اليوم أول يوم في رمضان الله يتقبل منا ومنكم صالح الأعمال حبيت بس أذكر بعض النقاط لتذكير :
1-الأفضل بعد صلاه الفجر الانتظار ثم أن تصلين صلاه الإشراق وبعدها صلاه الضحى .
2- لو بكل يوم تم قراءه جزءين من القران راح تختمون القران مرتين بالشهر .
3-قبل كل عمل أو طبخه التسميه وبعدها كثره الإستغفار والتسبيح وإحتساب أجر تفطير صائمين .
4-عندك أغراض لرمضان تكفيك وزياده ياليت نحس ببعض فتاخذين كرتون وتحطين بعض من أغراضكم كم علبه شوربه وطحين وخميره وسكر وفيمتو وعلبه عصير وكم دجاجه أو لحم وترسلينه لأحد المحتاجين أو إذا عندكم مدرسه قريبه ترسلينه لحراس المدارس لأن أغلبهم حالته الماديه صعبه وعندهم أولاد ,فبهذا الكرتون تكوني وسعتي على مسلم وأدخلتي الفرح والسرور بقلبه والصدقه أجرها عظيم ولكن يتضاعف في رمضان .
5-عدم الإكثار من الفطور ولو كثرتي لاترمين الطعام أحفظيه بالثلاجه ويسخن لليوم الي بعده ,أو يعطي للعمال أفضل من رميه .
6-بعض الأخوات للأسف تروح لصلاه التراويح وعباتها غير نظيفه وريحتها بصل وثوم وطبخ ,الغريب لو هي رايحه حفله أو لمقابله جاره أو صديقه تاخذ دش وتتنظف ,لكن ماتهتم عند مقابله رب العالمين وبعد تأذي المصليات بالرائحه ,الأفضل قبل ماتروحين للصلاه تروشي والبسي لبس نظيف وعبايه نظيفه مخصصه للمسجد ,أو خوذي معك شرشف للصلاه إذا كانت العباه طويله وفيها تراب .
7-بعض الأخوات تاخذ أطفالها الصغار وتزعج المصليات بحكم أنها بتصلي وتبي الأجر وماتدري أنها أذت الناس والصلاه لازم فيها روحانيه وهدوء لكن بإزعاج أولادها تضايق المصليات فالأفضل الي ماعندها أحد يشيل أولادها تصلي بالبيت وتريح الناس من الأذى .
8-ياليت وأنتي رايحه للمسجد تاخذين كرتون ماء مبرد أبو نص ريال أو على شكل أكواب وتخلينه بداخل المسجد يشربون منه المصليات خصوصا بالجو الحار وأجر سقيا الماء عظيم وتكلفه الكرتون ماتتجاوز 20 ريال .
9-البعض تتفنن بالطبخات والعزايم والبعض همها متابعه المسلسلات والبرامج وماتدري أن الناس بالنهايه ماراح ينفعونها إذا راح منها أجر الشهر نعم أطبخي لكن بالمعقول وأحرصي على وقت رمضان والعباده لتحصلي الحسنات ,والمسلسلات والبرامج كلها تنعاد بعد الشهر فلا تضيعون هذا الوقت الثمين لأنها مره بالسنه فقط .
10-عندك خصومه أو قطاعه مع صله رحم ترى شهر رمضان فرصه لصله الرحم فأجرها عظيم وبركتها كبيره .
11- لاتفوتون صلاه التراويح والقيام أبدا راح تندمون نهايه شهر رمضان على فوات الفرصه ,صلو لو في البيت فالأجر إن شاء الله واحد .
11- ياليت بوقت شغل المطبخ او لما ترتاحين بغرفتك تشغلين الرادو على إذاعه القران لتستمعي للقران وبعض البرامج الدينيه جدا مفيده فيها أحكام ومواعظ ونصائح .
12- الي عندها أطفال ياليت تشجعهم على الصيام وتبين لهم أهميته ,وتشجع الأطفال الكبار على تحفيظ أخوانهم الصغار السور الصغيره لينشئو نشئه إسلاميه ويعرفو فضل الشهر الكريم .
13- نصيحه صلي الصلاه بوقتها ولاتأخرينها عشان طبخه أو متابعه برنامج لانهم ماراح ينفعونك وأول مايحاسب العبد بالقبر عن صلاته.
14- حاولي المحافظه على أذكار الصباح والمساء .
15- ياليت كل صايمه تخلص فطورها قبل الاذان بنصف ساعه وتجهز السفره وبعدها تجلس بروحانيه وتتفرغ لللإستغفار والدعاء فللصائم دعوه لاترد وهذه اللحظات ثمينه فلنغتنمها.
وبعد هذي بعض الأفكار الي طرت في بالي ومعليش السموحه كتبت الموضوع بعجل وخلطت فصحى بعامي :biggrinlo سامحوني ,والي عندها نقاط مفيده ياليت تضيفها لنستفيد.
الحقيقه الساطعه @alhkykh_alsataah
كبيرة محررات
يلزم عليك تسجيل الدخول أولًا لكتابة تعليق.
الملكة ام عنترة
•
جزاك الله خير
كيدااهم :
في ميزان حسناتك الله يغفر لك و لي لا اله الا اللهفي ميزان حسناتك الله يغفر لك و لي لا اله الا الله
اميين أختي كيداهم والله يتقبل منا ومنك صالح الأعمال وشكرا على مرورك الكريم.
الصفحة الأخيرة