قصة تقشعر لها الأبدان حدثت على أحد شواطئ الخليج

بسم الله الرحمن الرحيم

فيه اثنين شباب راحوا البحر جلسوا على الشاطئ ونعاهم عشاهم.
وهم جالسين يتعشون جنهم عجوز كبيره في السن وقعدت تلقط الأكل المنثور على الأرض وتأكل.
ولما شافوها قالو لها أنتي جوعانة قالت أنا هنا من الصبح وما أكلت شئ جابني ولدي من الصبح وراح وخلاني وقالي راح أجي آخذك بعد شوي.
المهم جابوا لها عشاء وتعشت. وبعد ما تأخر الوقت شالوا أغراضهم وحسوا الشباب إن الوقت متأخر والجو بدا يبرد وما يصير يتركون العجوز على الشاطئ لحالها في الليل وجاء واحد من الشباب وقال لها عندك رقم ولدك نتصل عليه نخليه يجي آخذك. قالت العجوز إيه معي الرقم في ورقه. ولما طلعت الورقة. ايش تتوقعوا مكتوب فيها ؟؟؟؟؟ مكتوب ( من يجد هذه المر أه يأخذها لدار العجزة) انصعقوا الشباب من المكتوب في الورقة وجلسوا ساعة يترجون العجوز تمشي معاهم. ويحاولون فيها إنهم يوصلوها أي مكان هي تبيه . أكيد العجوز رفضت أنها تروح معاهم لأن ولدها وعدها إنه يجي يأخذها وتبي تستناه لما يجي.وكانت تقول ولدي راح يجي يأخذني وأنا راح استناه. > >ما تدري المسكينة إن ولدها تنكر لها ورماها في الوقت إلي هي فيه محتاجه له.المهم راحوا الشباب عنها واتركوها على أمل إن ولدها راح يجي يأخذها حسب وعده لها. فيه واحد من الشباب قعد يتقلب في الفراش وما قدر يرقد يفكر في مصير العجوز المسكينة وقام من فراشه وغير ملابسه وركب سيارته وراح للشاطئ. ولما وصل. شاف الإسعاف والشرطة والناس مجتمعين ودخل بينهم شاف العجوز قد فارقت الحياة ولما سألهم عن سبب وفاه العجوز قالو له أرتفع معها الضغط وماتت. ماتت من خوفها على ولدها يمكن يكون صار له شئ.
ماتت وهي تستنا ولدها يجي يأخذها.
ماتت وهي بعيده عن أهلها.
الله يرحمها برحمته ويدخلها من أوسع أبواب جنته.أدعوا معي آمين.
أرجو من كل من يقرأ هذه القصة أن ينشرها لتكون موعظة لكل عاق لوالديه

رب اغفر لي ولوالدي رب ارحمهما كما ربياني صغيرا



اتمنى انه مايكون مكرر