الحين بأقولكم ملاحظاتي ..وليه ما عجبني وانتم احكموا...

اول شيء لفتني ان المدخل عادي وما فيه اي تميز...وذكرني بابواب فصول التربية الفنية في المدارس...والأهم اننا كنا متفقين معاه ان حيكون فيه ا عمدة او حركة بالجبس ..وما سواها!!


الشيء الثاني لفتني ان شبابيك الدور الأول على اليمين نازلة كثييير بينما انا كنت طالبه ان ارتفاعها يكون عادي علشان ما تكشف وما هي مثل فكرة صالة او مجلس يطل على منظر ودك شباكه يكون طويل وعريض ... وحط للشباك مربعات انا كنت منبهه عليه اني ما احبها وما هي حلوه...

وبعض الشبابيك المربعة اللي بالوسط حاط حولها حجر وكنا اعطينااه خبر اننا ما نحب الحركة هذي لأني شفناها في صورة وما هي حلوه ...وكمان اعطيته فكره اننا "انا وزوجي" ما نفضل الحجر الصغير في الواجهه وبالذات جهة غرفة النوم وسوى العكس تماما..

القرميد شكله غلط ما عرفت احدد ليه بس كأنه ناقص مو مكمل وما هو جميل ولايخدم اي غرض " هذا رايي طبعا"

البلكونة المفروض انها شباك كبير و تكون بشغل حديد وهو ما سوى هالشيء..

فيه شباك مستطيل صغير في اليسار هو وانتم بالكرامة شباك للحمام وانا طلبته من الجهة الثانية ولما حطه من الواجهة مشوهها لأن ماله رديف اسفل والأدهى اننا قايلين له ان هالشكل المستطيل والشبابيك الصغيرة ما تعجبنا وهو حطه!!!!

الفتحات الصغيرة في السطح ما حسيتها حلوه يمكن علشان الحجر ما ادري..

فيه اسباب ثانية ثانوية لكن ذكرت اهم شيء عندي و سبحان الله لما شفت صورة الواجهة ما حسيت ان هذا بيتي ويمكن هذا اقوى احساس جاني وبعدها شفت العيوب الباقية..
آسفة لو طولت عليكم بس حبيت اوضح لكم اسبابي وما اكون ظلمت المهندس ..

ورجاءً اللي تمر على الموضوع تدعي لي بان الله يسهل لنا امر البناء ويتمم لنا على خير..