اذا بغيت زوجك يدلللللللللللك دللييييييييييه

:23::23::23::27::27::27::27:
أهلين ياحلوين ..........

قريت موضوع وحبيت اجيبه عشان تستفيدون منه الدولعات مدللات لانهن حساسات وعندهن أسلوب ومشاعر فايضه ويدللن بدون لايحسن ولا يقصدن لانهن متعودات على الدلع لكن اللي تبي تتعلم الدلع لازم بعد تتعلم التدليع عشان تدلع وعشان تتعلمين الدلع اتبعي الخطوات التاليه:

1) إذا كان زوجك موظف قبل لاتنامين تحضرين له ملابسه من القلم لحد الجزمه عشان إذا صحى مايجلس يحوس عليهم وتتخانقون على الصبح وينقص قدرك بقلبه مع هالمخانقات .

2) تصحين قبل موعد عمل زوجك بالقليل بنصف ساعه تحظرين له الحمام الله يكرمكم وتجهزين له الفطور اللي يحبه وتفتحين الفواحه والشباك ولا تنسين تغسلين وجهك وتفرشين أسنانك وتمشطين شعرك.

3) بعدين شوي شوي تجين تصحينه وسمي عليه قبل عشان لا ينز" يتخرع" وأنت تصحينه أضيفي بعض الكلمات من فمك الحلو أما إذا كان مايحب يصحى إلا على الوقت حاولي تقنعينه وقولي له أنا أبغاك تروح مبكر عشان ماتسرع بالطريق أنا خايفه عليك وأبغى تطلع وأنا مطمنه......إلخ

4) إذا طلع من الحمام الله يكرمكم ساعديه في لبس ملابسه حتى الشراب والجزمه وخليه كنه طفل يتوه من دونك وبكذا بيتعود على الدلع ومن تدلع وجرب الدلع مايعيش من غيره عشان كذا لازم بيدلعك المهم حطيله كريم وعطر ومشطيله شعره وكل شيء يحتاجه.

5) لاجاء يفطر ألزمي الهدوء وأياكي بالبربره أو فتح موضوع يرفع الضغط لاتقولين غير لاتسرع وأنت بالطريق سق شوي شوي لا وصلت الدوام طمني ترى ماراح أنا إلا إذا تطمنت عليك وإياكي تنامين وتطنشين الرجال وإذا طول مادق دقي عليه وقوليله أنك قلقانه عليه وبكذا يحس بأهميته وأحساسه هذا نتايجه روعه .

6) قبل لا يجي من الدوام جهزي أكله وغيري ملابسك ألبسي بلوزه كت وبنطلون برمودا أو تنوره قصيره وحطي شوي ميك أب وصلحي شعرك وتعطري وأجلسي أنتظريه وإذا دخل لاتقعدين تقرقرين على راسه وقوليله بكل رمنسيه وحشتني عسى ما تعبت من الدوام الله يعطيك العافيه وروحي ساعديه بتغير ملابسه وحطيله غداه وإذا كان عنده سالفه تفاعلي معه وأياكي تقاطعينه ولا تبدين بالأوامر اليوم بسوي اليوم بروح اليوم ...........إلخ خلي الرجال يتغدى وينام وهو مروق كافي تعب الدوام عليه.

7) قبل لا يصحى العصر حظري له شيء خفيف يأكله وسكري التلفزيون إذا ماعنده مانع عشان يكون أهتمامه كله لك وروحي بعدها صحيه بنفس طريقة الصبح وأول ماتبدون تتقهون تكلمي بهدوء وأبدي بسوالف بسيطه وشوي شوي أطلبي اللي تبينه وبطريقه ناعمه مع أضافة كلمات حلوه وإذا رفض لا تمدين لسانك لا عادي أسكتي إذا عنده سبب مقنع الشكوى لله فوتي لكن إذا مافي سبب مقنع تحايلي عليه تدلعي أزعلي بس لا تنافخين يعني غيري نبرة صوتك وخلي نظرت عيونك حزينه وشيلي الأبتسامه عن وجهك وإذا سألك ز علانه قولي لا أزعل من نظر عيني كل شي منك حلو ولا قال أجل ليش زعلانه قول مو زعلانه بس كان ودي أسوي اللي أبي لكن عشانك بتحمل كل شيء بعدها بيغير رايه ويراضيك بعد ويسوي اللي تبينه .

8) غيري من روتين بيتك من فتر لفتره حوسي فيه دخلي قطع جديده شيلي قطع اهديله هديه في عيد ميلاده أو عيد زواجكم أو عيد الفطر والأضحى وحتفلي باهالمناسبه بسهره خاصه لك أنت وهو من تصميمك أو احتفلي من غير مناسبه لكسر الروتين .

9) أرسليله رساله من وقت للثاني خاصه إذا كان في الدوام أو إذا كان سهران عند أصحابه من باب التذكير بك وإذا ما عبرك دقي ولا تدقين تخانقين قولي طولت وحبيت أطمن عليك عساك مبسوط وحشتني وشوي شوي قولي ترى ماراح أنام إلا إذا جيت ما يجيني النوم إلا إذا تطمنت عليك وبيجي طيران وإذا جاء حتى لو تأخر بعد مكالمتك لا تزعلين قولي له نفس الكلام اللي قلتيه بالتلفون وزيدي تو ما أرتحت الحين أنام وأنا متطمنه كيف هان عليك تتركني ألحالي أنا أشتاقلك لا عاد تطول وهالكلام ولا راح يعيدها مره ثانيه.

10) إذا كان طالع وطول وأنت ماتدرين وينه لا تدقين وتبدين بسؤاله وينك وش تسوي مع مين أنت لا قولي حبيت أطمن عليك لأنك طولت وقلقت عليك ومن هالكلام وهو بنفسه بيقولك اللي تبينه , وإذا كان طالع لاتدقين كل شوي جب معك كذا شوي وتدقين جب كذاأكتبي طلباتك مره وحده لا تصيرين قلق.

11) أدري قرقرتي كثيره بس هذي أخر نقطه وأهم نقطه" أياكي تقومين بهذه الخطوات أول زواجك وإذا جو العيال نسيتي أبوهم " أعتبري أبوهم أصغر عيالك إذا تبينه يضل يدللك ولا يناظر غيرك على طول ولا أنا غلطانه؟؟ وخليكي في حياته كنك طيركناري ويبي يتعلق بك تعليقه مثل ماتعلق سيد بزيزي وريري ........... أتمنى يعجبكم موضوعي وسامحوني على هالبربره حريم ماننتهي