كنت اليوم جالسه مع اهلي ع القهوه وكلنا نسولف ونضحك الا اختي مشغوله مع اولادها وتطارد وراهم وتلبي طلباتهم وكانت تعبانه بقوه ودها تجلس معنا بس اولادها الله يهديهم متعبينها .. اختي وصلت لحاله الله يعلمها انحرمت من اشياء كثيره بس تتصبر كله علشان اولادها .. وقتها خطرت ببالي فكرة رساله نصيه
يعني بين فتره وفتره ارسلها كلمات حلوه (ذكرالله .. بشرى للصابرين.. نكته حلوه .. او مقلب خفيف .. او رسالة اخوه ومحبه او شكر
صدقوني بنات انا ملاحظه ان الرسايل النصيه انقرضت نهائيا اغلب الرسايل صارت وسائط وكلها مقاطع فديو او اغاني او كلمات روتينيه واغلب استعمالنا للجوالات بس بلوتوث .. بالرغم ان الرساله النصيه اسهل كتابتا واسرع توصيلا واقل تكلفه
انا بصراحه خطرت ببالي فكره ماقد صارحت فيها احد الا انتم
فكرت اطلع شريحه واخلي هالرقم خاص بالارسال فقط ولايسقبل الاتصالات ابدا واخصص هالجوال للدعوه الى الله يعني اذا شفت بنت ملاحظه عليها حركات وماقدرت انصحها وجه لوجه ابرسلها بطريقه حلوه على رقم جوالها من جوالي ..او اذا شفت وحده عندها مشاكل بس علافتي معها سطحيه ارسلها من جوالي بدون ماتعرف اني صاحبت الرقم يعني اواسيها واصبرها
قال تعالى "" وَالْعَصْرِ (1) إِنَّ الإِنسَانَ لَفِي خُسْرٍ (2) إِلاَّ الَّذِينَ آمَنُوا وَعَمِلُوا الصَّالِحَاتِ وَتَوَاصَوْا بِالْحَقِّ وَتَوَاصَوْا بِالصَّبْرِ (3) "
هاه بنات ايش رائكم بالفكره من تأيدني ..؟؟
ودمتم بحفظ الله ورعايته