مشكلة ولدي اللي عمره 4 سنين

السلام عليكم ورحمه الله
بنات اللي عندها حل لولدي لا تبخل علي ربي يرزقها الفردوس ولدي عمره 4 سنين يتصرف تصرفات غريبه جدا عن اللي بعمره انا من مكه ومنفصله عن والده من 3 سنين واتزوجت من 8 شهور وكنت شارطه انه ولدي بيعيش معاي وجلس عندي 3 شهور بس المشكله انه زوجي عصبي جدا هذا ناتج عن تربيه ابوه كان عصبي فهو بيعمل دور الاب على ولدي يعني يقوله لاتجلس كدا لاتاكل كدا لا ترفع صوتك يقاله بيعلمه الاداب وكمان دايم انا وهو نضارب الله يصلح الحال وولدي يشوف وماايحب الصوت العالي وزوجي صوته عالي جدا فيوم من الايام ولدي هج من بيتي ورجع لامي مارضي يرجع بيتي بكي بطريقه حسيت انه راح يموت منها انفجعت عليه وخليته مع امي وهو دحين مبسوط معاها الله يسعده بس قلبي بيتقطع عليه ابغاه يرجعلي حاولت معاه الف مره بكل الوسائل تخيلوا لمن اجي خارجه من عند امي وهو بنكون اصلا بنلعب مع بعض طول الوقت بس يجي زوجي ياخذني يقوم يتخبى ومايرضى يسلم علي ولمن اجري وراه بالغصب يبكي ويقولي الله يخليكي لاتاخذيني فانا اطمنه واقوله لا مااخذك وانا حالتي حاله ليل نهار ابكي لوحدي مايعلم بي الا الله ابغى ولدي في حضني بس ربنا يصلح الحال
وامي بتقولي ولدك عليه تصرفات غريبه اول شي ماايبغى الناس نهائي مايبغى يختلط بيهم مع اني كنت اخرجه معاي وهو صغير لو امي رايحه عند ناس يقولها اجلس لحالي في البيت وماابغى الناس بشوف التلفزيون واذا صدفه قابل اطفال اصغر منه وحاولوا يقربوا منه يجلس يبكي ويصيح ويتعلق في رقبه امي ويقولها ابغى ارجع البيت عنده فوبيا شديده من الصغار سواء قده او اكبر او اصغر مع انه بزورة اختي واخوي عادي يلعب معاهم ولو جا احد غريب معاهم حتى معاهم مايروح يلعب وغير كدا يخاف من الملاهي غير الاطفال بالله عليكم ايش اسوي معاه كيف اعالجه كيف اغير من نفسيته انا وامي اللي تعرف تقولي
وايبغا يصلي ولا حتى يحفظ قران امي واحنا صغار بعمره ماشاء الله كانت تحفظنا القران بس هو مايرضى حتى بالدلع والتشجيع مايرضى والصلاه لو يجلس بالحاله في البيت مايروح مع ابويه