استعنت بالله وحده وطلعت قرينتي بنفسي وحملت ولله الحمد

السلام عليكم اخواتي ان شالله كلكن هالسنة امهات يااااااااااااااااااااااااااارب دعوة من الكن بظهر الغيب قولوا اميييييييين
انا بكتب هذا الموضوع لحتى اساعد كل واحدة معها قرينة او فيها عين او حسد تستعين بالله وحده وما تروح لشيوخ ولا ممرخات والله العلاج بين ايدينا ونحنا مادريانين بنثق بالشيوخ اكتر مابنثق بحالنا مع ان الافضل ان كل واحدة ترقي نفسها بنفسها وتقرا على حالها وتنفث على جسمها بريقها اللي قريت فيه اسمعوا شو عملت انا:
انا بشهر محرم 1429 كانون تاني(يناير) 2008 كنت حامل بالشهر السادس وكل شي ماشي طبيعي وكنت ارقي حالي كل ليلة قبل مانام بس الله يسامحني يوم وصلت السادس تكاسلت وبطلت ارقي حالي بس كنت مواظبة على الاستغفار طبعا وفي يوم من الايام شفت بمنامي واحدة اثيوبية او زنجية يعني سودا وشعرها مجعد اشعث قالتلي فرجيني بطنك قلتلها لا قامت ضربتني ضربة قوية على بطني وخلص الحلم بعدها بكام يوم انفجرت مية الراس ولما وصلت للمستشفى كان نقص الاوكسجين وتوفى ابني واحتسبته عند الله تعالى في يوم 17 يناير 2008 وانتبهوا منيح للتاريخ
ضليت مواظبة على الاستغفار وفي شهر ايار (مايو) 2008 شفت رؤيا شيخ بيتوضا وقاللي حتحملي بعد اسبوعين ببنت نطرت اسبوعين مافي شي شهرين مافي شي قلت لحالي يمكن سنتين يعني اذا هيك بحمل بمشيئة الله ب 2010 يعني 1431 هجري بس كنت كل يوم الصبح بعد مايروح جوزي للشغل وارجع انا انام اشوف الساعة 8 بالظبط كأنو حدا بيقولي اشلحي تيابك وكأني صاحية وفعلا بلاقي حالي بشلح شوي شوي وقبل ما اشلح كل تيابي اصحى الاقي حالي لابسة كل تيابي ومغطاية وكنت نايمة مش صاحية كل يوم على هالحال وبنفس الوقت ويوم اجازة جوزي ما شوف شي خااااااااااااااالص يعني بس يجيني وانا نايمة لوحدي
قررت اخواتي اقرا سورة البقرة والرقية الشرعية يوميا وبلشت بكل عزيمة واليوم اللي ما كنت اقرأهم لاي ظروف كنت بحطن على الاي بود واسمعن كاملين لحد ما في يوم من الايام راح جوزي على الشغل وفتت لانام واجت الساعة 8 (والله على ما اقول شهيد) سمعت نفس الصوت يقولي اشلحي تيابك الا وانا ارد عليه لالالالالالالالالالا اشهد الا اله الا الله وارفع اصبع الشهادة واقرا اية الكرسي الا والاقي واحدة بتطلع مني (يعني انا نايمة وكأنه روحي طلعت بس طبعا مش روحي) لابسة نفس بيجامتي وبتشبهني تماما وحاطة ايدها على بطنها ومشيت لحد ما خرجت من الاوضة وانا قمت عمردد الشهادة
ومن يومها ما عدت اسمع حدا يقولي اشلحي تيابك بس كنت كل فترة اشوف منام ان حدا بيطلب مني اطلع جن من بيته او اشوف ان في عفريت في مكان معين واقرا عليه يختفي او يحترق ضليت على سورة البقرة والاستغفار والاذكار وافي شهر سبتمبر ايلول 2009 شوال 1430 استخرت وعملت عملية حقن مجهري ما اراد الله لها النجاح وقبل نتيجتها شفت منام كأني كنت راكبة قطار ورايحة لمكان وتعطل القطار ونزلت ركبت غيرو وخمنت ان التذكرة وقت مني وما حقدر اركب التاني وفجأة لاقيت التذكرة بإيدي وركبت وقعدت ادامي طفلة سألتها عن اسمها قالتلي اية الله يجعل لكي اية وفقت من النوم اكيدة ان هالعملية ما حتنجح وسوف اكررها مرة تانية وفي المرة التانية الله حيجعل لي اية متل ما جعل لزكريا عليه السلام اية وفي يوم من الايام كنت انتظر جوزي بالسيارة ورأيت شابا يمشي حد السيارة والتقط شيئا من الارض وجاء ليسألني هل ال 100 دولار هيدي الك (لاني رأيته طبعا سألني) قلتله لا واخذها وراح ولما رجع جوزي حكيتله قال سبحان الله كل شي نصيب كانت حدك اكتر من نص ساعة واجا واحد اخدها انتي اصلا نحس :39: عميمزح طبعا - مافي مرة تلاقي شي محرز بالطريق قلتلو طيب بالعند فيك ان شالله حلاقي وان شالله اذا لاقيت شي قبل العملية محرز وغالي بيكون اشارة من الله تعالى ان العملية حتنجح ان شاء الله قاللي يا مسهل يارب تلاقي وهو عميسخر مني

وفي شهر ديسمبر 2009 محرم 1431 كنت استعد للعملية التانية اثنائها كنت اخد مية مع سدر انا قارية عليهن الرقية الشرعية بنفسي واشرب فيه الدواء وادهن بطني بزيت زيتون الشيخ عطاني اياه منقوع فيه ورقة مكتوب فيها الرقية بالمداد الطاهر مسك وزعفران وماء ورد يوميا واواظب على الاذكار واحط كل ماتيسر لي صدقة بالحصالة على نية نجاح العملية واتصدق كمان كل ما تيسرلي وقبل العملية بيومين كان في عواصف شديدة وتلوج وشتا وقطتي جوعانة وخلصت اكلاتها ومابدا تاكل حليب وكعك وانا لحالي وبعد بكير لييجي جوزي قلتلها كرمال لعيونك وصدقة على نية نجاح العملية حألبس كل تيابي وانزل اشتريلك الاكل ونزلت للسوبر ماركت القريب من البيت لقيتن بيعملوا جرد ومسكرين اضطريت اطلع عالمفرق في سوبر ماركت تاني فتت لجوة ودوغري اخدت الاكل وقلت خليني جيب شوكولا وبونبون اتسلى فيهن ورحت لمحل هالاشيا شو بلاقي عالاستاند ؟؟؟؟؟؟؟؟؟
تليفون بلاك بيري في جراب مطاط فوشيا اطلعت يمين وشمال مالاقيت حدا بالممر كله خفت امد ايدي عليه مشيت بعدين قلت لحالي حرام بكون حدا نسيه واذا اخدو حدا غيري يمكن يكب الكارت وياخدو احسن شي ارجع اخدو وسلمو لمدير السوبر ماركت ورجعت اخدته فعلا وسلمته للمدير ورجعت عالبيت وعشية خبرت جوزي بالقصة رد قاللي مانتي قلتي اذا لاقيتي شي محرز بتكون اشارة الك من الله تعالى بنجاح العملية ووقتها اتذكرت قلت صحيييييييييييح سبحان الله مع ان الشي اللي لاقيته ما اخدتو لالي بس المهم اني لاقيت شي غالي يعني الله بعتلي العلامة وبنفس الوقت اخدت حسنة كبيرة لما رجعته لمدير التعاونية لحتى يتصل بصاحبه

في يوم 1 يناير 2010 عملت السحب وفي يوم 4 يناير 2010 عملت الترجيع وفي يوم 17 يناير محرم 1431(الذكرى السنوية التانية لابني الله يرحمه) كان موعد تحليل الدم وماكنتش مفاجأة لما طلع موجب الحمدلله رب العالمين لاني طبعا اتبشرت بالحمل الله تعالى فرجاني اية بالمنام واية بالواقع سبحان الله
وبعد كام يوم حلمت اني شفت واحدة بتشبهني تمام في زجاج البلكون يعني انا واقفة بالصالون وهي واقفة وراية وادامي زجاج البلكون مسكر وهي باينة بازجاج ومش باينة بالواقع فقلتلها بكل ثقة بعرف ان انتي قرينتي وما قادرة تمسكيني ولا تباني ادامي انا مش خايفة منك لاني استعنت بالله عليكي وانتهى المنام
رحت بعدها المستشفى اعمل الفحوصات طلع معي تكسوبلازما قديمة وطلع معي خمول بالغدة الدرقية والغريب ان هيدي الفحوصات مابينت بالحمل السابق يعني كانت سالبة بالنسبة للتكسوبلازما وقطتي واخدة طعم التكسوبلازما من يوم اللي خلقت وما بتاكل لحمة نية ما بتاكل غير دراي فود بسسسسسسسسسسس والغدة كنت عملة الفحص قبل العملية وكان طبيعي وبعد الحمل بكام اسبوع ضعفت الغدة مع العلم ان شي اساسي مع ضعف الغدة الدرقية يكون ارتفاع الكوليسترول وارتفاع هرمونات الغدة النخامية وانا ما فيني ارتفاع بالكوليسترول ولا بالغدة النخامية مما دعى دكتورتي للاستغراب من حالتي بس انا عرفت بيني وبين حالي ان هيدا بفعل القرينة وعلي المواظبة على العلاج بالقرآن والرقية والاذكار وهلا باخد عسل اصلي مع كوب ماء على الريق وعليا الاستعانة بالله كما اخبرت القرينة بالمنام وعدم الاعتماد على الدوا وبس
انا عرفت تفسير هالحالة من نفسي وهو ان القرينة او التابعة مش بتضرب الام على بطنها او مجرد ان تظهر بالمنام على شكل وحش او قط او تعبان او امرأة بتموت الجنين هيدا معناه ان الشيطان نكز نكزة بالدم فغير شي او عمل عدوى لاننا كلنا عارفين ان الشيطان يجري في ابن ادم مجرى الدم وفي حديث شريف صحيح عن الرسول صل الله عليه وسلم(اكثر مايموت من امتي بالطعن والطاعون قالوا هذا الطعن فما الطاعون قال وخز اعدائكم من الجن ) والقرينة هي جن من نسل ابليس ووظيفته متل وظيفة ابليس وخز بني ادم بس القرينة وظيفتها الارحام والاجنة يعني معنى ان واحدة فيها قرينة ان في شي صاير بجسمها يمنع الحمل ظهر بعد الزواج او في شي صار بدمها او رحمها اثناء الحمل فجأة سبب وفاة الجنين او عدم اكتمال الحمل
الخلاصة حبيباتي كل واحدة اتأكدت من ان تأخر حملها او اجهاضها بسبب القرينة تستعين بالله وتبذل الاسباب وتصبر ما تقول استغفرت وقريت ورقيت شهر وما مشي الحال انا مثال لالكن سنتين عمبقرا لا مليت ولا كليت وصبرت وعقدت العزم وكان اختبار رب العالمين الي يوم فشلت العملية الاولى حتى افقد ثقتي بنفسي وبسورة البقرة وبالصدقة بس ما فقدها صحيح الشيطان سرب لنفسي شوية يأس وجزع بس دوغري استعدت ثقتي واستغفرت وقريت اكتر واستغفرت اكتر واكتر
ملحوظة مهمة الاستغفار يكون بلا نية معينة يعني ما تقولي بستغفر على نية الحمل وكمان سورة البقرة بلا نية معين اقريها فقط للعلاج من العين او السحر او القرينة ولاخذ البركة فقط الصدقة على نية الحمل او اي نية
والان اخواتي اللي عندها اي استفسار انا حاضرة ودعواتي الكن بالحمل الثابت القريب والله يبعد عنا جميعا همزات الشيطان واذى الشيطان ويعنا على ذكره وشكره وحسن عبادت
استودعكم الله