اعتزلت العالم والسبب في ؟؟

اذكري الله يابنت الحلال
كل مشكله لها حل والبشرة معتمده اعتماد كلي على النفسية يعني انتي جالسه تضرين نفسك,
يعني انتي جربتي كل الكريمات الموجوده بالسوق وكل الماركات؟
عندك مشاكل بالقولون؟او الكبد؟
لازم تشيكين لأنها تأثر على الهالات.
بعدين فيه تقشير للهالات بأماكن متخصصه جربتيه؟اذا لأ ردي لي علشان اعلمك عالخاص.
وسلامتك ياقمر وسعي صدرك.
:)

جزاك الله خير يالعنيده بصراحه قبل ثلاث سنوات راجعت دكتوره ممتازه واعطتني كريم ليل ونهار وخف بس لما تركته زااااد السواد المشكله اني رحت ادور الكريم لو استخدمه طول عمري بس مالقيته وبعدها خفت من اي كريم

يا عمري لا تتعقدين و لا شي و الله عند بنت خالتي كانت عندها هالات فظييييييييييييييييعه سوداء سوداء سوداء من و هي صغيرة لدرجة انها من لما كان عمرها 12 تخيلي صغيرة بس تدهنها و تهتم فيها معقدتها من زمان و الحين ما فيها الا شي خفيف

اتذكر انها كانت تدهن بفير اند لفلي للهالات بس سمعت انه خطير ما ادري و البنات يمدحون زيت جنين القمح استخدميه و ان شاء الله يروح وما فيه شي مستحيل و بنفس الوقت ما فيه شي يجي بسرعه لازم صبر و اهتما

للرفع

يا قلبي انتي مركزه على هالموضوع عشان كذا ماراح تحسين بأي تحسن
ولو حتى كان بسيط...
تعوَّذي من الشيطان... وادعي الله ان يساعدك...
عموماً.. انا عندي خلطه لأحدى الأخوات من الموقع الله يجزاها خير وهي عباره عن:
2ملعقه كبيره من الفازلين (( تُسيَّح على النار ))
1ملعقه كبيره زيت اللوز
1ملعقه زيت جنين القمح
أخلطيهم مع بعض وحطيهم في علبه وقبل النوم استخدميهم
وهذا قناع حطيه على عيونك وعلى وجهك ورقبتك اذا حابه مرتين الى ثلاث مرات بالأسبوع
وهو عباره عن بطاطس وخيار مهروسين
وهذا ماسك ثاني جربيه وان شاء الله ماتندمين وهو عباره عن:
ملعقة خميرة تذوب بملعقة من الحليب الفاتر
مع ثلاث نقاط زيت زيتون وملعقة من عصير الخيار وملعقة من ماء الورد
ثم توضع بالخلاط مع قطعة صغيرة من العجين الجاهز
ولما تصير رخوة حطي شاش على عينك وبعدين الماسك
ولما ينشف بعد عشرين دقيقة ازيليه بسهولة بمساعدة الشاش
وأسأل الله ان يفرج همك وهمي وهم كل مسلم
لا تنسيني من دعائك يا عسل