الدنيا متاع الغرور @aldnya_mtaaa_alghror

عضوة جديدة

مين يركب قدام جنب زوجك في السياره أنتِ ولا حماتك؟؟،،،،سؤال أرجو من الجميع التفاعل

بسم الله الرحمن الرحيم وتوكلنا على الله<<<<<<<<<<<الأخت داخله على حرب خخخخخخخخخ
ماأطول عليكم ندخل بالسالفه طوااااااااااالي
أنا راح أقولكم قصتي بالتفصيل الممل من طقق لاسلام عليكم<<<<<<<<وحده فاضيه وش وراها
أنا أول زواجي لما كانت تروح معنا حماتي اخت زوجي كانت تلبس عبايتها بسرعه وتروح تركب قدام جنب زوجي
قبل اجئ وانا كنت ياغفلين لكم الله وبعدين تكررت هذي الحركه أكثر من مره وسكت بس بصراحه طاحت من عيني
بعد مرور شهور راحت معنا وفهمت انا حركتها وصرت اذكى منها لبست عبايتي وركبت قدام جنب زوجي
ويوم قربت من السياره وشافتني تفاجأت وبعدين ركب السياره وهي مطرطعه وزجي حاس انها زعلانه
علشان يوم يسألها اما ماترد او تجاوب من دون نفس
المهم مشينا حتى نزلنها في السوق الي تبغاه لاني انا ابغى سوق ثاني غيره ولما نزلت بدأ زوجي يلمحلي انها زعلانه وانها اخته الكبيره ولازم احترمها وانها أكبر مني ب15سنه ومن هالخرابيط اللي مالها داعي وجلس ياخذني بالكلام الحلو ويقول اذاكنتي تحبني احترمي اللي احبهم واغليهم فانا ردت عليه بشويه زعل قلت القصه مو قصه احترام القصه اني اناا زوجتك ولازم اركب جنبك مهما كان ألأأمك اكيد راح أركب وراءومن هالكلام اللي زعلني منه
بصراحه انا انسدت نفسي عن السوق كله وقلت حسبي الله ونعم الوكيل عليها شوي وابكي ويوم وصلنا للمول قال زوجي انزلي قلت خلاص ماراح انزل رجعني البيت وجلس يراضني لين نزلت ويوم رحنا البيت تسوي نفسها زعلانه الاخت بس حقرتها لان مثلي الاعلى بالحياه{الحقران يقطع المصران}
وبعد هذي المره يابنات فسم بالله انها توبت تركب قدام أول ما تقرب من السياره ترجع وراء عالطول وهذا هو الاساس أمانه يابنات قولولي هو معي حق او لا وهذي طريقتي صح ولا غلط
عالفكره حماتي هذي غيورر مره تغار مني بأي شئ حتى لو أقص شعري راحت وقصته بكرا قسم بالله حماتي هاذي كرهتني بحياتي وبس
توته توته انتهت الحتوته<<<<<<<<<<<<وحده رايقه عالاخر
يالله بنات أنا قلتلكم قصتي أي وحده مرت عليها هذي الحركه الرجاء تسدحها عندنا حتى نأخذ عظه وعبر من الاقوام السابقه<<<<<<<<<<<<<<ههههههههههههههههههههه
أمانه أي وحده تدخل الموضوع ترد لو ترفع الموضوع
{{{{سبحانك اللهم وبحمدك أشهد أن لا اله الا انت استغفرك واتوب اليك}}}}}

363

38K

يلزم عليك تسجيل الدخول أولًا لكتابة تعليق.

تسجيل دخول

ليمار. • 13 سنة

اهلين ..... تراك مره مزوده السالفه وش دعوى واذا ركبت قدام هي اخته عادي وكبيره بعد ماادري انا لو مكانك انا الي لستحي اركم قدام وهي اكبر مني 15سنه ومااحترمها......وبعدين كلكم توصلوا سواء.......اسفه عالصراحه

ديزاين لزيز • 13 سنة

انا عن نفسي اللي يركب قدام ومن غير مااحد يقولي تقديرا لزوجي وامه عمتي ام زوجي اخت زوجي ماعمرها ركبت قدام عارفه الاصول الله يسعدهاا...

بس اذا اخت زوجي اكبر مني يمكن اركبها قدام
وبث

ضـــــوءالقمر • 13 سنة

اذا انتي وهي لحالكم وهي اكبر منك بكثير عادي جدا تركب قدام ...
انا بالنسبه لي اخواته كلهم اكبر مني ويجسلون قدام مابزعل .. ممكن اتضايق شوي في البدايه .. بس احترام لزوجي .. ولنفسي ومبدئي عادي جدا ..
خلها تجلس قدام طالما هي الاكبر وش بيصير اخره المطاف بستفرد فيه وبجلس جنبه ..

صاحبة السمو121 • 13 سنة

اب

مسكm • 13 سنة

الدنيا متاع الغرور @aldnya_mtaaa_alghror

~~مين يركب قدام جنب زوجك في السياره أنتِ ولا حماتك؟؟،،،،سؤال أرجو من الجميع التفاعل~~

مين يركب قدام جنب زوجك في السياره أنتِ ولا حماتك؟؟،،،،سؤال أرجو من الجميع التفاعل