السلام عليكم يابنات
كيفكم وكيف كتاكيتكم
جبت لكم كم نصيحه وتعليمات من اخصائية اطفال رحت لها لما كملت بنتي سنتين
وهي متابعه دايم لبنتي ... وكانت من جد نصائح روعه وملاحظاتها كانت مضبوطه مره
والي هي:
1- تقول ما لاحظتي على بنتك انها صارت عصبيه اكثر؟ وشخصيتها صارت اقوى ؟ وتبغى رايها الي يمشي؟ انا انفجعت :blink: لاني قبلها باسبوع وانا مستنكره بنتي صارت تبكي وتعصب وتنافخ خخخخ
المهم تقول
هذا طبيعي ميه في الميه لان الطفل لما يكمل سنتين يتغير ويحس انه كبير وشخصيه تقوى قلت الله يعين :
2-خلتها ترسم وتلون عندها وبنتي ماصدقت خبر قعدت ولاعاد قامت من مكانها كانها اول مره تشوف الوان <<< وهي بالفعل اول مره تشوفها:09: ما شريت لها وحسيت انها لسى صغيره عليها وخفت تحوس الدنيا
المهم سألتني انتي تخلينها تلون .. قلت مو كثير:42: بس اخليها تكتب في دفتر باقلام عاديه لانها تعشق هالشي
قاالت : لا خلاص لازم تشترين لها الوان واوراق وخليها تلون لانها راح تهجد عليها
بس بشرط تكونين قدامها عشان ماتاكلها ولا تشخبط عالجدران
3-تقول لازم تخلينها تاكل بنفسها.... عشان شوي شوي لما تصير 3 سنين تصير تعرف تعرف تعتمد على نفسها في الاكل .. وبالفعل على السفره افرش تحتها بسلط كبيررررررررررر والبسها مريله واحط لها صحنها وملعقتها واخليها تحوس طبعا حوسه ويالله توصل اللقمه لكن بدت شوي شوي تتعلم
4-تقول لازم اعودها تلبس وتفصخ من نفسها .. والله احسها صغيره لكن هي اعرف ... واحيانا اخليها تلبس لحالها خاصه البنطلون
5-لازم ابدا اعودها عالحمام طبعا ... بس يوم قلت لها اني اجلت لاني على وجه سفر قالت تمام
اذا استقريتي ابدي عوديها
6-لازم اشيل الرضاعه...اكيد مو جديد الكلام بس بنتي مره متعلقه فيها خاصه في الليل متنام الا فيها .. بس تقول تاثر عالاسنان تتقدم على قدام وتسوس .. فان شاءالله قريب اقطعها عنها
يتبع..
المهم قالت كم كلمه تقول؟ قلت مو كثير ... قالت لازم تعلمينها لان خلاص تبدا تتعلم اسرع الحين
وابدي خليها تركب كلمتين مع بعض مثل: البيبي نام او هنو حلوه ...الخ
والحين ماشاءالله بنتي صارت تقول كلمات كثير وركبت كم جمله في خلال شهر او اقل
8-قالت لي اشتري لها كتب .. واخليها تتصفح واحطي لها حكايات لما تجي تنام
انا من زمان اشتري لها كتب لكن القصص لين الحين ماسويتها من فلاحتي
9-اخيرا .. قالت لي اخليها تتعود تفرش اسنانها بنفسها. وانا افرش قدامها ....واخر شي انا عالسريع افرش لها وبالفعل والله يابنات كنت اول انا افرش لها واقول لها صكي اسنانك على بعض ماعرفت الا يوم صرت افرش قدامها
طولتها وهي قصيره...
النصائح باختصار
1-في عمر السنتين يبدا الطفل يعصب كثير وتقوى شخصيته وهذا طبيعي ولازم نتعامل بهدوء مع هالشيء
2-اشتري لطفلك الوان وخليه يلون
3-عودي طفلك يلبس ويفصخ ملابسه لحاله
4- عوديه ياكل بنفسه
5-عوديه عالحمام في ظروف استقرار
6-الرضاعه تسبب خراب في الاسنان من تسوس وتقدم للامام فاقطعيها
7-عودي طفلك عالكلام المستمر واذا تعلم الكثير من الكلمات ابدي علميه تركيب الجمل
8-اشتري له الكتب الملفته واقري له
9-عوديه يفرش اسنانه بنفسه وفرشي قدامه
والي عندها نصيحه تضيفها واتمنى الفائدة للجميع ....
والسلام عليكم