سوبر ماركت

الله يوفقك يارب لكن باي مدينه تبغي تفتحيه؟؟

في الجبيل...

أممممممممممم

و الله ما أدري وش أقول لك !!
ودي أفيدك

بس بالذات هالمشروع احسه شوي يبغى له قوة قلب !!
تخيلي انا عندي تفتحي مصنع براغي ولا تفتحي سوبر ماركت

لأنه محتاج شوية شروط عشان ينجح

إذا كنت ِ مصره عليه لازم تراعين هالنقاط هذي كلها
و على فكره
انا كلها حطيتها لك بناء ً على رؤيه شخصيه
و دراسه للسوبر ماركتات اللي عندنا :

1- اسألي نفسك :
ليش سوبر ماركتات الهنود ناجحه ناجحه ، واللي أصحابها أهل البلد تقفل بعد سنه بالكثير ؟

بكل بساطه
لأنهم يوفرون ما يحتاجه أهل البلد
لأنهم يوفرون جميع الأصناف
ولو سألهم حد عن شي مو موجود عندهم
يومين بالكثير ويكون موجود
لأنهم مو شايفين حالهم ولا دفوش
لأن عندهم توصيل طلبات
لأن مصلحة العميل عندهم أهم
لأنهم إذا حد اشتكى لهم حسنوا وضعهم و خلوا الحق معاه
و صوتهم ما يعلى على العميل
و تشوفين المطاقق لنهاية الشارع

2- بناء ً على النقطه السابقه
شوفي لك واحد هندي يشتغل فيه يساعد و يقضي مشاوير
و بنفس الوقت يوصل طلبات
بكل بساطه - و عشان تبينوا روحكم بروفيشينال -
سوي أرقام لك بنفسك بالكمبيوتر ، و كلما وصلتوا لبيت معين لول مره حطوا لهم رقم ع الباب
و بكذا بيصير عندكم قاعده بيانات بأسماء عملائكم
وشريحه كبيره بتكسبوها

احنا نتعامل مع سوبر ماركت هنا بهالطريقه ، و مرتاحييييين ولا نفكر نغير عنهم
بالله عليك ِ إذا الوالد الله يرحمه متوفي ، و اخواني بالجامعات
و أمي الله يحفظها متورطه وش نسوي ؟؟

3- اختاري مكان ما يخرش الميه
مو مكان كل 2 سم فيه سوبر ماركت
و يا ليت قريب من مدرسه ... غمضي عيونك و كدي !!

4- لا تتركين فرصه أبدا ً إن أحد يجي لك وتقولوا له الصنف كذا خلص !!
خصوصا ً الخبز و اللبن والأشياء الإستهلاكيه
ترى العميل خوّان .. ما لبيتي طلبه وما لقى اللي يبي على طول عطاكِ أشكل
و دور غيرك
و يصير ماخذ عنكم فكره :
أيوه هذاك السوبر ماركت اللي مخلص أغراضه
:42:

5- اكسبي الأطفال و أولاد المدارس
فطاير ساخنه ع الصبح
أشياء تناسب فطور
وقت الظهر لما يطلعوا وفري لو بطاطس مقلي بيعوه لهم
لا تغلون أسعاركم

6- النظافه ثم النظافه ثم النظافه ثم الترتيب
شكل المكان وتنسيق البضاعه و صفها بطريقه مغريه
كمان النظافه و الريحه الحلوه
كذا تكسبين الحريم بقوووووووووووووه



ما أدري ليه أنا أحب أثرثر كثير
ما اعرف أسكت ولا أقول كلمه ورد غطاها
بس يكفيني لو أفدتك ولو شوي
الله يوفقك ويفتح عليك و علي وعلى كل البنات

دعواتك خيتو
:26:

اختي ghad forex نورتي الموضوع...
اختي حتى متى؟ الله يوفقك وينور لك دربك ملاحظاتك مرة حلوة وراح اعمل فيها إن شاء الله..
وين باقي البنات يا ليت يفيدونا بالتكاليف وراس المال الكافي وكل التفاصيل وهل تشجعوني افتح او لا لأني محتارة مرة اقول اسوي مغسلة ومرة سوبرماركت افيدوني
الله يجزاكم كل خير...

وينكم يا بنات معقولة ما حد عنده فكرة تساعدني:09:
زعلتوني:(:(:(
كنت متأمله انكم ترشدوني...