مساء الخير..والله مضايقه وايد لاني ما اعرف اضبط اي عجينة للفطاير

الأخت أم علايه حياك الله
بالنسبه لعجينة الفطائر فهي سهله جدا ولكن قد تكونين نسيتي أحد المقادير
أو لم تدعي العجينه تأخذ راحتها في التخمير .
جربي مرة أخرى ولا تيأسي .:27:

السلام عليكم


ولا يهمك اختي .. يا ما جربت وجربت عجاين ابيها تضبط ومصيرها الزبالة وانتي بكرامة ولا زعلت ولا شيء


جربي هل الطريقة وان شاء الله بتضبط

ملاحظة احسن نوع للطحين الكويتي .. ولا تكثرين الزيت دايما حاولي تقللين منه , لي عجنتي العجينه حطيها في طاسة كبيرة غطيها بكيس بلاستك وحطيها في فرن مطفي , كل ما عجنتي اكثر يكون احسن بس في هل الطريقة ما يبيلها عجان وايد


بكوب جبنه كرافت

في الخلاط :
كوب ماء دافي
3 م كبيرة حليب بودر
3 م كبيرة سكر
شوية ملح
ملعقة كبيرة خميرة
ربع كوب زيت

اخلطيها شوي قولي 5 دقايق

بعدين ضيفي 2 ونص كوب طحين


واعجني ..

اتركيها لين تنتفخ تاخذ لها ساعة تقريبا

وفيه طريقة ثانية
اذا تبين باعطيك اياه زينة بعد بس هذي احسن :32:


ولا تزعلين اختي كل شي ولا زعلك :27:

السلام عليكم

اختى انصحكى بستخدام العجانه من ملينكس والله والله تجنننن وتخليكى فنانه فى المعجنات

عن نفسي كنت فاشله فيها وكنت انقهر لما اشوفها ماتظبط او تصير قاسيه بي مشاء الله بالعجانه

الحمد لله كا ماسويت عجينه تطلع احلى من الثانيه مشاء الله

اما عن المقادير فمشاء الله بنات المنتدى كل وحده عندها طريقه احلى من الثانيه بس

ظيفى المقادير السائله اول مثل الماء والزيت وبعدين الجافه وتخمريها والله تطلع فل بس اهم شي كمان

ان الخميره تكون جديده

اسفه طولت عليكم

تحياتى:17:

اوراق الخريف2 مشكوره حبيتي على الاهتمام بالنسبه الى اني نسيت احد المقادير فلا لاني متأكده اني وضعت كل المقادير ..بس شو اسوي فاشله والحمد لله ..

CLassic2004 مشكورة حياتي على الطريقة وان شاء الله بجربها وبعطيج خبر بس ان شاء الله تضبط معاي ..بالنسبه للطحين الكويتي اعتقد ما ينباع عدنا في الامارات على العموم بدور ويزاج الله الف خير يا عمري..

ملكة الاهات مشاء الله عليج والله عندي عجانه بس ما اثق فيها اعتقد باليد احسن بس يمكن انا المقادير الي حطيتها يمكن الماء كان زيادة والطحين قليل ومشكوره حبيبتي على الرد .

مرررحبااااا اختي وا الله العظيم مثلي بالضبط ما عمررري سويت عجينه وضبطت معي ماادري للييييييه:44::44:


لاني بصرراحه اكثرر شي احس انه يضبط الطحين الكوويتي رهيب بس ما يووجد هنا للا سف

انشااء يضبط معك ومعي ومع غيرك العجينه وبشرريني اذ ضبطت معك:o

اختك الجووريه