اهم شي الحلبه اذا مع حليب او مرق لحم احلى من الحليب 
و البر اساسي يعني لو كل وجبه بر افضل 
ادري انها تغث بس لازم الوحده تصبر عشان ترجع مثل قبل و احسن
الفطور الصبح بدري يعني 6 و 7 متاخر ماينفع
ابعدي عن البارد لانه دماااار النفاس 
اللبن و الليمون و الرز تجنبيها 
اكلي تمر مع رشاد و حبه سوداء و سمن 
و بس هذا اللي في بالي الحين 
دعواتك الله يحفظ جنيني و يثبته 

ياحبيبيتي
عليك بالعشرين الأولى بالحلب مع ماش مع كمون مع شمر مع يانسون هذي مع الحليب ومع الطبخ
والفطور خبز بر أو حاجه ثقيله
والعشرين الثانيه
توقفين الحلب ويكون ماش مع نفس الخلطه وتضيفين فلفل أبيض ورشاد

وفيه شاي أعشاب
ومكوناته كمون ويانسون وقرفه وشمر ويانسون وشيح ونانخه وكراويه

والمغرب ممكن قشر قهوه مع مسمار
وسوي لك تمر برشاد
وسوي لك غسول أرطا مع قرض مع قشر رمان مع مرره

والعشا والغدا بر مثل مرقوق وقرصان الخ

وتجنبي البارد وبرودة رجلينك ووسعي صدرك بالنفاس ولا تشيلي هم

بس تكفين دعواتك ان الله يحفظ امي ويشفيها ويسعدها وينصرها 😘😘