كل وحده تراجع مستشفى دله تجي ضرووووري

بسم الله الرحمن الرحيم

حبوباتي بنات الرياض فيه كلام يقرقع بقلبي واكيد زوار مستشفى دله ملاحظين هالشئ

الحين فيه مبنى خاص اسمه النساء والولاده ابي اعرف وش خص :icon33::arb:الرجال تحشرونهم معكم ؟


مو معقوله اللي يصير قسم بالله
فيه غرفة انتظار للرجال لكن كل رجال ماسك بيد زوجته ومرتز قدام غرفة الدكتوره في الممرات وطاق حنك يسولف او يتغزل في زوجته بكلام حلو ؟
اي حرمه تطلع تجر كرشتها من الدكتورة تعبانه طاقها تعب الحمل تلاحظ ان الممر ضيييييييييييق من الرجال مع حريمهم والرجال مقابل باب الدكتوره يناظر الي داخله وطالعه وفاتشه وجهها ؟مايصير
هذا كوم واللي تجر العيال وكل البيت معها بالممر كوم ثاني ليش يابنات :44:قسم بالله انقلب مستشفى حكومي من الفوضى الحاصله فيه
خلاص اذا فيه وحده مصره زوجها يدخل معها خليه ينتظر في قسم الرجال واذا حان موعدك عطيه مسج يجي :39:يدخل ولو اني مااشوف لدخوله داعي يعني كلنا حريم مو بزران خلي لك خصوصيه شوي حتى الكشف تبينه يعرفه ويشوفه :mad:
اتمنى اليوم اروح ومااشوف اللي اشوفه كل يوم بصراحه تعبت من السكوت شكلي ابي انفجر هوشه في المستشفى عندي مواعيد من اليوم اليييييييييييييييين السبت موعد ولادتي اذا شفتم وحده تهاوش الرجال اكيد انا :27::44:نفذ صبري


وفي الختام استودعكم الله الذي لاتضيع ودائعه دعواتكم بان عمليتي تكون سهله وتعدي على خير يارب