baraka.hawa
baraka.hawa
حبيبتي ... اذا الله يسر لك دولة أوربية توكلي على الله وروحي و لا تهتمي لكلام الناس.
زهرة فنلندا
زهرة فنلندا
اختي انا عايشة بفنلندا يعني جارة السويد واوقات بنروح على السويد زيارة
اللي بعرفه انه امورز اللجوء سهلة بالسويد غير عن فنلندا
والحياة فيها منيحة والتعامل من الشعب من الناس منيح كمان وفي مناطق فيها عرب كتير مثل مالمو
وبالنسبة للاسعار اوروبا كلها غاليه عموما وكانت قبل كم سنة سويد ارخص من فنلندا بشغلات كتير بس هلا ارتفعت الاسعار فيها بس انتي لما تروحي لجوء بالبداية هم بتكفلوا بكل شي بخصك ولما تاخدي حق اللجوء والرقم الوطني بصير عندك راتب شهري انتي وزوجك واولادك وطبعا مع الوقت بتصيري تابعه لمكتب العمل وبتفوتي دورات تعليم اللغه وولادك بروحوا مدرسه وبتتأقلمي فيها لانه فيها حركة وحياة مو متل فنلندا
وبالنسبة لتربية الاولاد هاد الشي صدقيني برجع لطريقتك انتي بتربية اولادك زمان كنا نحس انه اوروبا فيها انفتاح وبنخاف على ولادنا لكن هلا للاسف حال الدول العربية ما عاد بفرق كتير يعني انا وصحباتي هون مفهمين بناتنا انه عشان احنا مسلمين حياتنا غير عن القنلند وولادنا فاهمين هالشي ومتقبلينه ولما اروح زياره عىلى بلدي بنصدم من حال المراهقين والمراهقات والحرية الزايده اللي هم فيها يعني بصراحة التربية ما دخلها بالمكان بعدين هون بالمدرسة والحضانه بجتمعوا معنا المعلمات وبنفهمهم انه هاي عاداتنا وديننا يعني هاي قوانين ديننا وعاداتنا وهم بحترموا هالشي ودايما برجعولنا انه بسألوا عن اشياء ازا مسموح لاولادنا فيها او لا
والجنسية عند الولاده اعتقد انه اه بياخدها الطفل
اتمنى اكون افدتك
كبرياااء أنثى
كبرياااء أنثى
بالنسبة لتربية الاولاد مافيكي تربي متل ما بدك لانو ببساطة اذا ضربتي ابنك على ايده حتى تربيه وحدا شافك بياخدوه منك وما تحلمي تشوفيه و مافي شي اسمه متل ما بتربي لانو ببساطة راح ياخدو الاطفال العادة السويدية او الاوروبية من دون ما تحسي وبس تكبر بنتك راح تشوف كيف البنات عندها صحاب وبتصير تقلد وما حتقدري تمنعيها لانو الشرطة والقانون راح يكون معها وحتى اذا بدها تلبس حجاب وهي صغيرة راح ينتقدوها بس بطريقتهم من دون ما يبينو انهم مدايقيين وهي ماراح تررتاح راح تحس انها شاذة بينهم ، اصل دايما منسمع جرائم الشرف باوروبا، والي بعطي تبرير عشان يواسي حالو لا تردي ، ببلادنا شو ماكان بلد اسلامي حتى لو في اخطاء بس مش متل اوروبا،يعني اذا طلع شي سيئ بالتلفزيون بتقولي لاولادك ابعد وجهك او بتقلبي بس بالدول الغربية ما فيك تمنعيهم لانو بالشوارع عندهم كل شي عادي ، بالختصار الي عنده شرف وغيرة ما بربي اولاده وخاصة البنات بالدول الغربية
وبالنسبة لسويد انا عايشة فيها مافي ناس كتير وبرد وسقيع بشكل مش طبيعي ،. وملل كتير
والاولاد لما يولولدو بالسويد ما باخدو الجنسية السويدية ، والي باخدو الجنسية بكون في شروط مثلا لازم يكون الاب والام معاهم اقامات ،
واذا قدمتي لجوء بيعطوكو مصروف بس على قدكم هنن بحسبو اديش بلزمكم، بس اد ما بتحتاجو مش اكتر
واذا اختو الاقامة لازم تروحو على المدرسة انتي وجوزك واذا غبتي يوم بخصمو من المصروف ،وبس تخلصو دراسة اللغة لازم دورو على وظيفة وتقدمو اوراق كل فترة انكم بدورو على شغل والا ما بعطو مصاري وهنن بساعدوكم تلاقوا شغل بالي موجود، واذا عندكم مثلا سيارة ما بيعطوكو فلوس حتى تبيعوها ،
وكمان بالنسبة لسوريين ما عادو يعطوهم اقامات متل قبل لانو كترو السوريين كتير وصار يشددو على الحدود،
والسويد بلد غالية كتير والضريبة عالي ،وكل فترة برفعو الاسعار حتى اجار البيوت ،
الله يخترك الي فيه الخير
زهرة فنلندا
زهرة فنلندا
بالنسبة للتربية يا اخت كبرياء اهم شي طريقتك بالتعامل مع ولادك انا ما عندي مبدا الضرب اساسا في طرق كتير للتربية بعيد عن الضرب
وبعرف ناس كتير هون بناتهم انولدوا وعاشوا وكبروا هون ومحافظين على حجابهم وعلى اخلاقهم واسلامهم
والفنلند هون بحترموا اللي بحترم دينه وثقافته
واظن مو من الادب تقولي اللي ماعنده شرف هو اللي بربي ولاده باوروبا
هاي انت اجبرتك الظروف حاليا انك تعيشي باوروبا هل هاد الشي معناه اته ما عندك شرف ولا غيره؟؟؟؟؟؟

كل واحد ادرى بظروفه واسبابه وفي ناس كتير بالغربة ومحافظين على بناتهم وولادهم
كبرياااء أنثى
كبرياااء أنثى
حبيبتي هاي وجهة نظري وانا حرة برأي و ما قصدي عنك او غيرك ، بس بقول الي عنده اطفال كيف بربيهن بالدول الغربية وكلامي هاد لاني شفت كتير ناس وكيف بناتهم ما بيعرفوا حتى بالدين ، وفي كتير ناس تفكيرها محدود وما بطلعو للمستقبل ، اذا البنت عمرها مثلا١٤ اكيد راح يكون عندها رفقات اجنبيات وحتشوفهن اكتر من اهلها وحتتاثر فيهن بطبعن وتفكيرهن،
المهم كل واحد حر بحالو هادا رايه
وكلامي هاد بالنسبة لناس الي مش مغصوبين على العيشة باوروبا او اميركا بس الناس اذا هاربين من حروب او سياسة وما بقدرو يرجعوا معهم حق انهم يبقوا لانو مافي خيار تاني ،بس الناس الي بقدرو يعيشو بلدهم او باي بلد عربي انا مش معهم ابدا
وانا بالنسبة الي مستحيل اربي اولادي بدولة غربية وبس يكبرو ويصير لازم يدخلو مدرسة ماراح ابقى هون ولا دقيقة لاني مبدئي وتربيتي ما بتسمحلي اربي اولادي بالدول الغربية،
وانا بكتب لصاحبة الموضوع عشان تستفيد يعني كلامي مش لحضرتك