .. الاجهزة .. بعض الاكسسوارات اتمنيت انه انا اختارها ( هذا مو معناه تسيبوه أقرع ) بس اعطوها مجال العروسة تزينه بعدين >>> شكلي قريبتها خخخ

انتي جيبي الاشياء الاساسيه
اهم شئ القدور وادوات الطبخ
وطقم الكبير حق الفناجيل والشاي
وطقم الملاعق والاكواب
ويفضل بعد الزواج هي تروح تشتري الباقي كذا افضل يمكن الذوق مايعجبها
والله يوفقهم ويسعدكي

شوفي حبيبتي ..
أنتي بتجيبين الأشياء حسب الميزانية ..

بالنسبة لي .. مرت أخو زوجي جهزت مواعين مطبخي من إلى ..
حتى فتاحة البيبسي مانستها ..

عالعموم .. أنتي شوفي الأساسيات .. وبعدين الأشياء الثانوية ..
يعني خلي أشياء لمرت أخوك تبدع في بيتها ..

الأساسيات (1) :
الأدوات الكهربائية :
ثلاجة (وممكن يكون مدموج فيها فريزر وبرادة مويه .. وهذي 3 في واحد)
فرن
فريزر
الثانويات :
مايكرويف
غسالة مواعين
مولينكس (خلاط الكأس + الخلاط الكبير - وهذا يجمع خلاط وعجانه وفرامه وطاحونه - بكج كامل)
حماصة خبز
غلاية


الأساسيات (2) :
القدور وملحقاتها :
مجموعة قدور (أحجام مختلفه - 4 يكفي + 1 كبير شوي يعني 8 لتر)
مقلى (حجمين مختلفين)
صينية تيفال (3 أحجام)
صينية زجاج للفرن (3 أحجام)
الثانويات :
صينية الكب كيك
قوالب الكيك التيفال
منخل كبير
قدر ضغط


الأساسيات (3) :
الشاي والقهوة :
ابريق تفويح المويه
ابريق للشاي (يومب)
طقم اباريق شاي
دلة تفويح
دلة قهوة (يوميه)
طقم دلال
براد شاي (ترمس - وطبعاً شي للبيت , وشي للضيوف)
براد قهوة (شي للبيت , وشي للضيوف)
بيالات (درزن للبيت + طقم فخم للضيوف)
فناجين (درزن للبيت + طقم فخم للضيوف)
أواني لتقديم التمر + صحون الفصم
صياني لتقديم الشاي والقهوه
الثانويات :
علبة تقديم سكر

الأساسيات (4) :
السفرة اليومية :
طقم ميلامين (صحون - بوادي - صحون صغيرة - صحن كبير - بادية كبيرة )
كاسات
ملاعق + سكاكين + شوك + ملاعق صغيرة
اباريق مويه أو عصير
أكواب كوفي


الأساسيات (5) :
أدوات المطبخ :
علب البهارات
علب الشاي والسكر ........... إلخ
طقم ملاعق خشبية
طقم ملاعق معدن أو ستيل (خفاقه - مغرفه - ملعقه ...... إلخ )
مجموعة سكاكين أحجام مختلفه طبعاً
قطاعة
فتاحة علب
علب حفظ الأطعمه (بلاستيك والأفضل الأنواع الزجاجية الجديدة)
ملاحة + فلاله (يعني حقت الفلفل بس ما أدري وش اسمها هع)

ثانويات أخرى (ممكن لو أخوك وزوجته يختارونها ) :
سفرة للضيوف بكامل ملحقاتها طبعاً


وبس ..
هذا اللي يحضرني .. وإن شاء الله أكون أفدتك

والله يوفق أخوك .. ويجمع بينهم على خير ..