بنات تكفوون شورو علي

بنات انا متزوجه من سنه زوجي انسان طيب وكل شي ..لكن تخيلو انا حامل وزوجي عنده اجازه شهر طبعا في البدايه اتفقنا انو نقضي عشره ايام عند اهله ويومين او ثلاثه عند اهلي لانو ع قولته مايصلح الرجال ينام عند اهل زوجته وقلت ماشي مافي مشكله وخمسه ايام نتمشى والباقي نرجع بيتنا ونريح اوكيه طبعا لمن قربت الاجازه قام يقولي انا ما ابيك تروحين معي عند اهلي لانك بتنكدين عليه وتقولين اطلع استاجر لي وودني وجيبني وانا ابغى اخذ راحتي >>طبعا قال كيذا لانو في شهر العسل لمن رحنا عند اهله خلاني عند اهله ثلاث ايام ويابنات ما اشوفه الا وقت النوم طفشت خاصة ان علاقتي مع اهله جدا رسميه ومافي احد جالس معي يسولف ولاشي قلت اوكي رح وانا بجلس في بيتي فيما ترجع رفض قال بوديك عند اهلك قلت لا مابي >>انكد عليهم طلعتهم وكل شي وانا تعبانه الافضل بيتي طبعا قال طيب بنشوف ويوم جات الاجازه قام وسووا مشكله عشان ينكد علي واروح لاهلي وصار يتلفظ علي ويدور الزله ومره صحاني من النوم وهو معصب يقول سوي لي اكل قمت ع طول وسويت له وجاء يقول الا تاكلين بالغصب ورفضت قام وسحبني مع شعري وبعدت يده ورحت تقفلت في الغرفه وجاء يهددني لو ما افتح الباب ان يضربني وكلام كثير انا لاشعوريا قلت طلقني وافتح الباب وشويات الا وكسر الباب وقال روحي لغرفتك مابي اشوفك وجلس يتكلم ويقول روحي لاهلك وقلعتك ومن هالكلام وان شاء الله ماترجعين الا اذا ولدتي قلت بسرعه ودني لاهلي وحجزلي اليوم الثاني ورحت عندهم وع طول مشى هو لاهله واليوم الثالث كلمني واعتذر ومن هالكلام ومشيت الموضوع بس تخيلو ساحب علي ويكلمني يقول الافضل ماترجعين البيت الا بعد العيد عشان حملك وانا تراني بجلس عند اهلي اجازه الشهر كامل وبرجع بيتنا وبداوم وعندي اشغال يعني مثل اللي افهمي ولاتجين الا بعد العيد مافكر يابنات وقال زوجتي يمكن مشتاقه لي شي اناني يقول يمكن اجي انا اجلس معك يومين بس من رمضان عشان بس يقضي حاجته طيب وانا واهلي مو مصدقين حتى يقولون غريبه بتجلسين شهرين!!؟وزوجك مابيجي عندك ولاشي !!وبس اصرفهم اقول مشغول الله يعينه!!طبعي كتومه ومستحيل اقول عن زوجي اي شي لاهلي ؟؟ارشدوني انصحوني خاصموني خذو راحتكم اهم شي ردو علي باي شي واعذروني اذا موضعي ملخبط شويات؟؟اسالو عن اي شي ما وضحته ..