انا ابقولك شي ماذكروه البنات وجاني هديه يوم ولادتي وضحكت عليه بس اني بعدين عرفت ان اللي مهديتني اياه سنعه وشو تتوقعون
غلايه مويه
ممتازه تحطينها عند راسك وتغلين المويه مره وحده وتخلينها تبرد واذا بغيتي تسوين الرضعه تسخننيها على اللي تبين من دون ماتقولين جيبو المويه اغلو لي المويه
نبض99
•
الصفحة الأخيرة
بالنسبة للأشياء اللي جهزت فيها نفسي (وآسفة علة التأخير) نسيت اني شاركت بهالموضوع
الملابس :
اشتريت قمصان للمستشفى فخمة شي دانتيل وشي ساتان من واحة الجلابية بس الصراحة اني اشتريت منهم قطع وخيطت لها
يعني اشتريت منهم قميص مع روبه بس ما يصلح انك تلبسي القميص قدام الناس لانو خفيف وعاري فخيطت له قميص مستر
اشتريت بجايم واسعة ومريحة للبيت للفترة الاولى وبعد كدة لما تلتئم الخياطة ويروح الالم حاشتري بنطلونات ضيقةعشان تشد البطن مع بلايز بازرار عشان الرضاعة
اشتريت كمان القطن (غطاء الثدي) عشان الرضاعة
وسوتيانات الرضاعةناوية اشتريها فيه منها في مذر كيربس ما يمدحوها ابغى اروح المشاط اشوف اذا عنده شي مناسب
اشمغة قديمة حقت زوجي عبيتها ومعاها مشد لصق مع انو كتير نصحوني بمشد الجاوة لكن ما اعتقد اني حاعرف الفه على بطني
من الصيدلية
كريم الدوكوينفورت عشان رقبتي وصدري اسمروا شوية
فوط صحية (النوع اللي تفضليه) وانا ما انصح ابدا بالويز لانها تهيج الجلد وتسبب حكة والتهابات
كريمات لترطيب البشرة
امبولات للشعر ( حبدأ اعالج شعري قبل ما اتفاجأ بتساقطه)
من العطار
مرة (وتستخدم كغسول خارجي وكمان تبلعي منها على الريق عشان تنظف البطن وتلتئم الخياطة بسرعة)
قشر رمان (اظن عشان الخياطة برضو ) امي اللي جابته
قشر البن (قهوة قشر) يمدحوها للتخلص من الاوساخ اللي في الرحم
حلبة ومحلب (اسوي فيهم اقنعة للبشرة عشان يزول الجلد الميت) واهي فرصة نحط حلبة وما يشمها ابو الشباب
ماء ورد لنفس الغرض
صابون مغربي وليفة
وفيه اشياء من العطار انا بصراحة ما اشتريتها جابتها الوالدة تخص النفاس وانا ما اعرف طبيعتها ولا من ايش تتكون بس اسمع دايما انهم يسووها للنفاس
واذا اتذكرت شي زيادة باقولك