بنات قولوا لي انا طبيعية

سلام عليكم

تحملت زوجي كثير بما فيها بخله الميقت اللي متعبني ومطفشني رغم انه راتبه فوق العشرة الاف المهم كذا مرة اطيح عليه عنده علاقات مع بنات بالجوال او ماسنجر والحين الواتس اب وتويتر والفيس بوك طحت على محادثات بينه وبين بنات في الفيس بوك والله ان لاعت كبدي من اللي يقوله لهم.

من كلامه لهم يالغالية فيدتك يدلعهم باشاميهم يترجهم يتعالجون هذا اللي تقول انها مريضة واللي يقول لها اهم شيء تكونين مرتاحة وسعيدة انا اكون مرتاح.

وحدة تقوله امواح يعني بوسة ويرد عليها يقول لا يدري خطيبك.

وانا حسرة علي اسمع من كلمه حلوة كله عافس وجهه ومتنرفز وكله قاهرني غير بخله المادي اللي ريال ما امسك في يدي حسبي الله عليه.

المهم واجهته وقلت له حرام عليك هاللي تسويه فيني وفي عيالي هذا زنا والزنا مو بس في الفراش بناتك امانة عندك تسوي الحرام وطيح فيهم بعدين قاللي من قال انا انا ما اكتب مثل هالكلام اصلا حسابي مخترق واحد تكلم عني وكتب هالكلام لهم انا سكت وقلت له خلاص انا صدقتك لانك قلت لي مو انت وانا اثق فيك هو سكت وانا سكت.

لكن عارفة داخلي ان هو يكذب علي لاني اعرف اسلوبه اللي قهرني شلون عديت الموضوع بهذي السهولة وقص علي بكلمتين والله يا بنات تعبانة منه ومن تصرفاته معاي اللي جيب الهم والغم والمرض.

رفعوا معنوياتي حدي متحطمة :(