ثانيا اذا خايفه على زوجك من الحرام او تبين تملكين قلبه استودعيه الله بهذا الدعاء التحصيني
بعد صلاه العصر والفجر قولي ( اللهم اني استودعتك قلب زوجي وبصره ولسانه وفرجه فإحفضه
لي يامن لاتضيع وائعه )
ثالثا الفكره الذاتيه اللي في عقلك اللي انت ماخذتها عن نفسك تلقائي زوجك والناس راح يأخذوها
عنك لانك بهالطريقه ترسلي لهم اشارت طاقه سلبيه وهم يستقبلونها
و نفس الشي لو ارسلتي لهم طاقه ايجابيه يستقبلونها فأي وحده تختارين اكيد الايجابيه فدائما
حدثي نفسك واشعريها انك حلوه وخلوقه ومحبوبه وزوجك يحبك
رابعا الله الله بالثقه في النفس لاتسالين زوجك ايش رايك بلبسي والا انت مرتاح معاي والا انت ماتشتاقلي ليش والا تحبني
كل هالاسئله تنم عن فقدان ثقتك بنفسك وقدرتك على احتواء هالاشيا ء واذا قال انت حلوه مو تقولين الله يعز المكياج لا حبيبتي قولي ادري
ياقلبي اني حلوه __ بكل دلع وغنج
خامسا استقبال الزوج عند عودته وتوديعه قبل خروجه لها اثر طيب على قلبه
سادسا فجري طاقاتك الانثويه وتدلعي لاتقولين لنفسك ما اعرف اتدلع او بحاول او مولايق علي
هالكلمات تاثر عليك سلبا حسب علم الطاقه قولي لها تدلعت وبتدلع زياده على زوجي حبيبي
وموصعبه مع التدريب والهمه
انا شماليه كنت اعتبر الدلع سخافه << ايام زمان الله لايردها خخخخ
بس كيفت نفسي وعودتها على الدلع وكل الانماط تحب الدلع وما اتوقع رجال يكره الدلع
سابعا لاتمدحين اي امراه على وجه الكره الارضيه عند زوجك ترى انت الخسرانه يا اما انه راح يتعلق
فيها او اذا كانت من محارمه والاقارب كل شوي يقارنك فيها حتى لو ماصرح المراه الذكيه تمسك لسانها
بالذات وهي راجعه من عرس خخخخخخخخخخ
يتبع والقادم اجمل ان شاء الله
بنات منقول عجبني وحبيت افيدكم معي
لان هالاشياء تفقدك ثلاثه ارباع الانوثه
تاسعا تقول الدكتوره ناعمه لاتطيحي الميانه مع الرجال معنى هالكلام بعض الامور ماتنقال قدام الرجال
مثل سوالف ايش ايصير في الولاده والا طريقه تضييق
والا الدوره غزيره اليوم والله لينقرف
عاشرا اذا انتقدك زوجك في تصرفاتك او طريقه معاملتك له او للاطفال انتبهي للنقد وغير من نفسك ترى هالنقد
افضل مليون مره من انه يلجا لزواج ثاني
او للحرام لاسمح الله مثلا انتقد صوتك العالي او حتى انتقد حاجه تشوفينها بسيطه مثلا قالك ليش تلبسين
خاتم في السوق معناها اثرتي غيرته على طول قولي يوه جزاك الله خير ذكرتني
وشيليه في الشنطه طبعا نقده يكون في غير معصيه الخالق
الحادي عشر الفرمونات استغليها لجذب زوجك اكثر من روعه سوي بحث
في هالقسم اكتبي كلمه فرمونات
الثاني عشر لاتصري على السوالف مع الزوج طوال اليوم،
الرجل بطبيعته صامت، وذلك نظرا لصغر حجم
الغدة التعبيرية لديه اذا تبين تسولفين سولفي مع صديقة لك وابتعدي عن زوجك
، فهو رجل يختلف عنك في كل شيء، وهولا يتكلم الا لايصال المعلومه واذا كنتي تبين زوجك يتكلم اسكتي انتي وشوفي كيف راح يبدا هو بالكلام
الثالث عشر لاتتخلي عن هواياتك وصديقاتك بعد زواجك اذا لاحضتي الرجال مايتخلى
عنها بس حنا مسكينات من نتزوج نكرس حياتنا لها المخلوق
وهذا اكبر غلط اصلا الرجال يعتبر المراه جزء مكمل لحياته
فقط اما المراه للاسف فتهيألها ان الرجل كل حياتها
صح ببدايه الزواج موكذا بس بعدين الرجال بيرجع لربعه وهوياته فسوي مثله
الرابع عشر من تعلق بحب غير الله عذُب به حبي زوجك بحدود ولا تبينين له انك ماتقدرين تعيشين من غيره
لانه اذا اقتنع بها الشي ماراح يراعي مشاعرك ابد بيسوي اللي يبيه وفي قراره نفسه عارف انك ماراح تتركينه
لانك ببساطه قلتيله ما اقدر اعيش بدونك
الخامس عشر لا تتنازلين للرجال عن اي حق من حقوقك دراسه وظيفه او مصروف على قد (حاله طبعا )
خاصه لو كنتي شارطه عليه في عقد الزواج
ليششششش لان الرجال اذا شافك تتنازلين كل شوي
راح ترسلين له اشارات سلبيه وهي انك ايضا ممكن تتنازلين عنه بسهوله هو لو فكر بغيرك بيقول ياما تنازلت اكيد ماراح تعارض زواجي وبيستغرب رفضك وراح يسوي اللي براسه
السادس عشر اذا كنتي تكرهين احد من الناس
فإاحتفضي بمشاعرك بعيدا عن زوجك والناس علشان ما ياخذ وعنك فكره موحلوه
مثلا لاتقولي اكره فلان والافلانه ومنها تجذبينهم يعرفوا عنهم اكثر
السابع عشر لاتبخلي على نفسك باللبس والعطور والاثاث في حدود المقدره طبعا لانك اذا استخسرتي في نفسك عطر غالي
فلاتلومين زوجك اذا استخسره فيك
الثامن عشر لاتخلين حياتك محصوره على الرجال ويصير هو محور حياتك واهله والمشاكل عيشي لنفسك وحبي نفسك وعيالك وتغيري علشان نفسك واكشخي علشان نفسك ومارسي هواياتك واقراي القران مره قرات ان احد الصحابه لا اذكر اسمه اتى من الجهاد واخذ يقبل المصحف ويبكي ويقول اشغلنا عنك الجهاد سبحان الله وحنا ايش اللي مشغلنا لو كل يوم تقرين صفحه كم حسنه تصير عندك
يتبع والقادم احلى واحلى بنات مااقدر اكمل الا باجر ان شاء الله لان لي ثلاث مشاركات باليوم فقط