ياربي لك الحمد ( قصة ولادتي والأستخآرهـ )

السلام عليكم ورحمة الله

ياربي لك الحمد والشكر ولدت وانتهت معاناة الانتظار وصل البيبي بالسلامه .. طبعا انا كنت من رواد هذا القسم ولا زلت .. مع اني لي أسبوعين من ولدت ..
المهم انا صار معاي مفارقه عجيبه سبحان الله وكان للأستخارهـ دور كبير بعد الله ..

مابي اطول عليكم بالسالفه أنا من بداية حملي كنت خايفه من الولادهـ وشايله هم كبير منها وبصراحه كنت أفكر بالعمليه .. وبعد مادخلت التاسع كنت أستخير شبه يومي بين الطبيعي والعمليه لاني كنت ناويه ادخل مستشفى خاص واطلب العمليه ...


خلصت التاسع ولاحسيت بطلق ولاشي من هذا القبيل < يمديني ع الفصحى
رحت للدكتوري أراجع عنده بما اني انتهيت من التاسع واستلم ملف حملي عشان اروح المستشفى ..

طبعا الدكتور سألني ماحسيتي بطلق .. قلت لالالا
قال نسوي أشعه صوتيه ونشوف .. سوى الاأشعه وانصدم قال / تنزل عليك مويه ؟؟؟ قلت لالالا

قال وشلووون مويه الجنين مو موجوده ونبض الجنين ضعيف والرحم مسكر لازم عمليه اليوم
انا طارت عيوني وبديت أرجف < جاك يامهنا ماتمنى

حولني للطوارىء دخلت المستشفى المغرب وصلحو لي نفس الأجراءت والاشعه وطلع كلام الدكتور مضبوط وقالو لازم عمليه بأسرع وقت وخصوصا اني خلصت التاسع ونبض الجنين وحركته صارت ضعيفه

الساعه 9 ونص بدو يجهزوني للعمليه ودخلت العمليات 10 ونص
12 وانا طالعه من العمليات والحمدلله والشكر وصل محمد


وعقبال كل الحوامل يارب والله يسهل عليهم ويهون طلقهم وولادتهم ويرزق كل محرومه يااااارب


والحين لي اسبوعين من ولدت وتوي افضى اكتب قصتي .. وعندي ضيوف على وصول أترككم بحفظ الله ورعايته


:26: