سمايلي فيس @smayly_fys
محررة فضية
إلى محبات البرونزاج و التسدح على الشاطئ واللون البرونزي كيف أرجع لون جسمي مثل أول؟؟
السلام عليكم ورحمة الله وبركاته وكل عام وانتم بخير مقدما حبيباتي بسألكن يالغاليات انا الاسبوع اللي فات رحت مع صديقاتي شاطئ نسائي داخل نادي السيدات وأول شي سبحنا في المسبح الداخلي وبعدها طلعنا على الشاطئ وطبعا مثل ماتعرفون ماشاء الله بأن شمسنا حارقة مو بس دافئة.. ووحدة من صديقاتي بيضاااا ماشاء الله عليها و تبي تاخذ لون برونزي وإلا تخليني أطلع معاها للشاطئ وقامت تتدهن بكريمات البرونز وتقنعني إني آخذ لون زيها و تقول لي صيري برونزي وصيري برونزي وقاعدة تقنعني وتحلف بأنه وربي بيطلع لون البرونز يجنن علي لأني فاتحة المهم من كثر ما لحت دخلتها في بالي وقمت أدهن معاها >>> مع الخيل ياشقرا :09: بعدها تسدحنا أحنا وكراعينا إلا ويمسك فيني اللون اكثر منها وقلت لها بسرعة خل ندخل داخل لأني بديت احس اني بحترق مو إلا بصير برونزية قالت لي طيب بعدها دخلنا وسبحنا وطلعنا بعدها لما رجعت البيت شفت المايوه كله طابع على جسمي :44: وواضح الفرق بين جسمي و طبعة المايوه :( بعدها اتصلت عليها وهزأتها وقلت لها قلت لك اني ما بروح الشاطي معاك ماسمعتي كلامي وهي تقول لي اسكتي يامجنونة وربي طالع عليك يجنن المهم قمت أحوس بالمنتديات إلا أدور على شي يرجع لون جسمي على ماكان عليه ما أبي برونزي :44: إلا وأشوف خلطة 2011 وهي خلطة أنل وشفت مدح البنات لها قلت هاي مو خلطة هاي أكيد سحر لأن بعض البنات الله يهديهم يبالغون شوي بأنهم أول ما استخدموها شافوا الفرق المهم أول أمس جبت كل المقادير >>> طبخة وخلطتهم وعلى طول استخدمتها ولما صحيت وتروشت شفت جسمي مثل ماهو :44: وأمس كان ثاني يوم استخدمتها ودهنت فيها وصحيت وتروشت ونفس الشي ما رجع لوني زي أول :( فهذا نداء لمحبات الشواطئ والبرونزي والتسدح على البحر إيش أسوي عشان أرجع لون جسمي زي ماكان أول؟؟ أرجوكم لا تبخلون علي وأريد اللي ترد ترد من واقع تجربة الله يعافيكم حبيباتي..
29
4K
يلزم عليك تسجيل الدخول أولًا لكتابة تعليق.
الصفحة الأخيرة