السلام عليكم ورحمة الله وبركاته..
طبتم وطاب مسائكم بالخير والبركات..
حبايبي انا بي هم مشغلني.. قرب موسم الزواجات وقربت الفرفرة في هالمجمعات وقرب تطفير الجيبات كله من هالزواجات:icon28:
الله يوفق المتزوجين والمتزوجات ويرزق اللي ماتزوجوا..
الموضوع هو فستان العروس اول شيء من ناحية التكلفة البااااااااااااااهضة والمبالغ فيها من اجل ان يقال فستان فلانة بذيك القيمة..
والأهم في موضوعي واللي اعتبره لب الموضوع هو ان الوحدة تشوفيها قبل لا تتزوج تلبس فساتين ساترة واذا جاء يوم زواجها لا حول ولا قوة الا بالله فستان بدون اكمام والصدر باين والظهر باين ويمكن البطن بعد..
والله العظيم اني انصدمت بناس كثير عرفتهم بحشمتهم فاللبس ويوم يجي زواجها لا اله الا الله ماكأنها ذيك لدرجة تحسي انه يحل يوم الزواج حتى اللي حرام..الحلال هو لبس الوحدة قدام زوجها بس قدام المحارم والنساء له حدود..
حتى صارت اللي فيوم زواجها تلبس فستان بكم او نص كم تعتبر ناقصة او ماعندها ذوق او متخلفة..
الله المستعان اذكر مرة كان عندنا زواج واشتريت فستان ووديتة لخياطة تسوي له اكمام فجابت لي كذا موديل لكن للأسف ما كأني سويت شئ يعني كأنة بدون كم فقلت لها لا ابغى غير هذي تدرون وش قالت ..
قالت مافية الا زي حق العجايز وبصراحة ماعرفت كيف ارد عليها !!يعني اللي تبغى الستر عجوز..
يابنات هو الزمن تغير والا احنا تغيرنا ليش صار الصح خطأ والخطأ صح ليش صار الستر عيب والتفسخ موضة..
اعرف ناس ملتزمين وان كنت ما اعرف وش الإلتزام عندهم تلقي البنت ما شاءالله تقرأ القرآن وتتهجد بالليل واذا قابلتيها بزواج الله المستعان..
مرة كنا بنروح زواج وكان ناس من اقاربي يتجهزون وكانت وحده من البنات معلقة فستانها بالصاله فجاء اخوها وشاف الفستان وكان حبال بدون اكمام فقامت واخذت الفستان بسرعه فانتبه اخوها للفستان وقال لأمها ليه البنات فساتينهم مشخلعة تدرون وش قالت الأم : ليتها قالت ياولدي انصحهم تراني ما قدرت فيهم لا قالت بناتي متسترات وهي حرمة كبيرة وتعرف كيف الستر..
آآآآآآآآآآآآآه يابنات ادري طولت لكن والله من حرقة بقلبي لا رحت زواج ودي انكر بس تنصحين مين وتخلين مين..أسأل ان يرزقنا على قد نيتنا وان يسترنا فوق الأرض وتحت الأرض ويوم العرض..
انتظر تفاعلكم يابنات اسأل الله ان يهدينا واياكم لطريق الحق والصواب..
وإن شاء الله نفيد ونستفيد..
يلزم عليك تسجيل الدخول أولًا لكتابة تعليق.
قمر الزمااان
•
رفع
ويبغون اجواءنا تتعدل
وين تتعدل والبشر ماتعدلو
لاحول ولاقوة الا بالله
اللهم استرنا فوق الارض وتحت الارض ويوم العرض
وين تتعدل والبشر ماتعدلو
لاحول ولاقوة الا بالله
اللهم استرنا فوق الارض وتحت الارض ويوم العرض
الصفحة الأخيرة