واخيرا سويت أشعه الصبغه تعالوضروري شوفو النتيجة جزاكم الله خير

السلام عليكم
شلونكم بنات بعد غيبة رجعت لكم بعد ماسويت اشعه الصبغه لاني كنت خايفه منها
عشان كذا كنت آجلها اكثر من مره وبقولكم تجربتي عشان خواتي الي بسونها
ومترددات الحمدلله اليوم الصبح كان موعدي ورحت
وكان قلبي يرقع صراحة مو قلبي كل شي فيني كان يرقع ورجولي تنافض
حبيت اطمنكم اي وحدة
بتسويها لاتحاتي من كثر ماسمعت من البنات انها مالمة خفت
وتوترت ووحدة من البنات بالمنتدي جزاها الله خير
قالت لاتطالعين بالمعدات 😷 الي مع الدكتور لأنك بتخافي زيادة
انا صديت ولا حاولت اشوف من
حدايدهم شي كلش بالبداية كانت السستر نفسيتها زينه ماسكة أيدي وتطمئني
تقول ماما مافي خوف عادي
وانا شوي وابجي وجا الدكتور وانا نايمة على ظهري وقلت دكتور لا ابي دكتورة مابي
اكتشف على رجال جا وقالي
لاتخافي ماراح اشوف شي نهاي وفعلن كان دكتور محترم وكان
على شرشف ودخل الحديدة الي يسمونها البطة
ودخل اتوقع الانبوب مال الاشعه بس ماحسيت شي بسيط
بس السالفة كله بعد مايحقن الصبغه حسّيت بالم نفس المغص يعني المها كله مغص
بس من الدرجة الاولي وكنت اعض على شفايفي وأصيح بصوت مكتوم
وقربو جهاز الاشعه وخذووو صورة للرحم بعد الحقن كله خمس دقايق
بس وتجمعوو الدكاترة وهم يطالعون بالاشعه
استغربت قلت بقلبي الله يستر وسألني الدكتور مال الاشعه اني مسويه عمليه قبل او لا قلت له لا
وسالتة شنو في قالي أنبوب مسكر بالمرة والثاني مسكر بعد بس شي بسيط فيه سائل
والله بغيت ابجي وانا عندهم على السرير وقال ماسبق اني حملت وقلت
له اي ماحملت وقَعَدت ولبست ملابسي وقالي النتيجة تطلع عند الدكتورة
ورحت البيت والله يابنات اني بحاله نفسيه من انسداد الانابيب معقوله
هذا هو الي ماخر حملي بنات حبيت اطمأن الي بتسويها لاتخاف وتوكل على الله
الم بسيط ويعدي كله خمس دقايق والي نفس حالتي تطمني شنو اسوي
وعلى كذا ماراح اقدر احمل من رديت وانا ابجي والنفسية صارت صفر
طمنوني حبيباتي الله يطمنكم دنياه وآخرة