السلام عليكم وورحمة الله وبركاته
حبيباتي الحوائيات..
مالي الا الله ثم عائلتي وانتم..
انا كاتبة هالموضوع لاني محتاجة دعواتكم لي بالسلامة وياليت كل وحدة فيكم تشاركني بالدعاء والنصيحة
ولكل اللي ردت منكم الله يفرج همها ويوسع رزقها ويعطيها الكريم الرزاق لين يرضيها
قبل سنة و8 شهور تقريبا تعرضت لمشكلة بحيث اني كنت ماشية على الدرج (السلم) ونزلت على قطعة
معدنية في العاب الاطفال ودخلت هالقطعة رجولي - وانتم بكرامة - وحسبتها وصلت للعصب طولها تقريبا 7سم
وخرجها الوالد الله يجزاه خير ورحنا للمستشفى اللي ماكلفت على نفسها تسوي اشعة طبعا هم عرفوا اني موظفة
ومايبغوني اخذ اجازة مرضية عطوني ابرة التسمم وادوية وقالوا ارتاحي اليوم وبكرة صحتك تمام , تألمت من مكان الحادث فترة(كعب القدم)
وبعد هيك صارت الامور تمام وبين فترة والثانية احس بألم في نفس المنطقة تقريبا من 8 شهور وفي شهر ذو الحجة اشتد علي الألم
رحت لاكثر من مركز صحي ومستشفى وكلهم يقولون اصابة قديمة مافي مشكلة بس يمكن العصب تضرر ومانقدر نسوي شي
هالفترة رحت للمستشفى لانه الالم زاد مااقدر انام الليل منه وسويت مشاكل وسووا لي اشعة وكانت الكارثة انه جزء من المعدن مازال موجود داخل العظام (عظام الكععب)
طولها حوالي 2 ونص سم مثل ماهو مكتوب في التقرير , وماتطلع الا بعملية والعملية لها مضاعفاتها بحيث انه لابد ينخرون العظم على مايطلعون القطعة ويمكن تكون تكلست القطعة وهالشي ممكن يسبب كسر للعظم
اضافة الى انه العملية بتاخذ 3 ساعات على الاقل واحتاج فترة تأهيل طويلة نوعا ما وفي اطباء نصحوني اتركها وامشي على بروفين مع امكانية اجراء العملية بس خايفين من مضاعفاتها
بس انا خايفة مرة وخصوصا انه جسم غريب وغير معقم وله سنة مايألمني وتوه بدأ يوجعني اخاف يكون هذا اشارة لمشكلة جديدة
انا محتارة اخليها ولا اشيلها , سويت استخارة وماشفت شي يشجعني او شي يحذرني
غير هيك خايفة من التشوهات اللي بتصير في رجلي من اثر العملية خصوصا انه رجولي فيها خشونة في كعب الرجل ودايم يتقشر
بليززززز انصحوني وادعوا لي كثير يقولوا شيليها وناس تقول خليها وربي محتارة يوميا قبل ماانام ابكي من قوة االالم ومو قادرة اشتغل في عملي بسبب هالموضوع:44:وش رايكم؟؟؟؟
ميس m @mys_m_1
محررة
يلزم عليك تسجيل الدخول أولًا لكتابة تعليق.
ما تشوفين الشر ان شاء الله ..الله سبحانه قادر على شفائك .. الله يفرج همك ويزيل ألمك ...آمين
ميس m
•
يااارب يشفيك ويريحيك من الالم والله حسيت فيك وانا اقراء موضووووووووعك حسيت بالم بجسمي ياارب يارحمن يارفع السمواات بلاعمد انه يخرجها من جسمك وانتي بكاامل صحتك وعاافيتك بس كيف اخترقت العظم ؟؟يااارب يشفيك ويريحيك من الالم والله حسيت فيك وانا اقراء موضووووووووعك حسيت بالم بجسمي ياارب...
اخترقت العظم لانها طويلة وانا نزلت عليها من الدرج بكامل وزني وثقلي ويوم طلعناها انكسر جزء منها داخل :44: وربي مرة تعبت نفسيا من هالموضوع حياتي مقلوبة فوق تحت بسبب هالسالفة ومشكورة على الدعوة والله يحقق لك كل امنياتك يارب
الصفحة الأخيرة
والله حسيت فيك وانا اقراء موضووووووووعك حسيت بالم بجسمي
ياارب يارحمن يارفع السمواات بلاعمد انه يخرجها من جسمك وانتي بكاامل صحتك وعاافيتك
بس كيف اخترقت العظم ؟؟