السلام عليكم ورحمة الله وبركاته
هذا كريب لذيذ بمعنى الكلمة وطعمه شبيه بكريب مطعم اسماك النافورة بنسبة 99, 99 %
عاد ماادري وشو له يبقى هالواحد خخخ :hahaha::hahaha: المهم بسم الله نبدأ
المقادير في العجانه مع بعض
بيضة – كاس وربع دقيق – 2 ملعقة شاي بكنج بودر – فانيلا – 2 فنجال قهوة سكر – فنجال حليب بودرة – كاس ماء اعجنيهن مع بعض بتكون عجينه اثقل من عجينه الكيك بشوي واذا احتجتي حطي ملعقة دقيق
وهذي شكل العجينه
نحمي آله الكريب او المصابيب بس تكون دافيه ماتكون حارة مررة ونحط ملعقة من الخليط وعلى طول تكون الملعقة مبلولة بماء ثم نساوي سطح الكريب عشان تكون خفيفة مررة ونخليها تحمر من الاسفل بس عشان ماتيبس
تجمع الكريبات وعلى طول اللي يخلص ندهنه بنوتيلا ونثنيها نصف دائرة
وممكن انك تسوينها بمقلاة كبيرةعلى النار واذا استوت تدهنينها بنوتلا وتثنينها من الجانبين للوسط وتقطع قطع صغيره وانا دايم اسويها بس قلت بجرب هالصغيرات وصار شكلها ارتب واحلى
اتمنى انها تعجبكم وللأمانه المقادير اخذتها من منتداي الغالي من زمان بس سويت بعض التعديلات البسيطة
لا تنسوني ووالدي من الدعاء
وحلو اني اول وحده ترد
عاد انا مجنونة اسماك النافورة
تسلم ايديكي ويعطيك العافيه