تجربتي ببروكيرالخبر للمرة الثانيه قيصري مع دكتورة رنا وبالصور

الحمل والإنجاب

الحمدالله يارب والشكر لله الي من علي بشوفة بنتي ورجعتي للبيت بالسلامه
تجربتي لاتقل عن تجربتي الاولى مع دكتورة رنا بمستشفى بروكير بالعكس كانت إنسانه رااااائعه بمعنى الكلمه والفريق الطبي الي رافقني داخل العمليات وبالافاقه 
اول شي كان عندي امل وعند رنا امل اكثر مني بالطبيعي وكان ودها تولدني طبيعي بس سبحان الله الظروف والي ربي كاتبه لي يمكن خيرة لي ان اولد قيصري والخيرة فيما اختارة الله
كل مارحت سويت سونار من الثالث والبييي بالعرض وكنت حاسه ان مابيتعدل الوضع نفس ولدي وصارت بنوتي تكبر وهي بالعرض ومرت الايام سبحان الله من الوحم للشهور الوسطى والأخيرة وانا ثقيله بشكل وغير التعب حتى كنت اقول لزوجي فيني ولد نفس وحامي وثقلي بولدي
ولما رحت لها اخريومين بالثامن سوت لي التراساوند قالت يافجورة البيبي تمام والنبض وكل شي أوكي اللهم ان بالعرض وطويل قالت ان شاءالله يكون بالتاسع قلب وتعدل وضعه وقلت أوكي قالت روحي سوي تحليل دم لان اخر مرة كانت برمضان وسويت التحليل وقالت تعالي اخريوم دوام قبل العيد يصادف الخميس وأكون دخلت التاسع قلت أوكي وبما اني كانت ناقصه علي أغراض ماريحت نفسي من جيت لاهلي وانا اكمل لولدي الناقص أخاف اولد وماخلصت اغراضه
واغراضي
الي باقيه وأجهد نفسي عشان مااولد قبل مااخلص اغراضنا ومشي كرفت نفسي ورحت موعدي وكانت البيبي ماتحركت قبلها بيوم
وأقول لرنا قالت اطلعي فوق لتخطيط
بقسم الولاده واطلع قلبي بيدي من الخوف وتعالو اسمعو التخطيط نبضاتها سريعه بشكل يخوف وخفت ويحاولون فيني استرخي عشان يتاكدون اكثر هو مني ولا منها لان بعد انا نبضاتي سريعه وتهدي فيني ممرضه تهبل عسوله هنديه اظن ونص ساعه وجتني الدكتورة ربيعه قالت فجورة عندك طلق والبيبي كويس وكانت نبضاتك هي الي مأثرة عليه وقالت رنا تقول تعالي ثاني العيد عيدي التخطيط والبس وانزل العيادة قالت رنا فجورة في طلق بسيط اذا زاد او شفتي دم او ماي على طول عالطوارئ حتى لو البيبي ماتحرك تعالي تطمني قلت أوكي قالت عشان نتدارك الامر والبيبي بالعرض بنعطي فرصه اكبر للطبيعي ان يتعدل لآخر لحظه قلت أوكي 
واشد رحالي للبيت وامسك ارضي
ماتحركت اختي تقول قومي معي هالمحل قلت لالا ابي أعيد واصمد اسبوع بعدين وأروح ثاني العيد طبعا نفسيه عدم وقل نوم واطلع الخبر والساعه ثمان على طلب رنا كنت متواجدة وطلعت فوق أعطيتهم الورقه وكان في دكتورة يمنى علي وشك ينتهي دوامها
وتنشب لي لازم تدفعين150 دخول الطوارى قلت انا جايه بامر من دكتورتي قالت لا وأروح ادفع وأقول لها ابي اكلم رنا قالت لا مايصير نشوف اول اذا في طلق ومن هالكلام قلت ياادميه انا عندي قيصريه سابقه ورنا عارفه وضعي قلت ليش الحين انتي تقولين احتمال قيصري قلت لان البيبي بالعرض قالت لا ينقلب مع الطلق انا قفلت خلاص وادخل اسوي تخطيط واحطها برأسي لان كل هالنقاش مافتحت ملفي ولاتعرف شي عن حالتي وتطلب من اختي تدفع200 قيمه التخطيط واختي دفعتها وسويت التخطيط وبعد ربع ساعه جتني الدكتورة فايزة طبعا وااااضح ان شافت الملف قالت الطلق نفس الشي او اقل يكون بشي بسيط والبيبي نبضه ممتاز وربع ساعه واطلعي بس اذا شفتي دم او ماي او زاد الألم تعالي لاتاخرين لان عندك قبل قيصريه لازم نراقب من اول شي خوفا عليك وعالبيبي
واطلع وانا مقفله معي
واجي السبت عندي موعد تحاليل طبعا من ثاني العيد للسبت وانا مافي نوم من الوسوسه والخوف وشوي احس بمغص وطقني ام الركب ومن هالكلام لين موعدي جيت قبل الموعد بفترة عشان اروح اشتكي علئ يمنى<<< ماعندها وقت مانست شي هههه
وأروح وادخل عالمدير الطبي واقوله وعطاني اسمها وكل شي وخذ رقم ملفي واسمي ونزلت ورحت لرنا وعطتني تحاليل وسوت سونار قالت البيبي بالعرض تبين تقابلين طبيب التخدير احتياط عشان لاجيتي قلت اي وأروح قسم التخدير وادخل على عهد انسان قمه بالأخلاق والأدب والاحترام واهم شي عندة نفسيه المريض وان يكون مرتاح وأعطاني الفرق بين النصفي والكلي وقلت نصفي قال يعتمد عالتحاليل
واطلع من عندة واسوي تحاليلي ويدفعوني650 طبعا الي بالاستقبال ناس مو ذوق بس ماعليكم أعجبكم واحتفظ بالفواتير واخلص تحاليلي وأروح للمحاسبه واشرح له وضعي كااااامل قال انتي دافعه خلاص ماياخذون قلت باقي اذا بيصير قيصري قال هذا اذا صار قبل الخروج تدفعينه مافي اي مشكله
واحس واطلع للبيت واحس بمغص واتصل عليهم قالت رنا راح أحط ملفك بالدخول وتعالي بكرا الصبح تنويم لان عندك العمليه انتي تشتكين منها خل نشوف تخطيط البيبي ونتابعك
واجيهم الصبح وأسجل دخول وادفع فلوس كنت حاسه ان قيصري وخصمو لي المبلغ الي دفعته للمختبر والطوارئ بس الاخت الي بالدخول ماسجلت اني دفعت شي كانت نفسيتها الله بالخير وكان الغرف زحمه وعطوني بالخامس وضاق صدري وراح زوجي كلمهم اني انزل للثالث قالو ابشر تفضئ غرفه ونزلها للثالث الظهر ويحطون تخطيط وأشوف رنا طلعت لزوجي وقالت بعدها فجورة لازم قيصري الطلق زاد والبيبي تعب وانزل للعمليات وكان باستقبالي دكتورة رنا والابتسامه والاخلاق الي تريح المريض ودكتورة عائدة للتخدير وانا شفت عائدة خلاص ضاق صدري ماابغاها واسأل عن عهد قالت رنا لاتخافين راح يكون موجود مع عائدة ودخلوني العمليات وانا أطالع زوجي والعبرة تخنقي واسمع الي يصرخون يولدون وادعي لهم ويجي دكتور عهد ويضحك ويهدي فيني وعائدة نفس الشي قلت لهم برد موقادرة قال عهد قصرو عالتكيف ورنا تسألني عن نفسيتي قلت عدم خلاص تعبت قال دقايق وبنرتاح وتجي مع دكتور عهد يقولون لي لاتخافين عائدة مررة رائعه ويدها خفيفه وبتعطيك بنج لبناني << ياحليلهم يخففون علي
وانا كنت متكلمه مع رنا عن المغذي ان يدي العروق صعبه وكذا وقلت لعهد قالو لاتخافين مابنركب لك شي غير بالعمليه وبابر صغيرة ماتاثر فيك وتركب لي عائدة المغذي قبل التخدير وبعدها قعدتني وعهد ورنا ماسكيني من الكتف ويقولون لي هم وعائدة لاتخافين مابنسوي شي غير لما تقولك قبلها وعقمت ظهري وانا بموووت من برودة المعقم وبعدها اعطتني إبرة تقول بنج موضعي وحسيت بشكه وقعدت شوي وحسيت بلسعه زي النار واقول لهم احس بلسعه قالو اي هلا بنعطي المخدر ومابتحسي بشي اثاريهم عطوني التخدير بس ماكانو يبون يخوفوني لان كنت حيييل خايفه وانتفض اكثر من بولدي وبس تخدرت قالت رنا بركب القسطرة وانا في بالي ان ماتخدرت توي من الخرعه قلت رنا لالا انتظري ماتخدرت قالت لا بس بعقم وامسح مابركبها لين تقولين لي تخدرت وطبعا قبل مايكشفوني طلع دكتور عهد مابقى غير رنا ومساعداتها ودكتورة التخدير ومساعدتها مصريه مررررة حبوبه هي وعائدة وعطتني الأكسجين وحسيت بكتمه قلت مااقدر ماابيه انكتمت وشالته قلت احس برجع وبديت كأني احس الدنيا تلف شافتني عائدة  وأشوفها شغاله بالإبر بالمغذي فوق وبابرة المغذي لان الضغط هبط عندي ولازم ترفعه ويكون اسباب الهبوط الضغط نومتي عالظهر وضغط البيبي عالاوعيه الدمويه والتخدير النصفي وفعلا بس يرتفع الضغط احس براحه وتمسح على جبهتي وتسمي علي وتهديني هي والمصريه انا بعالم قالت تبين مهدئ قلت لا ورنا تسولف وانا احسبها تنطرني اقول لها خلاص تخدرت شوي الا اشوف دكتورة التخدير تطل على رنا وتقولي هذا البيبي طلع وانا بس قالت كذا كنت كل ماصحصحت دعيت واحمدالله واستغفرة ولا هبط الضغط خلاص وبس قالت جبتي بنوته وانا قعدت أصيح تلقائي وهي عائدة كانت فترة العمليه تطلع لزوجي تطمنه وترجع وبس جابو البنت اشوفها طبعا سمعت بكيه بسيطه وقلبي قرصني قلت أكيد فيها شي وبس جابوها اشوفها وبسرعه طلعوها واسمع بكي طفل وتكمل رنا وتخلص خياط وتبارك لي هي والتخدير والممرضات وتطلع وبعدها جابو سريرهم عشان ينقلوني للافاقه وانا بممر الولاده هبط الضغط عندي وقعدت ارجع الله يعزكم وهم طيران عالافاقه ومانعين زوجي يدخل لان افاقه العمليات الكبرى مو بقسم الولادة
واقعدفيها ساعه ونص طبعا ميته برد وحطو ي بطانيات حارة وغير الهوا الحار وبدء البنج يفك مني واحس بزي الحرارة بطني وبدايه الم  وأقول للممرضه الي عند راسي بالافاقه احس بالم وتحط لي جرعه مسكن بالمغذي وارتاح واغفي شوي وطبعا دكتورة عائدة وعهد طول الساعه والنصف وهم رايحين راجعين عندي يتطمنون لين بديت احرك رجلي ودفيت طلعوني من الافاقه للدور الثالث مباشرة وبس دخلت الغرفه طبعا موعارفه ان بالدور الثالث ودوني انبسطت لما قالت لي الممرضه انتي بالدور الثالث خخخ
طبعا استقبلتني فلبينيه وسوريه عسوله مرررة 
وكانت تساعدني بكل شي وأسلوبها مرة حلو بس انا كنت اتالم من العمليه قالت بس انقلك للسرير راح اعطيك تحميله فولتارين مسكنه وبس نقلتني غيرت لي الملابس والكوتكس ربي يرحمنا برحمته واعطتني التحميله وكانت جدا حريصه ان زوجي مايشوف شي حاطه ستارة لان في ممرضات شرق اسيا عادي مايهتمون
وخلتني فلات وزوجي عندي وقعد عندي شوي وانا انام واقعد انام واقعد من تأثير البنج والمسكنات وبعدها جتني ممرضه فلبينيه تبي تعطيني إبرة عشان التجلطات ورفضت وجتني بعدها سودانيه اكتشفت انها اخصائيه بس تدور عالمرضى بحال انشغال الطبيبه الي تولدك وأسلوبها ماعجبني انا تعبانه وهي كل شي اجباري اقول لها لا تقول مو بكيفك هههه مدري بكيف من قالت توقعين ورقه قلت اي وقعت برفضي  وطلعت طبعا تبي امشي الساعه10 ونص بعد12 ساعه من العمليه قلت لا بعد24 ساعه قالت لا
وطلعت ودخل زوجي وأعلمه قال ماعليك منها عقب مااطلع طفي الاضاءه ونامي ولاتعطينها اهتمام وتدخل علي دكتورة فايزة مررررة عسل وذوق واخلاق صراحه وتكلمني باسلوب زي العسل وتقولي لازم تمشين والقسطرة لازم نشيلها عشان ماتسبب التهابات ومن هالكلام قالت ولازم تمشين عشان الدم يتحرك وترجعين مثل قبل وأحسن قلت طيب مو الحين لما يروح زوجي هههه طبعا السودانيه تقولي ليش رافضه جلطات ومدري ايش قلت اذا ربي كاتب مايردة شي قالت لا قلت ماابغى بس كيفي خخخخخخ
وبس طلع زوجي جتني هنديه ممرضه مرة حنونه وتفك القسطرة ماحسيت بالالم نفس يوم ولدي لان علمتني ان وهي تسحبها أخذ نفس عشان مااحس بالالم والحمدالله وطبعا كل شوي داخلين طالعين عشان المغذي والمضادات والعلاج الي عن طريق المغذي لحد11 الصبح ثاني يوم
طبعا الساعه5 موعد قياس الضغط والحراره هههه يوميا الفجر واول ماقعدت حاولت أتحرك لحالي اقعد بس كان صعب شوي علي وطلبتهم يساعدوني وجتني فلبينيه عجوز وساعدتني بس كنت كثر مااقدر بحاول أساعد نفسي بدونهم وكل يوم تدخل علي اخصائيه تفحص غير رنا يوم واحد مامرت علي لان عندها عمليات
وطول اليوم لازم يشيكون عالضغط والحرارة
غير ان لو اطق جرس برغم الزحمه الي جيتهم فيها الا ان طيراااان يجون والبيبي بس اطلبه يجيبونه عدا اول يوم رفضو يجيبونها لان كانت تعبانه شاربه ماي والنفس  سريع وكانت تحت الملاحظه لحد ماكلمت دكتورها دكتور عبسي لان موعارفه وش فيها بالضبط زوجي ماقالي ولا الممرضات وكلمت عالعيادة 
قال تطمني مافيها شي قلت ليش رافضين يطلعونها لي قال انا خمس دقايق واجي وفعلا خمس دقايق ودخل عندي وطمني عليها وقال أجيبها لك الحين
وعشر دقايق الا البنوته عندي وبعدها لما اطلبها يجيبونها لي وياخذونها ومرررة حرص عالبيبي
وقت الخروج
سلموها لي بالسيارة وأبوها بس وقع اوراقها
ومايدخل الحضانه الا انا او أبوها
دخل اخوي قال انا أبوها وتشوفه وحدة تعرف زوجي من الممرضات قالت اطلع انت مو أبوها انا اعرف أبوها خخخ
طبعا صورت لكم الوجبات 
واشكر من كل قلبي خواتي بالتجمع مستشفيات الشرقيه من غير استثناء على دعواتهم لي وزيارتهم كنت مبسوووووطه بشوفتهم
حيل وترا غلاوي وفت بوعدها معي هالمرة هههههه فديتها وفديت كل خواتي الي زاروني وبنت عمي ام راشد
وعسى ربي يهون عليكم ويرزق كل محرومه ولا يحرمها هاللحظه
انا بالنسبه لي اجراءات الخروج ماطولت برغم ان الحريم الي بالاستقبال مايتعاونون
تقيمي له نفس تجربتي بولدي اللهم اول يوم كانو الممرضات حيل مضغوطات لان الولادات زحمه والتنويم مزحوم مدري وش يلحقون عليه
طبعا جتني حقت الشكاوئ وقلت لها عن ممرضه كانت تخبط بالمغذي وانا عروقي صعبه لدرجه انهم ركبوه لي بالعمليات بس لو ربي كتب أعيد تجربتي فيه لان التساهيل من عند الله والحمدالله يارب على كل حال والحمدالله الي قر عيني بشوفه بنوتي ولدي 
هاذي تجربتي الثانيه ببروكير الخبر وفرق بينها وبين الاولئ سنتين وشهر ونص واي استفسار انا حاضرة ولايردكم غير الكيبورد يالغاليات
واختنا غلاوي راح تنزل الصور بنفس موضوعي بإذن الله 
ونسيت اقولكم ان الخياط تجميلي
وه بس تعبت من الصبح كل مافضيت كتبت شوي هههه 
وانا طالعه كتبت لي رنا حديد حبتين باليوم لان الدم ثاني يوم العمليه نزل لتسعه يارب لطفك ورحمتك وكالسيوم وملين للبطن وطبيب الاطفال اعطئ بنوتي فيتامين د 
طبعا من عيون غلاوي مافي جونسون ياويلك ياغلاوي كله منك قطعوة من السوق بكبرة
وطبعا غيرت حليب بنتي كانو يعطونها سيميلاك خذت ابتاميل لان متوفر عندي بالكويت ومااحب سيميلاك ثقيل حيل عالطفل
ويوم الثلاثا موعد لبنوتي مع دكتورها وبخرم اذنها
طبعا انا دخلت الاحد والمفروض الخميس اطلع بس ربي كتب وطلعت الأربعاء قلت رنا اذا وضعي يسمح بطلع قالت ليش مليتي مننا قلت خلاص الحمدالله
طبعا بالغرفه موفر فيها كل شي من كوتكس وكلوتات ومنشفه شعر وروب الحمام والشبشب الله يعزكم والي تجي بلاستيك ازرق وفيها قطن تنفرش عالسرير تحت المريض والشراشف تتغير وقت ماتبين والملابس اطلبي اي وقت عادي وبالحمام عزكم الله اعطوني كرتون وداخله حقيبه فيها مشط وفرشه أسنان ومعجون وشامبو وشاورجل وأتوقع فيها صابونه اذا ماخاب ظني ومنشفه للوجه
طبعا بين الوجبات في سناك خفيف وغير كذا كنت اطلب ماي حار يجيبون لي ترمس نص لتر الماني ماي حار مع أكواب والسكر

رحت لموعدي بعد اسبوع والحمدالله يارب كل شي تمام وبنتي الحمدالله بس باقي لين تكمل شهر عشان ينظف صدرها عدل وخرمت اذنها والحمدالله يارب الي أتم علي حملي ولادتي وقرعيني بشوفة بنتي ولدي عقب ماقعدت بالسلامه يارب لك الحمد والشكر والله لايحرم كل وحدة تمنئ هاللحظه ويسهل ولادة كل حامل
86
11K

يلزم عليك تسجيل الدخول أولًا لكتابة تعليق.

تسجيل دخول

غلاوي22
غلاوي22
الحمدلله على السلامه فجوووووووووره ومبروك ماجاك والحمدلله وفيت بوعدي

والا كان شهرتي فيني :35:



الحين بنزل الصور





هذا المنظر اللي تطل عليه الغرفه






















هذي بلونات رهوووووووفه فديت قلبها:26:























هذي صور الوجبات وكلها من اختيار فجوره بحسب المنيو اللي يتقدم بكل يوم























انتهينا ....والف مبرووووووك مره ثانيه للغاليه فجوره

ونشوفك السنه الجايه<<<< براااااااااااااااااااا
ليمون ابو زهير
الف سلامة لك حبيبتي والله يحفظ لك بنتك وولدك دعواتك لي بالولادة السهلة وربي يفرح قلبي بضمة جنيني
جوود الخير2011
جوود الخير2011
الحمدلله على السلامه
و****الله اسبوع واجي ابشركم اني قمت بالسلامه
غلاوي22
غلاوي22
رجعت لكم :39:

في كم صور نسيت انزلها لكم















هذي صورة لبس العمليات اللي لبسته فجوووره






























وهذي الشنطه اللي فيها الشامبو ومعجون الاسنان والفرشه مع انهم ما اعطوني مثلها

بس فجر اعطوها<<<افتكينا من جونسون بتحط عينها على الشنطه:35:



















وهذا منيو الاكل اللي تختارين منه وطبعا كل يوم تتغيير الاكلات اللي فيه












وهذي صورة فطور نسينا مانحطها مع باقي الوجبات فوق



























هالمره من جد خلصنا على فكره فجر اسحب كلامي اللي فووووق

نشوفك بعد سنه ونص ...خخخخخخخخ<<<يعني طولتيها الحين
ليمون ابو زهير
معليش حبيبتي سؤال هل ابرة الظهر مؤلمة وجابت لك صداع؟؟؟
ومكانها تحسي زي حفرة اسفة بس ودي اعرف كثر ما سمعت