ما عندي فكرة

انا عندي ال جي اللي فتحتها من فوق احيانا ماتنضف زين اضطر اغسله مره ثانيه واحط مزيل البقع
لكن اختي سألت محلات الاجهزه وانصحوها بال جي اللي فتحتها من الامام مو اللي فوق
يقولون حلووووه وتنظف زين وبس
ادعيلي ان الله يسخرلي زوجي

انا عندي ال جي من الامام روووووووعة كنظافة ولا استخدم مبيضات ولا مزيلات بقع بس تايد وداوني .. من ناحية خراباتها لها سنه تقريبا وماشكت الحمد لله وتوفر بالموية كثير واللي عندي غسالة ونشافة ملابس بنفس الوقت ماخذه سبعة كيلوا ومريحتني كثير ..

سامسنج ماتنفع تورطت فيها

تبين نصيحه من قلب




خذي ميتاج وانتي مغمضه

باقولك انا على اللي عندي

10 كيلو ماشاء الله تبارك الله
اكثر من 4 سنوات الحمد لله بدون مشاكل
الصناعه امريكيه
السعر 2200 ريال
من تجربتي حطي الصابون اول ثم الملابس
الكمفرت او الملطف بالعامود نفسه
المبيض(الكلوركس) له فتحه خاصه على اليسار
انا احط فانش للملابس البيضاء او الملونه على حسب واستغنيت عن الكلور اللي عدم الملابس وصفرها


مميزاتها :
**تشيل كمية ملابس كثيره
**تغسل البطانيه ام نفرين بغسله وحده
**والمفرش الكنج سايز بملحقاته اكياس المخدات والشرشف المغاط بغسله وحده
**الفتحه علويه وفيها عامود والبايع بالمحل قال اللي بعامود انظف للغسيل
**امكانيه الغسل اكثر من مره اذا الغطا مفتوح:
يعني اذا الملابس نظيفه مو وسخه كثير اغسليها والغطا مفتوح راح تغسل وبعدين توقف بدون ماتكب الماء
تقدرين تطلعين الملابس وتحطين غيرها وتعيدين الغسله من جديد
مع اني ماقد سويت هالحركه بس كثير كانو يسالوني عن غسالتي ويقولن بعض الغسالات ماتشتغل الا الغطا مسكر يعني بتكب الماي غصب مثل غسالة اختي بس مدري وش ماركتها
**امكانيه التشطيف مرتين::
يعني اذا الملابس مررره وسخه وتبين تكثرين الصابون
او صاحب الملابس جلده حساس من الصابون مثلا ملابس البيبي وماتبين ياثر عليه الصابون
او فيه حساسيه من ملطف الملابس(كمفرت) وماتبين له اثر كثير بالملابس بس الريحه
تختارين هالخاصيه وهي انه تغسل بالصابون وبعدين تصب ماء وتشطف الملابس بالمكمفرت وتنشف
ثم تصب ماء مره ثانيه ثم تشطف ثم تنشف

** ميزه اعادة كمية الماء::
يعني مثلا اخترتي كمية ملابس كثيره وبديت حطيتي الصابون ثم الملابس واكتشفتي انه الغسيل قليل
الفرار الخاص لاختيار كمية الماء فيه اخر شي خيار اعاده
تفرين الى الاخير ثم تختارين من جديد الكميه المناسبه

او ممكن العكس حطيتي خيار ماء قليل واكتشفتي ان الغسيل كثير تختارين هالخيار


**الغسيل ولله الحمد نظيف
ماتستهلك ماء او صابون او كهرباء زياده عن الغساله العاديه ام حوضين

**استخدامها سهل وفيها 5 فرارات
من اليسار الاول>> كمية الماء قليل - متوسط - كثير - كثير جدا- اعادة ((اغيره مع كل غسله حسب كمية الملابس واذا بطانيه اختار اكبر كمية ماء))
الثاني>> نوع الغسيل للغسل/ الشطف : قوي/قوي - قوي/ ناعم - عادي / ناعم - ناعم / ناعم((دايم على على عادي ناعم ماغيره الا في حاله الغسل اليدوي اختار ناعم / ناعم))
الثالث >> حرارة الماء للغسل / الشطف : حار/حار - حار/ دافي - دافيء/دافيء - بارد /بارد ((اصلن زوجي موصل لمنافذ الماي كله بارد فمخليته على خيار بارد / بارد))
الرابع>> عدد مرات الشطف : مره - مرتين ((دايم على مره الا اذا الغسيل للبيبي اخليه مرتين))

الخامس وهو اكبرواحد >> تختارين الغسيل عادي او قوي انا دايم على العادي ولكل واحد خيارات
قوي (للملابس الوسخه جدا) - عادي -خفيف - ناعم - غسيل يدوي :تحطين المؤشر على الخيار المناسب وتسحبين على فوق ((هذا طبعا يتغير كل مره على حسب الغسيل))

طبعا ميزه الغسل اليدوي جدا ممتازه
بالمحل شفت 2 جنب بعض كلهم ميتاج ونفس الحجم ونفس الخيارات وحده 2200 والثانيه 1700 ريال
وانا وزجي نحل الفروقات السبعه ليه السعر مره فرق
ونادى البايع قال : هذي فيها غسيل يدوي وهذي لا<< تخيلي
بس الحمد لله خذيت اللي بالغسيل اليدوي

**ميزه الغسيل اليدوي:
للملابس الرقيقه مثل التنانير والبلايز وقمصان النوم
وحتى العبايه والشيله والنقاب << والله اغسل عباتي وزي العسل ماشاء الله
لاتتنتف ولا تتغير
بس ملاحظه كبر الجدار:: لا تحطين صابون ابدا بدون صابون بس شوية شامبو وحطي العبايه او البلايز
وعينك ماتشوف الا الزين

وو ياربي تعبت من الكتابه

هذرتي واجده بس حبيت افصل كثير عشان تستفيدون
ولايغركم كثرة القرقره ترى مررررررررررره سهله

بس حبيت انقل تجربتي ويارب تستفيدون منها