نظرا لكثرة الاستفسارات عن ماذا يشمل التامين ووين اقرب عيادة وكيف اعرف اسم التخصص .... وغيرها
كتبت هذا الموضوع عسى ان يكون مرجع لاستفساراتكم واتمنى ان تستفيدوا منه
aetna
في هذا الموضوع ما راح اتكمل عن طريقه استخراج بطاقه التامين او طريقه التسجيل بموقع الشركة لان هذي مشروحه بشكل وافي في موقع الملحقيه السعودية وفي موقع الشركة نفسها .. راح اتطرق لعدة نقاط رئيسية اخرى:
1- طريقه البحث عن عيادة خاصة في تخصص معين
2- اسماء التخصصات وماذا تعني
3-كيفية التعويض عن ما تم دفعه من المال الخاص
في البدايه ندخل على موقع الشركة هنــا
تجينا الصفحه هذي وتابعوا معاي بالصور
aetna1
zip ,, رمز المنطقه
distance ,, المسافه التي تبعدها العياده عنك
Plan ,, الخطه المتفق عليها مع الشركه والي تامينهم من الملحقيه يختارون Open Choice PPO
أهم شي الخانه الي مكتوب عليها
Provider category
والخانه Provider Type
نبدأ بـ Provider Category أو نوع العيادة ,,, تحت هذي الخانه موجود التالي :
walk in clinics << عيادات تجينها عادة من دون موعد لعلاج الجروح الطارئة او ممكن تأخذين عندهم تطعيمات او تعملين فحص روتيني شامل وبالعاده تخصص الطبيب يكون عام ولكن زيارته لاتعني عدم الذهاب لمتخصص فهذا النوع من العيادات للحالات المؤقته او المستعجلة
medical provider << وهي الي راح نختارها اذا بغينا تخصص معين وراح اشرحها لاحقا
dental provider << مايتعلق بالاسنان
pharmacy << مايتعلق بالصيدليه
vision << مايتعلق بالنظر والعين
labs << التحاليل والمختبرات التحليليه
الحين نجي للمهم ,, لما تبغين تروحين لطبيب ذو تخصص ما وتبين تبحثين عنه الي عليك انك تسوينه بعد ماتفتحين الموقع وتعبين خانه
zip
distance
وتختارين من خانه provider category
medical provider وهذا اهم شي عشان تقدرين تبحثين عن تخصص معين
راح تلاحضين انه في الخانه الي بعدها والي هي provider type اربع خانات يهمنا منها
انك تختارين specialist او اختصاصي
aetna2
الحين بعد مانختار more options
تطلع لنا خانات كثيره اهم شي الخانه الي مكتوب عليها type of specialty
او نوع الاختصاصي وهذي الخانه تحتها خيارات عديده بشرح المهم
anesthesiology << طبيب التخدير
autism << طبيب مرض التوحد
cardiology << طبيب القلب
colon & rectal surgery << طبيب القولون
dermatology << طبيب الجلديه
OB-GYN << طبيب نساء
pediatric << طبيب الاطفال
surgery << جراح وفيه عدة تخصصات للجراح
باقي التخصصات راح اتركها والي تحتاج تخصص بس تكتب اسمه في اي قاموس وتدوره في الخانه هذي او تسأل عنه في هذا الموضوع وان شاء الله افيدها
الحين تلاحضون في هذي الصفحه تحت more options يطلع لنا خانتين تحت والي هي Gender او جنس الطبيب اذا تبينه رجل او امرأه او اتركيه اذا مو فارقه معك على both
وكمان فيه خانه اللغه او language ومنها تختارين اللغه الي تبين يكون الطبيب يتحدث فيها لو ماتعرفين انجليزي فيه عربي
الحين اضغطي start search وتلاقين يطلع لك عدة عيادات وكل عيادة كم تبعد عنك
نجي للجزء الاخير وهو كيفية التعويض عن ماتم دفعه من المال الخاص
لنفرض انك رحتي لعياده مايغطيها التامين او رحتي للصيدليه واخذتي حقنه عن اي مرض وتبين التامين يعوضك
اولا قبل لاشرح هالنقطه دايما احرصي على انك تروحين للعيادات الي متعاقدة مع التامين او كلمي خدمة العملاء الي خلف بطاقتك واساليهم عن التامين لكن خلينا نقول مره رحتي لعياده مو متعاقدة مع التامين بعد ماتدفعين تحتفظين بالايصال وتطلبين ورقه من العياده تشرح سبب زيارتك
تعبين طلب تعويض من الشركه (النموذج مرفق بالاسفل) وترفقين معه الفاتوره وورقه العياده وترسلينها بالبريد لعنوان اتنا المذكور في اعلى النموذج وفي خلال اسبوعين يعوضونك
هنا نموذج طلب التعويض
اتمنى الشرح كان واضح واي استفسار انا حاضره والله يحمينا جميعا ومن يعز علينا واذكركم اخواتي بقراءه الورد اليومي استودعتكم الله
تحياتي اختكم ام فرح
وفي بريطآنيـآ مآعندنـآ تأمين الحمدلله ~