أنا ولدي عمره سنتين وعادي يوقف تحت الدش مثل الكبار وأحممه هو سالفة تعود يعني أولادي لما يكونوا بعمر سنه سنه ونص أدخلهم الحمام وانتم بكرامه ونتحمم سوى أخليه يشوفني وأنا تحت الدش وأشيله ونجلس تحت الدش سوى ونلعب في البانيو وأحط لي الشامبو وأغمض عيوني وأغسل وأحط له ويقلدني يغمض عيونه وأغسله ونفس الشي الجسم وضروري أحط العابه بالبانيو ونلعب فيها ولما أخلص البس روب الحمام وألبسه روبه وخلاص بس أقوله يلا نتحمم يجيني يركض صار وقت الحمام ممتع والحين اللي عمره سنتين ما أتحمم معه بس صار يعرف يوقف تحت الدش ويخليني أنظفه بدون مايزعجني وبعد ماأخلص اعبيله البانيو بشويه مويه نظيفه مع العابه وأخليه يلعب لين يشبع واطلعه .. يعني حركتي فادت إنهم ماصاروا يخافون من المويه والدش مثل بعض الأطفال

عادي اروش ولدي بالبانيو زيه زي الكبار صح حركته كثيره بس أكون معه ماأفك يدي منه وأعطيه فرصة يلعب بالماء أشوي لأن مايحب يتروش كذا

انا ولدي لما كان صغير احممه معاي وتعود
لما كبر احط كروانه تحت المويه الي من الاسف مو الدش لانه يخاف منه
وماشا الله عليه يحب وقت الاستحمام ويستمتع
مع الصابون والفقعات
احممه على السريع بعده اديه خمس دقايق يلعب بالمويه ويستمتع
وبالعافيه يخرج
ذلحين صار عمره فوف الثلاث سنوات وتركت الالعاب
قبل كنت احط العاب له وقت الاستحمام
لاني اكره يطول بالحمام لانه مكان معروف نجاسه ومكان للشياطين
ومعدوته لازم اذا دخل لازم يسمي ويتعوذ

انا احط بانيو الاطفال " طشت صغير متل البانيو " و احط سفنجه على قد البانيو تلاقيها في الصيدليه او اقسام الاطفال و يلعبون لما يشبعون و بعدها الفه في منشفه و اطلعه

انا ولدي بديت اروشه من رمضان بالحمام الله يكرمكم عمره سنه وثمانيه شهور
يستأنس على الدش ويلعب حركته كثيره بس انا احاول أسيطر على الوضع هههههههههههه