كنا حوامل ..... و الحين

يا الله ان تحيي كل من جا عندي بموضعي
اذا تتذكرون يوم تجووني المره الي الفاتت ( اقصد بموضوع وش الفرق بين هنا و هناك) كنت ثقيله و طلبت لكم بيتزاء اما الحين تراكم معزومين عندي على ذبيحه .. عقيقه ولدي ...
و تعرفون الي عنده طبخ ذبايح ما تقدر تكثر السواليف و انا اصلا من زمان و انا ما احب كثر الكلام و مؤمنه بان خير الكلام ما قل و دل .. ( قولو ايه هين بس كل ها الهذر و ما احب كثر الكلام)

عموما موضوعي هذا عن مرحلة ما بعد الحمل .. يعني النفاس و خلافه .. فيه اسئله كثير دارت في بالي و انا بالاربعين و كنت اتمنى اني انشط من كذا كان كتبت الموضع اول ما ولدت علشان استقيد لكن ان شاء الله اني الحق الحين و البنات الباقين يستفيدون .. يمكن الي هذا اول طفل يتفاجئون بعد الولاده و يمكن كانو يتوقعون ان الوحده بعد الولاده تكون مرهقه بس بصفه عامه طيبه و يستغربون ان النفاس ما فيه اكثر من مشاكله يمكن اكثر من فتره الحمل ... انا ما اتكلم عن النفسيه و خلافه لااااااااااااااا هذا عادي لكن المشاكل الي ما تظهر الا بعد الولاده .. من التهابات او تورم صدر و مغص و اشياء ثانيه كثيره طبعا كل وحده و ظروفه .. بس كل هذا بسبب ضعف جسم الام و قل مناعته .. خلونا نتكلم عن بعض هذه المشاكل و نطلع حلول .. حلول تناسب غربتنا .. يعني حلول منطفيه مو انسدحي و انرتاحي و عليك الاكل الزين لاننا كلنا عارفين ان هذا من الخيال بنفاس الغربه .. انا راح اطرح بعض الاسئله و ياليت الكل يجاوبني و يضيف اسئله بعد ..

من الاشياء الي اتعبتي و اكيد انها تتعب كل الامهات هي الرضاعه .. و اللم الصدر .. انا عرفت معلومه بصراحه مفيده و هي كمادات الشاهي مره مريحه و تعالج التشققات الصدر .. يعني نفس كيس اللبتون تحطيه على صدر .. هذا معلومه ما عرفتها الا في نفاسي هذا ..

اسئلتي الي ما اعرف اجوبتها .. هي
اني اسمع كثير من المؤكولات ممنوعه على المراه الي بالنفاس .. مثل الجمبري و السمك و الباميه و المولوخيه .. و انا بصراحه ابتعدت عنها .. لكن من دون ما اعرف سبب منعها .. هل فيه احد يعرف ؟ و هل فيه انواع ثانيه من الاكل المفوض نبتعد عنه .. ؟
الشي الثاني ايش النصايح المفيده للتخلص من الكرش ما بعد الولاده باسرع و اامن طريقه ممكنه .. هل الربط هو الحل ؟؟ طيب الربط ايش افضل طريقه له .. لا توقولون لي الشماغ و خلافه لاني مهما اخرب يرقى فوق و كبر البطن نازل من بس فوق .. ايش الحل .. و برضه لا تقولون مشد .. لان المشد مثل الشماغ يرقى فوق و يضغط على البطن من فوق فقط .. و اذا قلتو المشد الي مثل البدي .. يتسكر من تحت .. هل هذا المشد ما يؤثر على الخياطه ؟

بصراحه عندي اسئله كثير بس ولدي صاح الحين .. ارجع و اكمل بعدين .. بس استني الاجوبه .. و مزيد من الاسئله .. لا تطنشوني .. و ترى الذبيحه على النار الي تجاوب تاكل .. غير كذا .. يفتح الله
و لا تقعدون تزيننون ترى عزيمتي مسموح فيها المغاتير ..

لا تصيفون .. هماه