يا رب لك الحمد و الشكر .... أخيرا جاء دوري عشان أكتب قصة ولادتي ..
حطول لكم القصة شوي نبدأ من يوم الثلاثاء 11\2\1431هـ كان موعدي عند الدكتورة وكنت حاسبة أني دخلت التاسع لكن لما كشفت بالسونار قالت لسه باقي اسبوع و تدخلي التاسع حسيت نفسي فرحانة وزعلانة في نفس الوقت ..
فرحانة عشان كنت خايفة أولد وقت الإختبارات لأن أخواني يختبروا وما أبغى أخرب عليهم :hahaha: وكنت زعلانة لأني طفشت ونفسي أولد خلاص و أشوف بنوتتي ..:44:
المهم قالت عندي مراجعة الأسبوع اللي بعده ، يوم الإثنين 17\2 رحت الحرم وطفت و دعيت ان ربي يسهل لي ولادتي ..
يوم الثلاثاء 18\2 رحت للدكتورة على حسب موعد المراجعة لقيت الدكتورة مو موجودة و دوامها انتهى و الموظفة اللي حجزت لنا الموعد أعطتنى هو غلط المهم زوجي زعل وعصب عليهم فأعطونا موعد يوم الخميس ..
خرجنا ورحت لأهل زوجي وجلسنا عندهم شوي وكانوا أخوات زوجي يقولوا لي جمليها إلين نخلص اختبارات و بعدين أولدي .. جلست أضحك وقلت ربي يسهل اللي فيه الخير .. رحت بيتي و نمت وصحيت الساعة 6 وأنا حاسة انه في شي مضايقني ، صليت رجعت نمت صحيت الساعة 7 صحيت زوجي عشان الدوام ورجعت نمت ، الساعة 7 ونص صحيت وحسيت في ألم خفيف زي الم الدورة حسيت اني الولادة قربت و قلت أقوم أرتب أموري قمت مسحت البيت ونظفته على خفيف لأنه أصلا نظيف وبدأت أحس الألم يزيد لكنه محتمل مرة لدرجة كنت متوقعة اني أولد اليوم الثاني .. الساعة 11 صباحا دقيت على ماما وجلست أقولها على الألم وانه مو منتظم مرة يجي كل 5 دقايق ومرة كل 20 دقيقة قالت لي هذه آلام عادية عشان دخت التاسع و انه مافي شي ان شاء الله بعد ما خلصت المكالمة أخذت لي دش دافي وفطرت بس برضو الألم كان موجود كلمت زوجي و قلت له شوي تعبانة وخللي بالك من الجوال لو اتصلت عليك في أي وقت لأنه دوامي ينتهي الساعة 4 .. قالي ارتاحي ونامي وراح أجيب غدا معايا ..
المهم غفيت شوي والالمكل ماله يزيد لكن مو منتظم ومحتمل الساعة 2 استأذن زوجي من عمله وجاب الغدا وجا البيت اتغدى هو و ولدي و أنا ما كنت أبغى آكل على الساعة 4 صار الألم قوي و منتظم كل 10 دقايق وقمت أخذت ولدي و و ديته عند أهل وزجي و على المستشفى ، دخلت الطوارئ و كشفت علي الدكتورة قالت 3 سم و الراس مرة نازل و عنق الرحم لين والولادة قربت ان شاء الله ، طلعوني على غرفت الولادة الساعة 6 تقريبا وكان الألم قوي و ورا بعضة كل 5 أو 4 دقايق و الطلق كان حامي الساعة 7 جات ماماتي على المستشفى و جلست معايا في الغرفة هي و وزوجي و أن ابدات أتألم من جد و طلبت الإبرة المهدأة و الكمامة واعطوني هما ، جات الساعة 8 و نص كشفت الدكتورة لقته وصل 7 او 8 سم وخلاص أنا بدأت ما أتحمل الألم مرة كان جامد لدرجة حسيت اني ما أقدر آخذ نفس بعدها فكت الدكتورة كيس الموية بيدها و الحمد لله ما حسيت بأي ألم و بعدها بـ 5 دقايق بدأ الدفع و المشكلة اني نسيت كيف أدفع :icon33::icon33: وماما وزوجي والدكتورة والممرضات كله يشجع ويالله حسيت كأني في ملعب كورة :hahaha: والساعة 8 و 50 دقيقة شرفت احلى ( تاليا ) على الدنيا ونورتها .. وكان وزنها 2 كيلو و 300 جرام والله كأنها دجاجة من صغرها :hahaha::hahaha:
حسيت كاني في حلم غريب والحمد لله انتهى على خير ، خلوني في غرفة الولادة الى الساعة 11 ونص عشان يطمنوا انه مافي نزيف و طلعوني بعدها على غرفتي اتحممت وطلبت بنوتتي الحلوة:04: جابوها لي و ارتاح قلبي ..
على الرغم من انه الألم مرة كان قوي الا انها ولادة ماشاء الله تبارك الله تعتبر سهلة يعني من يوم ما بدأ الألم من جد يقوى الين ما ولدت 5 ساعات فالحمد لله على دا الشي والله يرزق كل وحدة ولاده سهلة ميسرة يارب ..
أدري اني طولت عليكم مررررررة بس في كم حاجة أبغى انبهكم لها :
أولا :طبعا أنا كنت دايم اسمع انه طلق الولد حار وطلق البنت بارد وأنا اقول كل وحدة تختلف عن الثانية أنا ولدي جليت اتألم يومين وبعدين ولدت وبنتي الحمد له 6 ساعات أو 7 و ولدت فلا تحطوا كلام الناس في بالكم وادعوا دايما انه ربي يسهلها عليكم ...
ثانيا : الكشف من تحت اذا هديتي نفسك ما راح يألمك أنا كشفوا علي 3 دكتورات والحمد لله ما حسيت بشي و حتى لما الدكتورة فكت موية الراس في ولادتي الأولى كانت بجهاز زي العصاية و الولادة الثانية بيدها كان كله عادي فلا تحطوا في بالكم أي كلام واموا حملكم على الله ..
ثالثا : لا تشربوا شاي كثير نصيحة من أخت لكم ... أنا مو من كيفي الشاي يعني ما اشربه إلا كل فين وفين في ولادتي الأولى لما أخذت الإبرة المهدأة ريحتني وماحسيت لما الدكتورةأعطتني ابرة البنج الموضعي تحت عشان الشق و لا حسيت بخروج الراس و لا الخياطة .. أما المرة هذه حسيت انه الإبرة ما استفدت منها شي و حسيت بابرة البنج و خروج الراس لكن الشق صراحة لا والخياطة حسيت بنغز خفيف مرة وهذا كله لأنه من الشهر الثامن وأنا صرت كل يوم أشرب شاي و يوم الولادة لما فطرت شربت شاي و لأنه جسمي مو متعود عليه اثر فيه لأنه منبه زي ما انتوا عارفين .. و سلامتكم ..( اخييييييرا :time: )
الولادة كانت في مستشفى بخش في مكة أنا كنت أتابع مع الدكتورة عبير ( مصرية ) وكانت زي العسل و لكن الولادة ولدتني الدكتورة نبيلة ( هندية ) و الحمد لله كانت طيبة و صبورة ، الممرضات كلهم هنود ومرة حنونين و خدومين ..
وأي استفسار انا في الخدمة ..
أم لولي. @am_loly_2
محررة
يلزم عليك تسجيل الدخول أولًا لكتابة تعليق.
**بنت التميمي**
•
الف مبررروك والحمدلله على السلامه
الحمدلله على سلامتك ومبروك احلى بنوته
يآاللـــه احب اجلس اقرى تجارب الولاده احسها تهون علي اشياء كثييييييير
بلييييييز كروشات اي وحده تولد تنزل موضوع مثل هذا تكتب كل التفاااصيل
والله يعينا على حقنا من الولاده هههههههههههه
يآاللـــه احب اجلس اقرى تجارب الولاده احسها تهون علي اشياء كثييييييير
بلييييييز كروشات اي وحده تولد تنزل موضوع مثل هذا تكتب كل التفاااصيل
والله يعينا على حقنا من الولاده هههههههههههه
الصفحة الأخيرة