لااله الا الله وحده لاشريك له ,له الملك وله الحمد وهو على كل شي قدير
أنا طحت على ماركة أدوات تنظيف ممتازة وقوية ومتينة وعملية وماتخرب تلقونها ببنده وكارفور ويمكن فيه غيرهن
أولا:المكنسة
حلوة وقوية ماتنكسر ممتازة للسيراميك لكن الموكيت والسجاد يعني ماتكنس بقووة وفيها قطعة زي الفلين عشان الغبار
وفيه انواع ثانية بس للأمانة ماجربتها وراح أعرضها يمكن تفيد أحد
هذا النوع ممتاز يشيل الشعر من السجاد مصنوعة من المطاط
وهذا نوع آخر
ممتاز لتحت الأثاث ويكنس الشعيرات الصغيرة
وهذا نوع مخصص لخارج المنزل زي الحوش وينفع للي عندهم أشجار
وهناك طبعا أنواع أخرى ....
ثانيا:المجرفة
هذي اللي عندي
حلوة وممتازة لكن كان عندي وحدة زرقاء من نفس الشركة أفضلها على هذي بس مرة حاني ضيوف فجأة وقاعدة أكنس بسررعة وبرمي اللي جمعته بالزبالة رميت المجرفة معه :angry2:واضطريت أشتري جديدة وكانت هذي اللي فوق
وفيه أنواع أخرى ماجربتها بعد لكن راح أحطها
هذي مجرفة بعصا طويلة
وهذي اخرى
نفس اللي فوق لكن تختلف ان حجم اللي نجمع فيه الكنس اكبر وقابلة للطي مما يجعلها سهلة التخزين
ثالثا:الممسحة
هذي ممسحتي المفضلة كأنها منشفة أنا طريقتي فيها بعد ماأكنس احط فيها شوي ماء وديتول وأمسح فيها الارضية واذا توسخت افكها واحطها بالغسالة وترجع جديدة واذا خربت هذي القطعة راح تلقين بدالها تباع
مميزاتها سلسة وتلف معك وتدور على حسب المكان يعني مرة تصير بالعرض ومرة بالطول اثناء مانتي تنظفين بمعنى أنها ممتازة للزوايا
وهذي ممسحة للتنظيف الجافة مصنوعة من ألياف خاصة لتلتقط الغبار تشبه اللي فوق بالشكل
يتبع
هذي جبتها لقريبتي تمدحها بالحيل مع السطل حقها ممتازة للأرضيات سواء الحمامات والمطابخ والممرات
عبارة عن الياف اللي فيها لون أحمر لازالة أشد البقع والزرقاء لازالة الأوساخ والدهون واذا توسخ هذا الراس ممكن تفكيه وتغسليه
وهذا السطل
وهذي أخرى
مصنوعة من القطن الماص ممتازة للتنظيف اليومي السريع لجميع الغرف لأنه يشيل كل الأوساخ ويجف المكان بسرعة ويمكن فك الرأس وغسله لوحده
يفضل استخدامه مع السطل
وأيضا هناك أنواع أخرى
رابعا:الشطافة
هذي عندي تشطف الماء بشكل ممتاز ماجربت أحسن منها
الآن راح أعرض لكن بعض من منتجات الشركة لم أجربها للأمانة لكن ساأضعها للفائدة
فرشاة مع مقبض لين
هذي مخصصة للحمام براس سداسي ليناسب جميع الزوايا من الاسفنج
وهذي اسفنجة مواعين تنظف من غير ماتخدش مناسبة للتيفال
وهذي أيضا
وهذي لتنظيف الصحون
وهذي لزجاج النوافذ2في 1
وصلى الله على محمد
أتمنى موضوعي أعجبكن دعواتكن